agjenti

agjenti-1-1280x668.jpg
Sej rie15:30 | 12/06/2019

Shërbim “call center” dhe shpërndarje e menjëhershme e kokainës në Tanbrixh Uells në Britaninë e Madhe, ku vetëm njëri nga anëtarët e bandës numëronte 1500 telefonata për porosi. Janë të gjithë shqiptarë anëtarët e bandës që trafikonin kokainë në Britaninë e Madhe dhe që tashmë kanë përfunduar në pranga në pritje të datës së gjyqit.

Një bandë shqiptarësh ka përfituar rreth 4.2 milion stërlina – ose 4 milion e 700 mijë euro në shitjen e kokainës në zonën e Tanbrixh Uells në Britaninë e Madhe. Shërbimi i tyre njihej si ‘Deliveroo for drugs’. Sipas raportimeve të prokurorit të çështjes kjo shumë parash është përfituar për vetëm 6 muaj. Banda e shqiptarëve kishin krijuar një call center i cili funksiononte 24 orë në 24 për 7 ditë të javës në Londër.

Pas përfundimit në pranga në seancën dëgjimore u theksua se shqiptarët përdornin një sistem të thjeshtë dhe të suksesshëm për të shitur drogën. Ata përdornin një rrjet për shpërndarjen e ushqimeve për të mbuluar shitjen e kokainës dhe përdornin telefona të pa-përgjueshëm për marrjen dhe konfirmimin e porosive.

Porositë ishin gjithnjë gjysmë gramësh, gjithnjë kokainë, gjithnjë për 40 stërlina dhe gjithnjë me shpërndarës shqiptarë në zonën e Tanbrixh Uells.

Gjithashtu hetuesit gjetën prova të jetës luksoze dhe shpenzimeve marramendëse të anëtarëve të bandës, në telefonat e tyre celularë. Njëri prej tyre është filmuar duke hedhur para në një klub treksa perfomonte një këngëtare shqiptare. Një tjetër kishte dërguar një Range Rover për një shokun e tij në Shqipëri, dhe një i tretë i kishte paguar shërbimin dentar vjehrrës së tij. Zona në fjalë njihet për nivelin e lartë të jetesës, ndërsa në telefonin e njërit prej të arrestuarve u  gjetën 1500 telefonata porosish me një vlerë prej 60 mijë stërlinash.

Kishte raste që linja e telefonit bllokohej për shkak  të fluksit, dhe klientët luteshin që të paktën të kishin një konfirmim të porosisë së tyre.

Banda gjithashtu lidhet edhe me një sulm me thikë por askush nuk është akuzuar zyrtarisht.

Policia britanike arriti të gjurmonte linjën e shitjes së kokainës në juglindje të Londrës ku jeton njëri prej të arrestuarve 20-vjeçari Rigels Hadashaj. Policia arriti të mblidhte fakte dhe duke përdorur agjentë të infiltruar të cilët blinin kokainë prej javësh nga banda e shqiptarëve.

Një tjetër i arrestuar është dhe Ervis Dervishi, i cili u përgjua teksa transportonte me automjetin e tij një nga agjentët e infiltruar, të cilit i thoshte të mos fliste pasi shefi i tij nuk donte që ai të kishte të panjohur në automjet.  Një tjetër i arrestuar kishte 8 mijë stërlina cash dhe kokainë me një vlerë prej 2 mijë stërlinash.

Nelson Aliaj një tjetër anëtar i bandës kishte blerë toka dhe biznese në Shqipëri, ndërsa pjesa më e madhe e anëtarëve qëndronin në mënyrë të paligjshme në Britaninë e Madhe. Aliaj dhe Fatos Metalia pretenduan në momentin e arrestimit, se ishin kërcënuar në mënyrë që të bëheshin pjesë e Bandës.

Emrat e të arrestuarve janë Rigels Hadashaj, 20, Arlind Palushi, 19, Fatos Metalia, 24, Izmir Basha, 24, Nelson Aliaj, 28, Ervish Dervishi, 23, Xhesil Vucaj, 21, Alfred Gashi, 19, dhe Marius Kuci, 24-vjeç./ABC News Albania 24/7

SPIUNI-AUSTRI-ABC-1280x720.jpg
ent ela23:05 | 09/11/2018

Shërbimet sekrete perëndimore vazhdojnë të zbulojnë tentakulat e spiunazhit rus. Rasti më i fundit është verifikuar në Austri, vendi që muaj më parë kishte refuzuar dëbimin e diplomatëve rusë, si sanksion për helmimin e ish-agjentit Sergei Skripal në Angli.

Një kolonel i forcave të armatosura austriake, aktualisht në pension, dyshohet se ka spiunuar në favor të Rusisë për të paktën 20 vjet. Lajmin e ka publikuar të premten në një konferencë shtypi kancelari austriak Sebastian Kurz, i cili i është referuar hetimeve të kryera nga prokuroria e vendit. Ndërkohë, ministrja e Jashtme Karin Knajsel ka anuluar përkohësisht një vizitë në Rusi, të planifikuar për më 2 dhe 3 dhjetor. Sipas agjencisë shtetërore të lajmeve austriake, informacionet që kanë mundësuar identifikimin e spiunit u kanë shkuar autoriteteve në Vjenë nga shërbime sekrete të huaja. Nga ana e saj, Rusia ka reaguar duke deklaruar se nuk di asgjë për kolonelin austriak në pension.

“Kohët e fundit partnerët perëndimorë nuk ndjekin rrugët tradicionale të diplomacisë, por nxitojnë të ndjekin diplomacinë e megafonit, duke në akuzuar e duke kërkuar prej nesh falje publike për gjera për të cilat nuk kemi asnjë dijeni”, ka deklaruar ministri i Jashtëm Sergei Lavrov. Zbulimi i autoriteteve austriake pritet të cënojë raportet mes Moskës dhe Vjenës, e cila ishte e vetmja që muaj më parë ishte kancelaria e vetme perëndimore që nuk dëboi diplomatë rusë, një fushatë kjo që nisi pas helmimit të ish-agjentit rus Sergei Skripal në Angli. Nga ana tjetër, për Kremlinin është mohimi i radhës, pas rasteve të spiunazhit të verifikuara që nga fillimi i vitit në Shtetet e Bashkuara, Britani, Holandë dhe Danimarkë, ndaj dhe varianti i tij për një sajesë diplomatike nuk është shumë i besueshëm. /abcnews.al

170602-cia-259p-rs_4efdb0cbbefaf78483edfb1ab6a373f4.nbcnews-ux-2880-1000-1280x819.jpg
ent ela12:38 | 17/01/2018

FBI arrestoi ish agjentin e CIA-s Xherri Chun Shing Lee, në aeroportin e Nju Jork. SIpas akuzave ai shiti listën me emat e bashkëpunëtorëve amerikanë në Kinë. Të gjithë personat e përfshirë u vranë ose u arrestuan.

Eshtë arrestuar nga FBI një ish agjent i CIA-s, i cili akuzohet se i ka shitur Pekinit të emrat e të gjithë informatorëve që agjencia kishte në Kinë, dhe që nga 2010 janë arrestuar ose vrarë. Lajmi është raportuar nga Nju Jork Tajms, e cila shton se Jerry Chun Shing Lee 53 vjec ka punuar për Cia nga viti 1994 deri në vitin 2007. Ai jetonte në Hongk Kong dhe u arresua sapo mbërriti në aeroportin e Nju Jork.

FBI nisi hetimet që në 2012-ën pasi Cia filloi të humbiste informatorët e saj në Kinë. Hetuesit nuk përjashtuan mundësinë që qeveria kineze të kishte hakeruar bisedat e agjencisë me burimet e saj të informacionit jashtë territorit amerikan. Por Lee u zbulua nga dy blloqe të vogla ku ishin shkruar të dhëna sekrete, ku kishte dhe detaje për takimet mes informatorëve të Cia-s dhe agjentë të maskuar. Në blloqe kishte dhe detaje si numra telefoni e adresa. Në shtatë vitet e fundit janë verifikuar me dhjetra informatorë të CIA-s që janë vrarë apo burgosur në Kinë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono