agjenti rus

PUTIN-SKRIPAL-1280x620.jpg
ent ela13:25 | 04/10/2018

Presidenti rus Vladimir Putin ka sulmuar ashpër ish spiunin Skripal të helmuar gjatë një tentative për vrasje në Salisbury të Britanisë. Shefi i Kremlinit thotë se ai nuk është aktivist për të drejtat e njeriut, por tradhëtar dhe mashtrues.

Presidenti rus Vladimir Putin ka sulmuar ashpër Sergej Skripal, ish-spiunin sovjetik të helmuar marsin e këtij viti në Angli, duke e quajtur atë një “mashtrues” dhe “një tradhtar të atdheut”. “Unë shoh se shumë prej jush mendojnë se Skripal ishte një lloj aktivisti për të drejtat e njeriut”, tha Putin gjatë një takimi të Energjisë në Moskë. “Ai ishte vetëm një spiun, një tradhtar i atdheut. Ekziston ky koncept – tradhtar i atdheut. Ai është njëri prej tyre. Ai është një mashtrues dhe kjo është e gjitha”, shtoi shefi i Kremlinit.

Marsin e këtij viti, Sergej Skripal dhe vajza e tij Julia u gjetën pa shenja jete në një stol në qytetin Salisbury në Mbretërinë e Bashkuar. Sipas autoriteteve britanike, babai dhe vajza janë helmuar me agjent nervor Novichok. Dhe pas sulmit të parë kimik në Evropë që nga fundi i Luftës së Dytë Botërore është Rusia. Moska, nga ana tjetër, gjithmonë ka mohuar përfshirjen e saj.

Londra gjithashtu identifikoi dy agjentë të dyshuar të shërbimeve të inteligjencës ushtarake GRU si autorë të sulmit, të cilët në një intervistë me Russia Today, pranuan se ishin në Salisbury në ditën e tentativës për vrasjen e Skripal, por pretendojnë se ishin vetëm “me pushime”. Gjithashtu nuk pranojnë se janë agjentë të inteligjencës ushtarake. Marrëdhëniet midis Britanisë së Madhe dhe Rusisë janë përkeqësuar në mënyrë të konsiderueshme: incidenti ka shkaktuar dëbime të ndërsjellta të diplomatëve. /abcnews.al

KREMLINI-AKTIVISTI-1280x720.jpg
ent ela22:44 | 26/09/2018

Përdorimi i agjentëve kimikë për të eliminuar kritikët e Kremlinit është kthyer në një shqetësim serioz për faktorin ndërkombëtar. Pas rastit të spiunit Sergei Skripal dhe së bijës, objekt i një sulmi të ngjashëm ka qenë një aktivist rus i cili po mjekohet në Gjermani.

Pioter Verzilov, një aktivist i njohur rus që u helmua dy javë më parë teksa ecte në rrugët e Moskës, ka akuzuar shërbimet sekrete ruse se fshihen pas sulmit ndaj tij. Verzilov, i cili është gjithashtu botues i një portali lajmesh kritike kundër Kremlinit, aktualisht po kurohet në një spital të Gjermanisë, ku është marrë në mbrojtje nga policia vendase.

“Unë jam i bindur se prapa helmimit tim fshihen shërbimet sekrete ruse, ndoshta njësia GRU”, ka deklaruar Verzilov për gazetën gjermane “Bild”. Pak momente pas sulmit me agjent kimik, aktivisti humbi shikimin, dëgjimin dhe aftësitë fizike.

Mjekët në spitalin gjerman nuk kanë gjetur gjurmë helmi në trupin e tij, por duke parë simptomat e treguara janë të bindur se veç helmimit nuk ka shpjegim tjetër. Verzilov është i bindur se shërbimet sekrete kanë përdorur një miks të ri helmesh, të cilin e kanë testuar ndaj tij.

“Profesionalizmi me të cilën u krye sulmi nuk lë vend për hipoteza të tjera vec atyre të shërbimeve sekrete”, ka vijuar Verzilov. Aktivisti është një personazh i njohur edhe për afërsinë me anëtaret e grupit Pusi Rajot, i njohur për këngët kundër presidentit Vladimir Putin. Gjithashtu, ai tërhoqi vëmendjen me hyrjen pa leje në fushën e lojës në finalen e Botërorit Rusi 2018. Por kjo ngjarje sipas tij nuk është shkaku real i helmimit.

“Do të investigoja vrasjen e 3 gazetarëve rusë në Republikën e Afrikës Qendrore dhe mendoj se kjo ka qenë arsyeja përse donin të më helmonin”, ka vijuar Verzilov. Ai ka shtuar se gjendja e tij shëndetësore po përmirësohet dhe ka shprehur dëshirën të kthehet në Rusi sapo të lërë spitalin. /abcnews.al

 

 

boris-johnson-1280x660.jpg
G. P.15:46 | 16/03/2018

Ministri i jashtëm i Mbretërisë së Bashkuar ka akuzuar drejtëpërdrejtë presidentin e Rusisë, Vladimir Putin, se qëndron pas sulmit kundër ish spiunit rus. Ndërkohë, hetuesit njoftuan se agjenti kimik i është vendosur të bijës së Sergej Skripal në valixhen e saj gjatë udhëtimit nga Moska për në Britani.

Nuk ka ulje tensionesh mes Moskës dhe Londrës. “Presidenti i Rusisë, Vladimir Putin me shumë mundësi ka urdhëruar sulmin me agjent nervor kundër një ish spiuni dhe vajzës së tij”. Akuza e rëndë dhe e drejtpërdrejtë është bërë nga ministri i Jashtëm i Mbretërisë së Bashkuar, Boris Johnson. Zyrtari i qeverisë britanikë ka saktësuar se zemërimin e ka me Kremlinin dhe presidentin rus dhe jo me popullin rus. I menjëhershëm ishte dhe reagimi i Moskës: “Londra ka kryer një shkelje të pafalshme të ngrirjes diplomatike”, shkruhet në një deklaratë të Kremlinit.

Ndërkohë, gjurmë të agjentit nervor, që ka çuar në gjendje të rëndë ish spiunin rus dhe të bijën, janë gjetur pikërisht në valixhen Yulia Skripal. Hetuesit britanikë mendojnë se substanca kimike i është vendosur asaj në bagazhe përpara se të nisej nga Moska. Kjo është raportuar nga “The Telegraph” që citon burime të inteligjencës së Mbretërisë së Bashkuar. Tashmë po hetohet rreth mundësisë së intosikimit të një veshje të 33-vjeçares me substancë helmuese ose për një dhuratë, të cilën e ka marrë nga Moska, e që më pas e ka hapur në shtëpinë e babait të saj në qytetin Salisbury.

Më herët për këtë çështje ndërhyri dhe shefi i NATO-s që nënvizoi se “Rusia ka nënvlerësuar “përgjigjen dhe unitetin” e aleatëve të Mbretërisë së Bashkuar”. Sekretari i Përgjithshëm i Aleancës së Atlantikut të Veriut, Jens Stoltenberg tha se NATO po zhvillon fuqizimin e mbrojtjes kolektive më të madhe që nga përfundimi i Luftës së Ftohtë.

Mbështetja për Londrën erdhi pasi kryeministrja Theresa May urdhëroi dëbimin e 23 diplomatëve të Rusisë si dhe vendosi sanksione kundër disa zyrtarëve të Kremlinit dhe biznesmenëve që janë të afërt me Vladimir Putin. Nga ana tjetër reagimi i Moskës ishte i njëjtë. Rusia pretendon pafajsinë dhe pavarësisht kësaj, ministri i Jashtëm, Sergej Lavrov, njoftoi se shumë shpejt do të dëbohen zyrtarë Britanikë nga vendi./abcnews.al

PAQJA-NE-BOTE-1280x720.jpg
ent ela15:57 | 13/03/2018

Paqja në botë është në buzë të humnerës. Sipas mediave ndërkombëtare, janë dy ngjarjet që rrezikojnë të prishin ekuilibrat botërorë dhe të fusin fuqitë e mëdha në luftë: helmimi i ish-spiunit rus në Angli dhe ndërhyrja turke në Siri.

Rendi botëror duket gjithnjë e më i rrezikuar në një kohë, kur marrëdhëniet mes fuqive të mëdha janë më të tensionuara se kurrë. Së fundmi janë dy ngjarjet që përforcojnë tezat për një konflikt të armatosur global: helmimi i ish-spiunit rus në Angli dhe ndërhyrja ushtarake e Turqisë në Siri.

Rasti i Sergei Skripal është kthyer në një luftë diplomatike mes Londrës dhe Moskës, që është përshkallëzuar nga ultimatumi i kryeministres Theresa May drejtuar Kremlinit. Akuzave të Mbretërisë së Bashkuar për përfshirjen e shtetit rus në agresionin me agjent kimik ndaj Skripal i është përgjigjur këtë të martë shefi i diplomacisë ruse, Sergei Lavrov.

Lavrov i ka bërë thirrje May që para se të ngrejë akuza të zbatojë rekomandimet që rrjedhin nga Konventa botërore për Ndalimin e Armëve Kimike, ndërsa u ka dhënë përgjigje edhe paralajmërimeve se Britania do të reagojë.

“Para se të bëjnë këtë ultimatum, se brenda 24 orëve duhet t’i japim llogari qeverisë britanike, të zbatojnë më mirë vetë detyrimet e tyre sipas ligjit ndërkombëtar, në këtë rast Konventës për Ndalimin e Armëve Kimike. Sa u përket mënyrave të sjelljes pastaj, nuk duhet të harrojmë se epoka e kolonializmit ka kohë që i përket së shkuarës”, ka thënë Lavrov.

Por ndërkohë në mediat britanike aludohet se përgjigjia e Londrës zyrtare, që helmimin e ka cilësuar një agresion në territorin e saj, do të jetë një sulm kibernetik ndaj Rusisë. Nga ana tjetër, Turqia pro-ruse vazhdon ndërhyrjen e saj ushtarake në zonat me shumicë kurde të Sirisë, ku ndodhen edhe milici të mbështetura nga Shtetet e Bashkuara.

Dhe duke u shprehur e vendosur për të vijuar operacionet e saj, Ankaraja zyrtare ka lënë të kuptohet se është gati të prishë përfundimisht marrëdhëniet me Uashingtonin, që gjithsesi janë në nivele minimale./abcnews.al

RUSIA-PER-HELMIMIN-E-AGJENTIT-1280x720.jpg
ent ela13:49 | 13/03/2018

Rusia i është përgjigjur ultimatumit të kryeministres Britanike Tereza Mej lidhur me dhënien e detajeve për helmimin e ish-spiunit rus. Ministri i jashtëm thotë se Moska është e pafajshme dhe ofroi bashkëpunim në hetime.

“Rusia është e pafajshme dhe e gatshme të bashkëpunojë lidhur me hetim për helmimin e ish-spiunit rus Sergej Skripal dhe të bijës nëse Mbretëria e Bashkuar do të respektojë detyrimet ndërkombëtare”. Kështu është shprehur ministri i jashtëm rus, Sergej Lavrov në një konferencë për shtyp. Më herët kryeministrja britanike Theresa May i dha kohë Moskës deri mesnatën e së mërkurës për të dhënë shpjegime për helmimin, në të kundërt Londra ka premtuar masa ndëshkuese.

Lavrov ka nënvizuar që Moska ka “dërguar një kërkesë zyrtare për qasje në hetime në mënyrë që ekspertët e Kremlinit të testojnë conform Konventës për armët kimike”. “Deri më tani kërkesa është injoruar nga pala Britanike”, theksoi shefi i diplomacisë ruse. Ndërsa më tej ai shton: “Në vend që të vendosë ultimatum, londra duhet të respektojë detyrimet e sajë ndërkombëtare.

Ndërkohë, përveç deklaratës, ministri i jashtëm Lavrov thirri ambsadorin britanik në Moskë për konsultime lidhur me akuzat e kryera nga May. “Rregullat e Organizatës për Ndalimin e Armëve Kimike OPAC i lejojnë Mbretërisë së Bashkuar që t’i dërgojnë një kërkesë Rusisë lidhur me komponentin kimik të dyshuar dhe të presin një përgjigje brenda 10 ditëve”, shpjegoi më tej Lavrov. Nëse përgjigja nuk është e kënaqshme, atëherë Londra mund të prezantojë një ankesë në Këshillin Ekzekutiv të Organizatës dhe në shtetet anëtare të Konventës.

Skripal, 66 vjeç dhe vajza e tij Julia 33 ndodhen në një spital të Britanisë në gjendje të rëndë që kur u gjetën pa ndjenja në Salisburi, më 4 mars. /abcnews.al

 

sulmi-1280x645.jpg
G. P.22:46 | 07/03/2018

Policia britanike ka identifikuar lëndën e përdorur për helmimin e ish-agjentit rus dhe vajzës së tij në Salisburi. Autoritetet janë të bindura se bëhet fjalë për një sulm të qëllimshëm dhe po e trajtojnë çështjen me përparësi.

Një agjent nervor u përdor në përpjekjen për të vrarë ish-oficerin e shërbimeve sekrete ruse Sergei Skripal dhe vajzën e tij Yulia, në Salisburi të Britanisë. Në këtë përfundim kanë arritur autoritetet policore britanike, tre ditë pasi atë e bijë u gjetën pa ndjenja në një park. Mark Roëley, shef i anti-terrorit, ka deklaruar se specialistët e qeverisë kanë arritur të identifikojnë lëndën e përdorur, por nuk do ta bëjnë publik emrin e saj.

“Kjo ngjarje po trajtohet si një incident i rëndë, që përfshin një tentativë vrasjeje, përmes administrimit të një agjenti nervor”, ka deklaruar Roëley. Zyrtari i lartë ka shtuar se, identifikimi i lëndës dhe simptomat e shprehura nga ish-agjenti dhe vajza e tij, të cilët ndodhen në gjendje kritike për jetën, konfirmojnë se ata të dy ishin objektivi i sulmit. Gjithashtu, një oficer policie që shkoi i pari në vendin e ngjarjes është prekur dhe ndodhet në gjendje të rëndë në spital. Agjentët nervorë janë lëndë kimike me nivel toksik të lartë që ndalojnë sistemin nervor dhe funksionet e trupit.

Zakonisht ata depërtojnë në trup përmes gojës ose hundës, por mund të hyjnë edhe përmes syve ose lëkurës. Një ditë më parë, sekretari i Jashtëm britanik, Boris Johnson, paralajmëroi Rusinë se do të përballet me reagimin e ashpër të Londrës nëse vërtetohet përfshirja e saj në këtë ngjarje./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono