agimi i arte

agimi-i-arte.jpg
nev ila23:48 | 08/07/2019

I formuar nga pakënaqësia e grekëve ndaj ndërkombëtarëve dhe emigrantëve, partia nacionaliste Agimi i Artë doli e humbur në zgjedhjet e së dielës në Greqi. Sipas analistëve politikë, dështimi i subjektit të ekstremit të djathtë është tregues se grekët e kanë kuptuar se problemi nuk janë të huajt por sistemi.

Partia e ekstremit të djathtë, Agimi i Artë, nuk arriti të siguronte asnjë vend në Parlamentin e ri të Greqisë, një rezultat ky që sipas analistëve politikë reflekton një përmirësim të vogël të të ardhurave të vendit pas vitesh të tëra krize ekonomike.

Agimi i Artë, i njohur për mitingjet e tipit ushtarak të shoqëruara me pishtarë dhe përshëndetje naziste, pa të dielën t’i binte mbështetja elektorale në 2.9 për qind, nga 3 që është pragu elektoral dhe nga 6.9 për qind që kishte siguruar në zgjedhjet e 2015-s.

Megjithatë, kryetari Nikos MIHALOLIAKOS bëri një deklaratë sfiduese.

“Agimi i Artë nuk ka marrë fund. Njerëzit bëjnë mirë ta kuptojnë këtë. Ne do të vijojmë luftën tonë për nacionalizëm dhe do të kthehemi aty ku morëm forcë, në rrugët dhe sheshet e Greqisë”, deklaroi MIHALOLIAKOS.

Agimi i Artë ka qenë partia e katërt më e madhe në Parlamentin e mëparshëm të Greqisë, duke patur mbështetjen e grekëve të irrituar nga kushtet e rrepta të diktuara nga Trojka në këmbim të ndihmave financiare. Gjithashtu, subjekti politik mori mbështetjen e grekëve të pakënaqur nga numri i lartë i emigrantëve, kryesisht atyre myslimanë që arratiseshin nga Lindja e Mesme për shkak të konflikteve dhe mbërrinin në ishujt grekë nga Turqia, për të arritur më pas në Europën perëndimore.

Por tani gjërat duket se kanë ndryshuar.

“Elementi i irritimit ndaj ndërkombëtarëve dhe emigrantëve nuk ekziston më. Grekët e kanë kuptuar se duhet të rregullohet sistemi që vendi të ecë përpara”, ka deklaruar analisti Dimitris Mavros për agjencinë “Reuters”.

Zgjedhjet parlamentare të së dielës në Greqi u fituan nga partia konservatore Demokracia e Re, me liderin e saj Qiriakos Micotaqis që të hënën zëvendësoi Aleksis Tsipras në postin e kryeministrit./ABC News Albania 24/7

korfu.jpg
ad min17:40 | 03/12/2018

Mediat greke kanë publikuar identitetin e shqiptarit të vrarë në Korfuz më 25 Nëntor. Viktima është Petrit Zifle 63 vjeç. Autori i krimit është një 44-vjeçar banor i zonës, i cili u arrestua pak ditë pas vrasjes. Ai pranoi krimin para hetuesve, ndërsa gjykata e ka lënë në burg. Shtypi grek shkruan sot se autori është një anëtar i partisë naziste “Agimi i Artë”. Ai madje ka qenë përfaqësues i “Agimit të Artë” në zgjedhjet që janë mbajtur në fshatin Lefkimi të Korfuzit.

Konflikti mes 63-vjeçarit Zifle dhe autorit nisi në një lokal të zonës. Sipas mediave vendase, 44-vjeçari ishte përfshirë në një bisedë me të pranishmit për çështjen e emrit të Maqedonisë duke marrë shkas nga marrëveshja mes dy vendeve. Ai ofendonte Maqedoninë dhe qytetarët e tjerë jo grekë. Në këtë pikë të debatit ndërhyri edhe shqiptari Petrit Zifle. Mes të dyve nisi konflikti, ndërsa 44-vjeçari e kërcënoi me vrasje. Për të ndarë sherrin ndërhynë klientët e tjerë që ndodheshin në lokal.

Por, 44-vjeçari anëtar i “Agimit të Artë” ishte larguar dhe kishte shkuar të merrte armën. Ai i ngriti kurth 63-vjeçarit dhe e qëlloi për vdekje me çifte. Më pas trupin e tij e kishte hedhur në një kanal në anë të rrugës, që u gjet një ditë më pas nga kalimtarë të rastit. Banorët e zonës thanë se shqiptari Petrit Zifle jetonte prej vitesh në Korfuz dhe nuk kishte konflikte me askënd. Mediat lokale kanë ngritur problemin e personave me prirje nacionaliste, sikurse janë ata të “Agimit të Artë”, ndërsa vdekjen e shqiptarit e kanë konsideruar si një “vrasje fashiste”. /tvklan.al

polii.jpg
ad min11:45 | 19/09/2018

Në Selanik dhe Pire u regjistruan trazira dhe protesta të dhunshme mbrëmjen e 18 Shtatorit. Manifestimet u zhvilluan në përkujtim të 34-vjeçarit Pavlos Fyssas, anëtar i partisë ekstremiste Agimi i Artë, i cili u vra 5 vjet më parë.

Gjatë protestës në Selanik një 19-vjeçar mbeti i plagosur, pasi u godit në fytyrë me sende të forta. Në Pire, një grup individësh të panjohur i vunë zjarrin koshave, hodhën bomba molotov dhe gurë kundër policisë.

Ndërsa nga ana tjetër, forcat e rendit janë kundërpërgjigjur me gaz lotsjellës. Skena të ngjashme u zhvilluan edhe në Selanik, ku një grup të rinjsh të maskuar sulmuan agjentët, të cilët ruanin zyrat e partisë në pushtet, Syriza./abcnews.al

AGIMI-I-ARTE-ARRESTIMI-1280x720.jpg
ent ela10:26 | 18/06/2018

Policia greke ka arrestuar deputetin e Agimit të Artë, Kostas Barbarousis. Ai u arrestua nga njësia anti terror në një banese ku ishte fshehur, në verilindje të Athinës. Barbarousis akuzohet për tradhëti të lartë. Ky zhvillim vjen, pasi ai të premten bëri thirrje për grusht shteti, duke kërkuar që ushtria të arrestoje kryeministrin, presidentin dhe ministrin e mbrojtjes. Pas kësaj deklarate, ai u përjashtua nga grupi parlamentar i Agimit të Artë.

Deklarata që u konsiderua gjerësisht si thirrje për grusht shteti, u dënua ashpër nga të gjitha forcat politike, përfshirë Agimin e Artë.

Barbarousis u shpreh në atë mënyrë, për të kundërshtuar marrëveshjen e Athinës me Shkupin, për emrin e ri të Maqedonisë.  /abcnews.al

greku.jpg
ad min16:47 | 16/06/2018

Deputeti i partisë “Agimi i Artë”, Konstaninos Barbarusis, u arrestua pas thirrjes për grusht shtet gjatë debatit të dy ditëve të fundit në Kuvendin grek dhe për thirrjen për arrestimin e kryeministrit Aleksis Tsipras.

Siç theksojne mediat greke, ai është arrestuar me urdhër të prokurorisë për shkak fjalimit në Kuvend për grusht shteti.

Barbarius gjatë diskutimit tha, “Filloi copëtimi i Greqisë. Udhëheqësia e vendit po sjell ligje që nuk janë në interes të kombit, por që janë në interes të tyre, i bëjë thirrje udhëheqës ushtarake që të respektojnë betimin që e kanë dhënë dhe të arrestojnë kryeministrin Tsipras, ministrin e Mbrojtjes, Kamenos dhe kryetarin e shtetit, Pavlopulos që të pengohet kjo tradhëti”.

Vetë partia “Agimi i Artë”, e ka dënuar komentet e deputetit të tyre dhe e ka përjashtuar nga radhët e saj./abcnews.al

GREQI-MEMORANDUMI-DEBATE-1280x720.jpg
ent ela11:50 | 11/05/2018

Ditët e ardhshme parlamenti grek pritet të votojë memorandumin për bashkëpunimin me Shqipërinë, pas miratimit të tij në komisionin parlamentar për politikën e jashtme dhe mbrojtjen në Greqi. Por Agimi i Artë ka reaguar ashpër duke këmbëngulur se nuk do të ketë asnjë lloj hapje negociatash të Shqipërisë për procesin e integrimit evropian.

Debate të ashpra në parlamentin grek ku protagonist ka qenë një deputet I Agimit të artë, ndërsa tema e debatit ishte memorandum për bashkëpunimin mes Shqipërisë dhe Greqisë. Komisioni Parlamentar për Politikën e Jashtme dhe Mbrojtjen në Greqi miratoi me shumicë votash projektligjin e paraqitur nga Ministria e Jashtme e shtetit grek, mbi Memorandumin e Bashkëpunimit mes Greqisë dhe Shqipërisë. Vendimi i hap rrugë mbështetjes së Shqipërisë nga Greqia, në rrugën e integrimit europian, në një kohë kur vendi ynë pret hapjen e negociatave në muajin qershor. Pro Memorandumit të bashkëpunimit votuan partitë e koalicionit qeveritar, Syriza dhe Grekët e Pavarur, si dhe partia opozitare Potami, ndërsa Demokracia e Re, PASOK dhe Unioni i Qendrës shprehën rezerva në lidhje me këtë Memorandum. Kundër këtij Memorandumi bashkëpunimi votoi partia Agimi i Artë.

Mediat greke raportojnë se fjalimi i deputetit të Agimit të Artë në parlamentin e vendit, ka qenë i pasur me urrejtje dhe racizëm kundër Shqipërisë.

Gjatë debatit për anëtarësimin e Shqipërisë në Bashkimin Europian, deputeti Elias Kasidiaris sulmoi këngëtaren Eleni Fourera, e cila është me origjinë shqiptare dhe përfaqëson Qipron në Eurovizion, si dhe futbollistët shqiptarë që luajnë për Greqinë.

“A i shikoni shqiptarët, e shikoni ç’ndodh në Eurovizion, zbavitet një këngëtare që thotë se ajo nuk është shqiptare, se nuk ka të bëjë me Shqipërinë; thotë se është nga Guatemala, Nikaragua, nuk e di se çfarë dhe mbi të gjitha, futbollistë të dështuar, kantautorë që kapin paratë në Greqi, sepse fatkeqësisht shumë janë dyndur këtu në Greqi. Dhe pasi fitojnë paratë, fillojnë me simbolet në bluza, shqiponjat e Shqipërisë së Madhe, kështu që ata që besojnë në këto mizori, zbaviten me Shqipërinë e madhe jashtë Greqisë, shkojnë atje ku nënat e tyre nuk dinin ç’këpucë t’u vishnin. Asnjë bisedim me shqiptarët, asnjë negociatë derisa politikat e tyre antihelene të shtetit të ndalojnë. Ky është qëndrimi i Agimit të Artë. Menjëherë ne duhet të vëmë veton, një veto greke, për asnjë lloj hapje negociatash për procesin e integrimit evropian.”

Tashmë projektligji do të kalojë për votim në Parlament, në ditën e ardhshme. /abcnews.al

 

 

 

deputeti.jpg
ad min22:59 | 10/05/2018

Agimi i Artë në Greqi ka shpërthyer me tone raciste ndaj Shqipërisë dhe shqiptarëve në një seancë të komisionit për çështjet me jashtë, ku do të votohej memorandumi shqiptaro-grek për integrimin e vendit tonë në BE.

Në parlamentin grek është diskutuar të enjten miratimi i memorandumit të bashkëpunimit mes ministrive të Jashtme të Greqisë dhe Shqipërisë, për përshpejtimin e procedurave të integrimit të vendit tonë në BE.

Në seancën e mbajtur nga Komisioni për çështjet e jashtme memorandumi mori vota pro nga partitë Syriza, Anel dhe Potami, ndërsa partitë e tjera, mes të cilave PASOK dhe Demokracia e Re, abstenuan. Por nga ana tjetër ra në sy qëndrimi kundër i deputetit të Agimit të Artë, Ilias Kasidiaris, i cili u mëshoi toneve raciste ndaj Shqipërisë dhe shqiptarëve.

Deputeti ekstremist kritikoi ashpër edhe këngëtaren greke me origjinë shqiptare që merr pjesë në festivalin Eurovizion, si dhe futbollistët shqiptarë që luajnë në Greqi, të cilët sipas tij, sapo sigurojnë të ardhura veshin bluza me simbolet e UÇK-së dhe Shqipërisë së Madhe.

“Le të rrijnë aty ku janë, njësoj si dikur kur nuk ishin askush dhe nuk kishin këpucë në këmbë. Nuk duhet të ketë asnjë bisedim me shqiptarët dhe asnjë negociatë pa marrë fund më parë politika anti-greke në Shqipëri. Agimi i Artë kërkon vendosjen e vetos për të ndaluar çdo diskutim me qeverinë e Edi Ramës për integrimin në BE”, ka thënë Kasidiaris./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono