agim nesho

agim-nesho.jpg
eri Ida12:34 | 11/02/2020

Diplomati Agim Nesho nga studio e abcneës.al ka komentuar vizitën e kryeministrit Albin Kurti në Tiranë, ku ka theksuar se  ishte më dominuar në agjende se kryeministri Rama.

Përballë gazetares Juli Xhakoxhi, Nesho ka deklaruar se vizita e tij në tiranë dhe ajo çfarë prezantoi e ka vënë në vështirësi  Edi Ramën.

“Çfarë ndjesie ju dha konferenca mes dy kryeministrave ne kemi parë dhe vizita të tjera mes kryeministrash dhe duket se kishte tension. Kurti ishte më dominues në agjende duke insistuar se makroshengeni duhet të dominoj dhe faktin se Shqipëria për diskutimet në minishengenin ballkanik ka vendos pa e pyetur Kosovën. Kosova dhe interesat me të janë të panegociueshme.  Kurti ishte i qartë në modelin që prezanton, vizita e tij në Tiranë dhe në konferencën e përbashkët vendosi në tension Ramën. Ne dhe ato që kanë punuar deri më sot bëjnë gabim pasi elementin e çështjes shqiptare e shikojnë të bashkuarm, ashtu siç e shikon Serbia. Por nuk mund të ketë çështje shqiptare të përbashkët”, është shprehur diplomati.

Ndër të tjera nga studio e abcnews.al, diplomati është shprehur se dy kryeministrat janë të një profili pasi janë populist por secili prej tyre është i ndryshon në atë që përfaqëson në vetvete gjatë rrugëtimit që ka bërë në politikë. Kryeministri i Kosovës është një person që  figurë të pastër sipas tij.

“Kryeministri Kurti vendosi agjenden që në momentin që tha se vizitën e parë e bëra te fshati i Jasharit, vajten në Mitrovicë dhe së treti theksoi se vinte në Shqipëri, duke e theksuar se janë dy vende të ndara juridikisht, por jemi një komb i përbashkët. Kjo bëri që Rama të vendosur në një pozicion mbrojtës duke mbrojtur procesin e minishengenit Ballkanik. Ndërkohë duket që Evropa dhe Ushingtoni janë shumë skeptikë në lidhje me këtë minishingen dhe e dyta që lidhet me atë që Palmer tha sot se Rusia kërkon të krijojë një vatër në Ballkan. Të dy liderat janë populist njëri është idealist që ka luftuar deri në fund për të fituar atë post që ka dhe është një ndër  Rama është një populist i karakteri tjetër demagog që mori një parti të madhe ku theksoi se minishengeni shqiptar nuk ka kuptim pa atë ballkanik,” tha Nesho.

Gjithashtu nga ABC Neës diplomati është shperr se agjenda e Kurtit ishte e kopsitur dhe takimi me liderin e Partisë Demokratike Lulzim Basha, tregon se ai atë e shikon si një lider të ardhshëm dhe mundësitë e bashkëpunimit mund të jenë të larta./abcnews.al

 

nesho.jpg
in a14:14 | 09/01/2020

I ftuar në studion e “ABC News” me Juli Xhokaxhi, diplomati Agim Nesho është shprehur se Shqipëria ka vuajtur nga fenomenet që janë në bazë të veprimtarisë së OSBE-së.

“Problemet e qeverisjes në Shqipëri vazhdojnë të jenë problematike. Nuk jemi një vend i pranuar me standarde europiane, jemi shumë larg tyre, por megjithatë kemi ecurinë tonë. I vetmi përfitim nga takimi i OSBE -së do të jetë evidenca e Shqipërisë, mënyra për të diskutuar dhe parashtruar çështjet nga kryeministri. Diplomacia shqiptare sot është në pikën më të ulët”, u shpeh Nesho.

Diplomati Agim Nesho vendimin e Presidentit Trump e cilësoi si një veprim të matur.

“Trump ka vepruar taktikisht në mënyrë të shkëlqyer. Përfaqësuesit që u goditën ishin përfaqësues të militantëve të cilët ishin pjesëtarë të veprimeve destabilizuese në Iran. SHBA-të që në prill të vitit të kaluar e kishin cilësuar si pjesë të organizatave terroriste. Trump ka aftësinë që të merrte vendimim që veprimet e tij të mos shkaktonin një reaksion zinxhir”, tha ai.

Sa i përket reagimit për Shqipërinë Nesho theksoi se organizata terroriste funskionon me një ideologji të saj klerike antiamerikanizmi, që në thelb përmban lufntën kundër perëndimit”, tha Nesho./abcnews.al

nesho.jpg
nev ila20:41 | 19/12/2019

I ftuar në “Mbrëmja në ABC” me Mirela Milorin, diplomati Agim Nesho ka folur për proceset për shkarkimin e presidentit Donald Trump, i cili tashmë është zyrtarisht i akuzuar. Ai u shpreh se demokratët kërkojnë respektimin e ligjit. “Jo shumë presidentë kalojnë në fazën e hetimit parlamentar të Kongresit Amerikan”, tha Agim Nesho.

“Demokratët kërkojnë respektimin e ligjit, që asnjë njeri të mos jetë mbi ligjin. Ligjvënësit amerikanë janë të lirë, në rastet që prekin situatën e sigurisë kombëtare dhe në rastet që kanë të bëjnë me të ardhmen e tyre, ata dalin jashtë linjave partiake”, tha Nesho.

Ai gjithashtu theksoi se shihet një popullaritet në rritje të Presidentit Trump dhe shihet efektiviteti i punës që ai ka bërë.

“Në gjithë investigimet që janë iniciuar kundër presidentit Trump, kanë dalë rezultate që ka pasur tendencë nga vetë organet e drejtësisë që ta shikojnë në mënyrë të theksuar si anti Trump. Vetë situata e bërë nga demokratët të cilët duan të dobësojnë pozicionin e tij nuk do të japë rezultate pozitive”, theksoi Nesho.

Diplomati ka folur edhe për paketën antishpifje të cilën theksoi se e sheh si një prishje të ekuilibrave të demokracisë.

“Paketa është një rast skandaloz. Ne jetojmë në një krizë të gjatë institucionale ku balancat e pushtetit janë prishur dhe është shumë e vështirë të mbash ekuilibrat kur edhe situata ekonomike nuk është në favor. Ky ishte një akt i turpshëm, në dëm të interesave të demokracisë dhe të zhvillimit të vendit si kandidat që kërkon të futet në BE”, u shpreh Nesho.

Më tej ai theksoi se liria e shtypit është kryesorja. Sipas tij kjo është paramenduar mirë për të mbyllur fjalën e lirë. “Një hap negativ dhe nëse opinioni publik shqiptar dhe ndërkombëtar nuk do të reagojë e gjitha kjo do të çojë kalimin e Shqipërisë në një fazë tjetër të një sistemi jo liberal demokratik në vend”, tha Nesho./abcnews.al

agim-nesho-mirela-1280x612.jpg
nev ila20:38 | 31/10/2019

Diplomati Agim Nesho ka qenë i ftuar ditën e sotme në mbrëmje ABC me gazetaren Mirela Milori. Nesho foli për refuzimin e BE dhe propozimin e Rusisë gjithashtu dhe për mesazhet e përcjella nga Ambasadorja e dominuar amerikane për Shqipërinë Yuri Kim.

Sipas Neshos, Rusia nuk e mbështet dot Ballkanin nga ana ekonomike në krahasim me Europën e cila është një nga fuqitë botërore për sa i përket ekonomisë.

“Së pari, Rusia kërkon që pas lindjes së mesme në Ballkan të krijojë pozicionin e një fuqie botërore prandaj loja e saj është e rëndësishme, së dyti janë interesat e saj për arkitekturën evropiane, një kundërpeshë ndaj NATO-s për hyrjen e saj në zonat e ish-Bashkimit Sovjetik për ti treguar se edhe ne jemi fuqi botërore. Mendoj se ishte lëvizja e vendeve ballkanike, dmth lëvizja e Vuçiç, pasi krijoi të ashtuquajturin “schengenin ballkanik” pasi tha se ne nuk jemi të varur. Ishte një deklaratë kundërvënie e gjithë këshillit të bashkimit evropian, kjo tregon që ai vazhdon të luajë politikën e tij tradicionale dhe lëvizja ishte e parashikuar prandaj pritej edhe një deklaratë ruse për këtë qëllim“, tha Nesho.

Në lidhje me mesazhet që përcolli ambasadorja e dominuar amerikane për Shqipërinë Yuri Kim, Nesho tha se ajo ishte e qartë në 3 objektivat e saj në atë se cfraë duhet të bënte dhe se është në karakterin e çdo ambasadori nëse do i realizojë ato ose jo.

“Ajo ishte e qartë në 3 objektivat e saj. A do ti realizojë apo jo? Unë mendoj se varet së pari, nga karakteri i ambasadorit, e dyta nga interesi që ka vendi për Shqipërinë. Gjithsesi do të jenë të tjerët që do të flasin, se sa vetë ambasadori. Në përgjithësi ambasadorja reflektoi atë vizion që ka departamenti i shtetit se çfarë duhet bërë në Shqipëri. Ambasadori e ka të përcaktuar dhe të limituar në marrëdhënien mes dy vendeve por ne e kemi lejuar sidomos shtetet e bashkuara që të diskutojnë edhe më shumë duke i futur edhe në marrëdhëniet politike”, tha diplomati Agim Nesho./abcnews.al

agim-nesho.jpg
ad min17:40 | 07/10/2019

“Albin Kurti është një lider me vizion”. Kështu u shpreh diplomati Agim Nesho gjatë një bisede të zhvilluar me gazetaren Juli Xhokaxhi në studion e ABC News.

Nesho tha se Kurti ka filluar si një lider populist, por pushteti e ka bërë gjithnjë e më shumë të ndërgjegjshëm për përgjegjësitë dhe e ka kthyer në realist. Për sa i përket zgjedhjeve të së dielës, diplomati tha se u ndëshkuan liderët e partive që drejtuan UÇK-në.

 “Kemi një ndëshkueshmëri, një plotësim cikli të  partive të drejtuesve të UÇK-së. Tani kemi një brez, i cili pas luftës është brez i edukuar në Europë dhe nuk mund të trajtohet në të njëjtën mënyrë nga të tjerët. Të dy liderët nuk kanë provokuar të kaluarën, por janë protagonistët të së ardhmes. Këto zgjedhje ishin edhe një reagim, një votim popullor si do reagonte ndaj projektit të propozuar nga Vuçiç dhe i pranuar nga udhëheqësit lokal për një projekt të ri në Ballkan. Kjo tregoi që kishte reagim ndaj projektit të Vuçiç. Këto vihen re në ardhjen në pushtet të një dysheje si Albin Kurti dhe Vjosa Osmani”, tha Nesho.

Pas 11 vitesh duket se Kosova do të ketë një qeveri që nuk vjen nga radhët e UÇK-së. Edhe pse Presidenti Thaçi është nga radhët e UÇK-së, nuk ka një marrëdhënie të mirë me Albin Kurtin. Për sa i përket, funksionimit të këtyre dy institucioneve, presidencë-ekzekutiv, Nesho tha se politikën do ta luajë qeveria.

“Ka një moment që politikën në një qeveri parlamentare e kanë përcaktuar edhe më parë që është qeveria që e luan politikën. Që në parlamentin e shkuar e kufizuan presidentin Hashim Thaçin duke i vënë disa viza të kuqe që kanë të bëjnë me sovranitetit të Kosovës dhe mos prekjen e projektit të Ahtisarit. Në këtë kuptim edhe vota, një votë popullore e forcon këtë gjë. Kemi një president që do të jetë i limituar dhe një kryeministër që me pozicionin e tij që ne nuk e dimë akoma, por ka reflektuar nga e kaluara do të jetë i fortë. Kemi një kryeministër nga një gjeneratë e re”, tha Nesho./abcnews.al

paskal-milo-1.jpg
ad min21:18 | 27/05/2019

Sipas ish-ministrit të Jashtëm, Paskal Milo, duhet që palët politike të veprojnë në emër të interesit kombëtar për t’i hapur rrugën zgjidhjes së krizës në vend. I ftuar në emisionin “Byro Politike” nga Juli Xhokaxhi, Milo theksoi se Shqipëria duhet t’i japë mesazhin BE-së se e meriton integrimin në BE. Pikërisht ky duhet të jetë shqetësimi i palëve politike sipas tij.

“Unë them që do jetë faktori i jashtëm që do përcaktojë hapjen e negociatave brenda këtij viti. Ajo që do vendosë për hapjen e negociatave do të jetë se si do shkojnë punët në Shqipëri. Ky do jetë shqetësimi i klasës politike shqiptare, si do krijojë kushtet që Shqipëria të stabilizohet politikisht dhe me qëllim që të japë një mesazh që Shqipëria e meriton hapjen e negociatave. Duhet menduar shumë. Duhet vepruar në emër të interesit kombëtar dhe jo në interes politik të çastit të njërës apo tjetrës palë politike. Deri tani unë shikoj të prevalojë interesi kombëtar për t’i hapur rrugë çeljes së negociatave. Nëse kjo nuk ndodh nuk duhet të shpresojmë që do të paraqitemi në sytë e vendeve evropiane si shtet me qëndrueshmëri politike që meriton hapjen e negociatave. Përgjegjësia e klasës politike është t’i thërrasin mendjes në emër të integrimit evropian të Shqipërisë”, tha Milo.

Edhe ish-ambasadori Agim Nesho tha se Bashkimi Evropian nuk mund të pranojë një vend që është në krizë.

Unë dua të dalloj një moment që ne përpiqemi që problemet tona t’i projektojmë jashtë. Atë që do shprehin të huaj ndaj nesh janë ato që duhen korrigjuar në vend. Ky proces do varet shumë nga çfarë bëjmë ne dhe kush është problematika e Shqipërisë sot. Nuk mund të pranohet, duhet të jemi koshientë, një vend që është në krizë nuk mund të pranohet në BE pa parë të gjitha kriteret e tjera. Nuk e kanë të huajt, e kemi ne”, u shpreh Nesho gjatë emisionit “Byro Politike”./abcnews.al

neshooo.jpg
ad min21:22 | 09/05/2019

Pas takimit me kryeministrin e Shqipërisë ditën e djeshme, Presidenti i Kosovës, Hashim Thaçi deklaroi se kishin biseduar për domosdoshmërinë në lidhje me hapjen e plotë të kufirit me Shqipërinë dhe krijimin e një hapësire shqiptare pa kufi nën ombrellën e aleancën euroatlantike.

Për diplomatin Agim Nesho, pavarësisht përpjekjeve të liderëve lokalë të Ballkanit Perëndimor, rregullat i cakton Europa dhe do zgjidhet sipas kushteve të saj. Sipas tij, kjo është një aventurë e paprecedentë që nuk lejohet as nga e drejta ndërkombëtare.

Agim Nesho: Unë mendoj që është një retorikë që i shërben më tej atij patriotizmit shqiptar dhe vlerësimit ndaj asaj që ka ndodhur në Berlin. Unë mendoj që Berlini ka qenë shumë i prerë dhe i saktë duke thënë që “doni të vini në familjen tonë evropiane, këto janë konditat. Asnjë fuqi tjetër mund të përcaktojë rregullat e shtëpisë tonë”. Çfarë do përpjekjesh të bëjnë udhëheqësit lokalë me prioritet që kanë duke thirrur një forcë ose një forcë tjetër, kjo gjë i takon Europës dhe në një kuptim kjo gjë do të zgjidhet në Europë dhe sipas kushteve të Europës. Kjo është një aventurë sepse nuk e lejon ligji ndërkombëtar, sepse jo vetëm Kosova, e cila me këtë deklaratë prek Kushtetutën e saj edhe vë në rrezik atë që komuniteti ndërkombëtar i ka përcaktuar, nuk ka bashkim me vende të tjera, nuk ka sovranitet ndaj Serbisë më. Përmendja e zonave të ndryshme në territorin e Serbisë, ashtu si edhe një ide tjetër për heqjen e kufijve, sado patriotike të jetë, është e dëmshme për këto momente, për Kosovën sepse ka të bëjë me procesin e njohjeve dhe aderimin në OKB.

Mirela Milori: Nëse kjo ndodh përbën rrezik faktori shqiptar e pështjellon rajoni nëse do hapej kufiri Kosovë-Shqipëri?

Agim Nesho: Ne mund të duam që sot të bashkohemi të gjitha hapësirat ku jetojnë shqiptarët, por kjo nuk mund të ndodhë. Paprecedentët në të drejtën ndërkombëtare kanë një ligj dhe ndryshe do të veprojë si në një pyll të egër ku ligjin do e bëjë më i forti. Sot nuk lejohet sepse sot ka pasur një reagim shumë të fortë. Daciç ka thënë që kjo është një pështymë ndaj BE-së për arsye sepse prek çështja e kufijve. Vetë Europa nuk mund ta lejojë këtë precedent pastaj do fillojë Srpska Republika do kërkojë të hapë kufijtë, fillojnë të çmontohen dhe krijohet një konfiguracion i ri gjeopolitik. Fuqitë e tjera nuk do jenë indiferente tani që ka dalë një botë polare dhe me shumë fuqi që kanë interes të veçantë mbi Ballkan./abcnews.al

agim-nesho-1.jpg
ad min20:46 | 09/05/2019

Eksperti i marrëdhënieve ndërkombëtare, Agim Nesho, deklaroi këtë të enjte se samiti i Brdo-Brijunit është një event që përsëritet çdo vit. Sipas tij nëse nuk do kishte qenë samiti i Berlinit dhe qëndrimet që dolën pas tij, ky i sotmi që u zhvillua në Tiranë do të ishte një gjë e zakonshme si vitet e tjera.

I ftuar në “Mbrëmje ABC” nga Mirela Milori, diplomati u ndal edhe te vizita e Përfaqësueses së Lartë të BE-së, Federica Mogherini. Konferencën mes saj dhe kryeministrit Edi Rama, ai e konsideroi si një shfaqje për politikën e brendshme në vendin tonë.

“Sigurisht në fakt këto janë marrëdhëniet e vërteta, pavarësisht se samiti në qendër të tij ka çështjen e pajtimit të konflikteve dhe zgjidhjen e rrugëve të përbashkëta për integrimin europian. Kjo tregon se realiteti ballkanik reflekton një realitet ndryshe, plot kontradikta, plot gjëra të pazgjidhura, mënyrën e komunikimit të vështirë jo vetëm ndërmjet liderëve. Ajo që dua të vlerësoj, produkti i samitit u bënë disa lëvizje mes të cilat dua të veçoj, takimin mes Kryeministrit Rama dhe Komisioneres së Lartë të BE, zonjës Mogherini që mendoj se ishte më tepër një show për ambientin politik të brendshëm sepse nuk ka pasur akoma vlerësim Komisioni i Bashkimit Europian për të ardhur me një rezultat konkret siç erdhi radhën e kaluar. U bë një vlerësim vetëm i njëanshëm duke thënë vetëm rezultatet pozitive të shprehura disa herë nga kryeministri shqiptar. Duket sikur ishte një “qokë” e kërkuar dhe për të rënë në një nivel të papranueshëm të një përfaqësusi të lartë të BE-së. Ne e dimë që në përfundim të mandatit ka një pauzë që nuk shprehen dhe zonja Mogherini kishte të drejtën të shprehej edhe në tryezën ku mori pjesë sepse këto janë sinjalet e personaliteteve të veçantë dhe të vlerësonte Shqipërinë. Thirrja e saj duke thënë që populli shqiptar, nënkupton që 92 % kërkojnë të hyjnë në Europë është po populli shqiptar që ka votuar dhe merr pjesë sot në demonstrata dhe në këtë krizë të madhe politike sepse kërkon që t’i bashkohet BE-së jo për përfitime ekonomike, por për të garantuar perspektivën evropiane. Kjo nuk mund të rrinte pa u prekur nga Mogherini”, tha Nesho.

Sipas Neshos, Mogherini po përpiqet që të përdorë kanalet e komunikimit që ka krijuar me liderët e Ballkanit, duke përfshirë edhe kryeministrin Rama, në mënyrë që të rinisë dialogun mes Kosovës dhe Serbisë.

“Samiti i Berlini përcaktoi vendin kush do jetë raporti ndërmjet vendimeve të shteteve dhe të Këshillit të kryetarëve të qeverive të BE për vetë faktin se nuk pati sukses. Mogherini në këtë proces duke mos arritur dot të konkretizojë një marrëveshje të domosdoshme ku në nivelin politik ishte shprehur shumë mirë që Serbia për të hyrë në BE ka si konditë njohjen e Kosovës. Nuk mendoj që bashkëbisedimin që bëri me qeverinë e bëri me këtë qëllim. Ajo ishte për një vlerësim të marrëdhënieve personale me Kryeministrin Rama. Qëllimet e saj ishte për të riaktivizuar atë dialog dhe për të arritur një marrëveshje në fund të vitit sepse kjo është një kërkesë kryesore e BE-së. Në këtë mënyrë kërkon që në ato njohje personale që ka krijuar me liderët e Ballkanit t’i konkretizojë dhe të mos jetë e shmangur, por të korrigjojë këtë gjë që të jetë faktor”, tha Nesho./abcnews.al

byro-politike-1.jpg
ad min23:01 | 06/05/2019

Zgjedhjet presidenciale në Maqedoninë e Veriut ishin tema e diskutimit në këtë puntatë të emisionit “Byro Politike “ nga Juli Xhokaxhi. Stevo Pendarovski është zgjedhur si president i Maqedonisë pas raundit të dytë të zhvilluar të dielën. Thelbësore për zgjedhjen e tij në krye të shtetit ishin edhe votat e shqiptarëve që jetojnë në Maqedoninë e Veriut.

Për të diskutuar rreth kësaj çështjeje të ftuar në studio ishin: diplomati Agim Nesho; studiuesi Lisen Bashkurti; ish-ambasadori Arben Çejku dhe politologu Ilir Kalemaj. Ndërkohë në lidhje të drejtpërdrejtë nga Maqedonia ishte kreu i BDI-së, Ali Ahmeti.

Ky i fundit gjatë emisionit deklaroi se shqiptarët në Maqedoninë e Veriut nuk kanë nevojë për më shumë se dy parti politike. Ndërkohë, të ftuarit në studio theksuan se zgjedhja e Pendarovskit në krye të shtetit është historike, jo vetëm për maqedonasit, por edhe për shqiptarët që jetojnë atje./abcnews.al

agim-nesho.jpg
ad min20:52 | 06/05/2019

Diplomati Agim Nesho e konsideroi si historike për shqiptarët zgjedhjen e Stevo Pendarovskit në krye të shteit të MAqedonisë së Veriut. Gjatë emisionit “Byro Politike” nga Juli Xhokaxhi, ai theksoi se vendet perëndimore e kanë konsideruar njeriun e tyre presidentin e ri të Maqedonisë.

“Ai që është problem në Ballkan ëhtë që elitat ndryshojnë me vonesë. Ky (Pendarovski) e ka provuar veten sepse është një akademik. Ka punuar me ambientet dhe institucionet ndërkombëtare. Një njeri jep shpresën që do jetë njeriu që me të drejtë Perëndimi e ka quajur njeriu i tij. Ishim në një moment shumë kritik për sigurinë në Maqedoninë e Veriut. Një njeri që do i shërbejë interesave të gjithë popullit që rrallë herë ka ndodhur në këto vende. I urojmë suksese dhe duhet të themi që ishte zgjedhja më e mirë. Një zgjedhje historike jo vetëm për maqedonasit, por edhe për shqiptarët”, tha Agim Nesho.

Stevo Pendarovski do të jetë presidenti i ri i Maqedonisë së Veriut. Ai fitoi në raundin e dytë të zgjedhjeve presidenciale te zhvilluar të dielën në këtë vend. Pendarovski mori rreth 16 mijë vota me shumë se rivalja e tij Gordana Siliankovska.

Pendarovski u kandidua në këto zgjedhje nga koalicioni në pushtet, LSDM dhe BDI. Duket se në raundin e dytë është mbështetur edhe nga elektorati i kandidatit shqiptar Blerim Reka, që mori 10 % të votave në raundin e parë në 21 Prill. Kështu duket se mbështetja e shqiptarëve me votë për kandidatin pro-evropian ishte vendimtare në fitoren e tij përballë kandidates opozitare Silianovska./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono