afrim qendro

afrim-qendro.jpg
G. P.13:37 | 16/01/2019

Kreu i Autoritetit Rrugor Shqiptar, Afrim Qendro ishte të mërkurën në Prokurorinë e Tiranës. Për gati tre orë me radhë ai dha shpjegime për llogari të hetimit të nisur ndaj “DH Albania”, kompanisë që fitoi tenderin 18 milionë euro, të pezulluar tashmë, për ndërtimin e lotit të partë të Unazës së Madhe në kryeqytet. Sipas prokurorisë, kompania ka paraqitur të paktën katër dokumentet të falsifikuara në garën tenderuese. Qëndro iu përgjigj të gjitha pyetjeve të bërë nga Oficerët e Policisë Gjyqësore, mbi gjithë procedurën tenderuese dhe verifikimet e bëra nga ana e ARRSH-së. Pas daljes nga Prokuroria Qëndro nuk ndau detaje të deklarimeve të dhëna, por këmbënguli se institucioni që drejton nuk ka bërë asnjë shkelje.

“Erdha si titullar i Autoritetit Rrugor dhe dhashë shpjegimet e duhura për ngjarjen në fjalë. Është një hetim që kryhet nga organet kopetente dhe Prokuroria po vazhdon punën e saj. E kam bërë të ditur qëndrimin tim në Prokurorinë e Tiranës. Të gjitha veprimet që ka kryer Autoriteti Rrugor i kam bërë të ditura në Prokurorinë e Tiranës në lidhje me projektin e Unazës së Re. Unë mendoj se Autoriteti Rrugor nuk ka barë asnjë shkelje”.

Hetimi i çështjes “DH Albania”, i nisur në javën e dytë të dhjetorit të vitit të kaluar për lotin e parë të Unazës së Madhe, u zgjerua në vijim edhe tek dy lotet e tjera. Prokuroria ka ngritur dyshime se edhe në to mund të ketë pasur elementë të veprës penale të “shkeljes së barazisë në tendera” dhe të “shpëdorimit të detyrës”.

Në të tre lotet ka garuar edhe një kompani tjetër, e cila nuk ka paraqitur asnjë ofertë financiare, c’ka ka ngritur dyshime se mund të jetë future në garë vetëm për të legjitimuar procesin. Pjesë e këtij hetimi është edhe tenderi i OST I përfituar nga “DH Albania” në vlerën 12 milionë euro për ndërtimin e linjës së interkonjeksionit Burrel-Peshkopi. Gjatë së mërkurës, në prokurori dha deklarime edhe administrator i OST-së, Klodian Gradeci.

Ditët e fundit prokuroria ka marrë edhe deklarimet e Komisionit të Vlerësimit të Ofertave në ARRSH dhe në OST në lidhje me procedurat e dy tenderave në fjalë. Ata kanë shpjeguar se nuk kanë konstatuar parregullsi në dokuemtacionin e depozituar online nga “DH Albania” përmes administratorit të saj, 26 vjeçarit Avdiol Dobi. Dëshmia e këtij të fundit konsiderohet si e rëndësishme nga prokuroria,  por Avdjol Dobi ende nuk është gjetur nga Prokuroria edhe pse është thirrur tre herë. DH Albania dyshohet se ka falsifikuar 4 dokumente  zyrtare të shtetit të Delaëerit në SHBA, ku është themeluar kompania mëmë e saj.  /abcnews.al

arrsh123.jpg
G. P.16:31 | 09/01/2019

Kreu i ARRSH-së, Afrim Qendro dhe Drejtori i Emergjencave, Haki Çako, inspektuan rrugët nacionale për situatën nga bora. Ata u bënë apel drejtuesve të mjeteve të kenë kujdes sepse situata do të vështirësohet.

Afrim Qendro: “Jemi në një situatë të vështirë dëbore, pothuajse në të gjithë Shqipërinë, por më të përqëndruara në jug dhe në zonën e Librazhd-Korçës. Të gjitha akset për momentin nuk i kemi të bllokuara. Kompanitë janë në terren duke punuar. Dua të bëj thirrje për drejtuesit e mjeteve. Drejtuesit e mjeteve duhet të zbatojnë të gjithë udhëzimet e Autoritetit Rrugor dhe Policisë Rrugore, sepse kur themi që për të lëvizur duhen goma dimri dhe zinxhirë, duhen vënë zinxhirët dhe gomat e dimrit”.

Taulant Balla: “Reshjet janë të një intensiteti që rrallë herë na ka rënë rasti t’i shohim. Është punuar gjatë natës, po punohet dhe megjithatë ajo që doja t’u thoja atyre që duan të përdorin aksin rrugor nga Elbasani deri në Qafë-Thanë apo deri në Kapshticë është deri në rast se nuk ka ndonjë urgjencë mirë është të mos udhëtojnë sepse pavarësisht punës ende ka segmenete në vështirësi. Aty ku është malore pavarësisht se është hedhur kripë dhe rrë, përsëri ka vështirësi”.

Haki Çako: “Jemi në kontakt me Ministrinë e Mbrojtjes që të gjitha Forcat e Armatosura të jenë në gatishmëri të plotë për t’i ardhur në ndihmë qytetarëve kudo qofshin ata, me të gjitha format, forcat dhe teknikën që ka në dispozicion, por gjithashtu kemi kontaktuar dhe jemi në kontakt me prefektët, të cilët kanë organizuar takimet dhe kanë shtabet e ngritura. Do të arrimë ta menaxhojmë këtë situatë e cila kuptohet ka vështirësitë e veta, kryesisht në zonat e thella malore, ku edhe rrugët rurale janë në pamundësi reale për t’u zhbllokuar shpejt”./abcnews.al

arrsh-2.jpg
G. P.22:22 | 27/11/2018

Autoriteti Rrugor Shqiptar hedh poshtë akuzat e opozitës, se projekti i Unazës së Madhe është më i kushtueshëm se paraardhësit. Drejtori Afrim Qendro në një komunikim me mediat krahasoi shifrat në kushte të barabarta, të segmentit “Komuna e Parisit-Shkolla Teknologjike” e realizuar në vitin 2012 me segmentin aktual nga Pallati me Shigjeta tek sheshi Shqiponja.

Afrim Qendro: “Ne kemi një kontraktor që ka një kontratë në vitin 2012, firma “Salillari SH.P.K.” Kemi dhe një nënkotraktor që ka marrë një segment te projekti i ri që është po “Salillari SH.P.K.” Po ju bëj një krahasim të thjeshtë. Po e nis me parametrat gjeometrikë dhe me përmasat. Gjatësi 1.41 kilometra. Rrugë e kategorisë A urbane. Gjerësia afërsisht 50 metra linearë. Vepra e artit ka dy mbikalime automjetesh. Kostoja totale e ndërtimit është 15. 59 milionë euro. Ju kujtoj që janë pa TVSH të gjithë doganat. Kostoja për kilometër për Salillarin e vitit 2012 janë 11.32 milionë euro. Kthehemi te segmenti ku po diskutojmë. Gjatësinë e ka 0.84 kilometra. Ka 0.84 kilometra rrugë A urbane. Ka 2.55 kilometra të kategorisë F. Gjerësia është 53.8 kilometra në ndryshim nga projekti tjetër ka dy korsi biçikletash dhe një brez të gjelbërt një metra. Veprat e artit këtu janë tre nënkalime për vetura dhe këmbësorë, një urë e re tek Lana. Kostot totale të ndërtimit shkojnë 12.55 milionë euro pa TVSH dhe kostot për kilometër janë 14.94. do të thotë kemi nga 11.32 shkojnë 14.94. Ju sjell në vëmendje që rritja e çmimeve në manualin e çmimeve është 30 përqind. Strukturat janë më trë vështira inxhinerikisht nga ana tjetër ky projekt ka dy vepra arti më shumë të cilat ndikon në koston e projektit”./abcnews.al

arrshhh.jpg
G. P.14:33 | 21/11/2018

Punimet për zgjerimin e Unazës së Re në Tiranë do të nisin nga ajo pjesë, ku nuk ka nevojë për të shembur objekte. Drejtori i Autoritetit Rrugor Shqiptar në një konferencë për shtyp ka shpjeguar projektin dhe kostot për realizimin e tij. Ndërkohë ka bërë të ditur se grupet e punës të Autoritetit Rrugor Shqiptar do të shkojnë  banesë për banesë për të vlerësuar përfundimisht çdo objekt që preket nga projekti.

Rruga nga pallati me shigjeta deri tek sheshi “Shqiponja” në kryeqytet renditet e dyta në Shqipëri për fluksin e automjeteve që lëvizin në të, pas autostradës Tiranë- Durrës. Këtë argument dhe zhvillimin urban të zonës përdori drejtori i Autoritetit Rrugor Shqiptar për të shpjeguar projektin e hartuar për t’u zbatuar në këtë zonë për të cilin tha se është i pari i përfunduar.

“Aksi që lidh mbikalimin e Shkollës Teknologjike me aksin e rrethrrotullimit “Shqiponja” nuk ka lëvizur. Ne kemi një rrugë, e cila ka karekteristikat e rrugës A urbane dhe është shoqëruar në të dyja anët me rrugë dytësore të kategorisë F.

Qendro pranon koston e publikuar nga opozita prej 40 milionë eurosh, por thotë se nuk bëhet fjalë për ndërtimin e vetëm dy kilometrave.

“Vetëm mbikalimi te “Shqiponja” bën 1.5 miliardë? Janë kostot e rrugëve dytësore, janë kostot e veprave të artit dhe janë kostot sa kushton kjo kategori. Nuk ka “Shqiponja” bën 1.5 miliardë? Janë kostot e rrugëve dytësore, janë kostot e veprave të artit dhe janë kostot sa kushton kjo kategori. Nuk ka të krahasuar kategori A urbane as me Levan-Tepelenë, as me Levan-Vlorë, as me by-passin e Fierit. Edhe Rruga e Kombit nga Rrësheni deri në hyrje të qytetit të Kukësit ka të njëjtat karakteristika siç po dikutojmë, por e parrethuar akoma. Kjo është një rrugë që po ndërtohet në një zonë urbane. Kjo është një rrugë që menaxhohet në qytet, ku kostot e menaxhimit të trafikut , kostot e ndërtimit dhe kostot që vijnë për shkak të rrjteve inxhenerike nëntokësore në qytet janë shumë herë më të larta se një rrugë që zhvillohet në fushë”.

Puna në terren do të nisë sapo të përfundojë heqja e pemëve dhe ndriçimi gjatë të gjithë gjatësisë së rrugës. Kantieri i punimeve do të ngrihet në krah të pallateve ku dhe nuk ka nevoë të shemben objekte. Trafiku nuk do të bllokohet, por do të devijohet.

“Kur vjen nga unaza nuk mund të rrotullohesh në vend, por do shkosh te Casa Italia dhe do kthehesh dhe nuk do bllokohet transporti publik qytetas e ndërqytetas por do jetë i kufizuar”

Paralelisht grupe të punës së Autoritetit Rrugor Shqiptar do të dalin derë më derë për të vlerësuar përfundimisht çdo ndërtesë që do të shembet. Ato që zotërojnë vërtetimin e pronësisë do t’i përcillen ministrisë së Infrastrukturës për t’u dëmshpërblyer 100%. Objektet e paleglizuara do t’i dërgohen bashkisë për t’u mbështetur përmes programeve sociale. Ndërsa për ato shtëpi apo biznese të cilët projekti i prek pjesërisht do të vendosin inxhinierët nëse pas ndërhyrjes mund të qëndrojnë në kembe apo jo. Vetëm pas kësaj faze drejtori i ARRSH thotë se do të nisë shembja e tyre. /abcnews.al

RAMA-NE-SHKODER-MURRIQAN.mpg_snapshot_00.36-1280x720.jpg
G. P.13:54 | 09/11/2018

Janë dashur rreth 4 muaj që aksi rrugor Shkodër-Muriqan të rindërtohet dhe të transformohet tërësisht dhe brenda standardeve të duhura. Gjatë inspektimit në këtë aks kryeministri Edi Rama theksoi se programi kombëtar i infrastruktures shërben si program i mirëfilltë mirëmbajtjeje, ndërkohë që deri më dje ishte thjesht një program grabitjeje.

Rruga me gropa e aksit te Muriqan shkodër ishte deri para pak muajsh një shuplakë për udhëtarët, shqiptarë dhe të huaj që përdornin këtë portë kufitare për të hyrë në vendin tonë. 4 muaj pasi iu nënshtrua rindërtimit, aksi rrugor Shkodër-Muriqan me një gjatësi rreth 12 km, tashmë ka pësuar një transformim tërësor. Kryeministri Edi Rama së bashku me kreun e ARRSH-së, Afrim Qendro dhe zv.ministrin e Infrastrukturës, Artan Shkreli inspektuan këtë segment për të cilin u investuan 1.5 milion euro për rindërtimin e tij. Sipas kreut te ARRSH, Afrim Qendro rruga shkurton gjysmën e kohës që shpenzonin drejtuesit e mjeteve para ndërhyrjes.

Afrim Qendro, kreu i ARRSH: “Është një aks gati 12 km nga Shkodra në Murriqan, i cili i është nënshtruar programit të qeverisë shqiptare për rehabilitimin. Është rehabilitimi i shtresave komplet, sidomos sinjalistikës dhe sigurisë rrugore, plus veprave të artit, se kjo rrugë ka qenë problem me tubinat, me kanalet anësore, një histori 25-vjecare e pavënë dorë”.

Ndërsa zëvendësministri i Infrastrukturës, Artan Shkreli theksoi se vëmendja kryesore ka qenë siguria rrugore dhe afati i punimeve në këtë projekt.

Artan Shkreli, zv.ministër i Infrastrukturës: “Ishte parashikuar të bëhej për 6 muaj, është bërë gati për 4 muaj. Ka një risi të madhe sa i përket elementëve dhe standardit. Ky është standardi që duam të arrijmë me mirëmbajtjen e rrugëve, gjë që nuk ka ndodhur më përpara.”

Gjatë inspektimit në aksin Shkodër-Muriqan kryeministri Rama tha se programi kombëtar për infrastrukturën është kthyer në program të mirëfilltë mirëmbajtje, pasi deri më dje ishte program grabitje Më tej Rama bëri të ditur se programi i mirëmbajtjes së rrugëve ka gjetur dhe mbështetjen e Bankës Botërore.

Edi Rama, kryeministër i Shqipërisë: “Me Bankën Botërore që financojnë një pjesë të programit, ne patëm një takim dhe u shprehën me nota superlative për programin dhe për mënyrën se si është i gjithi i ndërtuar. Se nuk është thjesht çështja e financimit, se në këtë histori për 30 vjet nuk është se kanë munguar lekët, thjesht, këtu ka munguar komplet e gjithë mënyra e konceptimit dhe e organizmit.”/abcnews.al

RAMA-NE-VORE-FUSH-KRUJE.mpg_snapshot_00.19-1280x720.jpg
G. P.17:47 | 29/10/2018

Kryeministri Edi Rama ka inspektuar punimet në rrugën Vorë – Fushë-Krujë. Investimi prej 4.9 milionë eurosh do të përfundojë pas tre muajsh.

Ka shkuar ta shohë vetë ecurinë e punimeve në segmentin Vorë – Fushë-Krujë. Nëse deri dje ka qenë një aks i shpartalluar në këndvështrimin e kryeministrit Edi Rama, sot duhet të jetë një rrugë sic socialistët dinë ti ndërtojnë, tha ai.

Edi Rama, kryeministër: “Ky është rindërtim goxha i thellë dhe i domosdoshëm, sepse ishte një nga akset më të shpartalluar, ndërkohë që është aks kombëtar, për momentin, deri kur të ndërhyjmë në mënyrë rrënjësore me ndërtimin e të gjithë rrugës së re Kashar-Thumanë, pastaj lart deri në Balldren dhe të krijojmë një rrugë të standardeve siç dimë ne,” u shpreh Kryeministri Edi Rama, i cili inspektoi sot ecurinë e punimeve në këtë segment të rëndësishëm rrugor.

Segmenti Vorë-Fushë Krujë, një segment i gjatë 11.2 kilometra, është relativisht i plotë, i thellë, me paketë asfaltike, me shtresat me të gjithë elementët e sigurisë rrugore, sinjalistikë vertikale e horizontale,” u shpreh Afrim Qendro, Drejtor i Autoritetit Rrugor Shqiptar sipas të cilit do të përshpëjetohet afati i mbarimit të kësaj rruge.

Afrim Qendro, drejtor i ARRSH: “Afati është 6 muaj e gjysmë, por besoj për 3 muaj është e përfunduar. Kemi bërë më shumë se gjysmën deri tani, me ritme të jashtëzakonshme, me dy turne. Kemi aktivizuar rreth 210 punonjës dhe 160 makineri,” u shpreh drejtuesi i kompanisë ndërtuese.

Paralelisht po punohet në të gjitha arteriet e hapura rrugore, si dhe në zonat që paraqisnin rrezikshmëri për rrëshqitje me afrimin e stinës së dimrit, apo për katastrofa natyrore.

“Të gjitha pjesët e tjera të rehabilitimit i kemi hapur e jemi në përfundim. Shkodër-Muriqan është drejt fundit edhe Fushë Mjeda edhe Tamara. Gjithashtu Gjirokastër-Lazarat është drejt përfundimit. E gjithë paketa rehabilituese është drejt përfundimit”.

Dy akse të tjera shumë të rëndësishme, Rruga e Arbrit dhe Burrel-Klos, do t’i shtohen hartës së infrastrukturës rrugore .

“Klosi, – u shpreh Kryeministri, – që në kohën kur kishte shkel shoku Enver atje, s’kishte vënë dorë më as njeri, vetëm për të shkuar për të ngritur gishtat e demokracisë. Edhe rruga e Arbrit po ecën shumë mirë.”

“Rruga e Arbrit deri tani është me ritme shumë të kënaqshme. Jemi diku mbi 20 e ca % punime të kryera. Shumë afër fillojmë dhe Milot-Balldren dhe Thumanë-Kashari dhe me këto, i gjithë aksi merr formë përfundimisht, bashkë me të gjithë elementët, deri në Balldren ku shmanget ajo rrëmuja dhe gjithë ajo situata e pakëndshme që është krijuar në hyrje të Lezhës. I gjithë aksi, me doganën e Muriqanin dhe me Hanin e Hotit, kalon në kushte normale dhe bëhet një aks i mbyllur”.

Duke filur për standartet, Kryeministri Rama kërkoi që autosdrata Tiranë Durrës të mo pësojë më përmbytjet e një viti më parë.

“Kemi gjetur hapësirat në kontratë dhe do bëhet një ndërhyrje emergjence, të shpejtë, për të bërë të mundur mospërsëritjen e asaj situate që kishim. Ndërkohë që kemi një bashkëpunim të mirë me disa biznese, të cilët në pjesën mbrapa bizneseve të tyre kanë filluar pastrimin e kanaleve,” deklaroi Qendro, duke shtuar se është vendosur edhe bashkëpunimi me KESH-in dhe institucione të tjera për të realizuar një zgjidhje përfundimtare, për shkak se në atë zonë ka rrjete të sistemit të ujit të pijshëm dhe të tensionit të lartë.

Pas autostradës Tiranë Durrës segmenti Vorë – Fushë-Krujë, renditet i dyti në vend për nga numri i mjeteve që qarkullojnë në një ditë.4. 9 milionë euro është investimi që parashikon ta shndrrojë në një rrugë me parametrat e duhura të lëvizshmërisë, elementëve të sigurisë dhe sinjalistikës./abcnews.al

damian-gjiknuri.jpg
ent ela15:54 | 23/10/2018

Punimet për rehabilitimin e aksit rrugor Vorë-Fushë-Krujë u inspektuan nga ministri Damian Gjiknuri dhe kreu i ARRSH-së Afrim Qendro të cilët theksuan se punimet po ecin me ritme të shpejta dhe brenda standardeve të duhura.

Ministri i Infrastrukturës dhe Energjisë Damian Gjiknuri dhe drejtori i ARRSH Afrim Qendro inspektuan sot punimet që po kryhen për rehabilitimin e aksit rrugor Vorë-Kthesa e Rinasit-Fushë-Krujë. Ndërhyrja në këtë aks kryhet në kuadër të programit të qeverisë shqiptare për mirëmbajtjen e akseve rrugore dhe parashikon rehabilitimin e plotë të nënshtresave asfaltike. Investimi i parashikuar shkon në 4.3 milion euro dhe prek gjithashtu edhe gjithë sinjalistikën vertikale e horizontale.

Drejtori i Autoritetit Rrugor Shqiptar Afrim Qendro theksoi se punimet në segmentin Vorë-Fushë Krujë po ecin me ritme të shpejta dhe ku deri më tani është përfunduar gjysma e segmentit

Ministri Gjiknuri vuri në dukje se ky është një tjetër kantier i rëndësishëm i mirëmbajtjes dhe rehabilitimit të akseve kombëtare

Ministri Gjiknuri vuri theksin tek nevoja për të mirëmbajtur rrugët edhe në aspektin e disiplinës së lëvizjes së mjeteve të tonazhit të rëndë, në mënyrë që ndërhyrja të garantojë që këto investime të rëndësishme që paguhen nga taksapaguesit shqiptarë të kenë mundësi të jetojnë sa më gjatë. /abcnews.al

 

RRUGA-KRRABE-ELBASAN-ABCM4T1.mpg_snapshot_00.05-1280x720.jpg
G. P.15:52 | 24/09/2018

Ndërhyrja për të eleminuar rrëshqitjen në rrugën nga Kërraba në Elbasan, ka nisur. Drejtori i Autoritetit Rrugor Shqiptar inspektoi punimet dhe deklaroi se për menaxhimin e trafikut është hartuar një plan masash me policinë.

Në segmentin që lidh tunelin e Kërrabës me Elbasanin ka nisur puna për të eleminuar rrëshqitjen e dherave. Kontrata e lidhur me kompaninë që po kryen punimet parashikon që ndërhyrja të zgjasë rreth katër muaj. Drejtori i Autoritetit Rrugor Shqiptar, Afrim Qendro, tregoi se gjatë kësaj periudhe për menaxhimin e trafikut është hartuar një plan masash me policinë rrugore.

Afrim Qendro, drejtor i ARRSH: “Sot fillojmë rehabilitimin e rrëshqitjes këtu në Mamel. Ka kaluar kohë derisa buxheti u bë efektiv dhe sa u kryen të gjitha procedurat nga përgatitja e projektit deri në lidhjen e kontratës. Kemi një kontratë të lidhur me kompaninë dhe ka filluar puna. Është një rrëshqitje e cila sjell goxha problematikë në trafik. Në bashkëpunim me Policinë Rrugore do të bëhet menaxhimi i trafikut, për një periudhë prej 4 muajsh, e mjaftueshme për të kryer gjithë këtë stabilizim të rrëshqitjes.”

Projekti, sipas drejtorit të rrugëve, i jep zgjidhje rrëshqitjes dhe siguron të gjithë skarpatën problematike për një afat të gjatë kohor./abcnews.al

qendrooo.jpg
G. P.14:31 | 12/09/2018

Dy ministrat Bushati dhe Gjiknuri bashkë me Drejtorin e ARRSH inspektuan punimet e sapo filluara në rrugën Shkodër-Muriqan. Ata u thanë gazetarëve se do të investohen miliona euro për disa rrugë të këtij qarku.

Rreth 4.5 milionë euro do të kushtojnë investimet në infrastrukturën rrugore në disa zona të rëndësishme të Shkodrës. Lajmin e dha Drejtori i Autoritetit Rrugor, Afrim Qendro. Bashkë me të ishin ministri i Infrastruktuës, Damian Gjiknuri dhe ministri i Jashtëm njëkohësisht deputet i qarkut, Ditmir Bushati, inspektuan punimet e saponisura në rrugën Shkodër- Muriqan.

“Ne në këtë projekt jemi në një projekt mirëmbrajtjeje dhe nuk kemi vendosur mbikalime ose nënkalimesh këmbësore, por kemi zgjidhur të gjitha nyjet ku ka qenra banimesh me sinjalistikë të plotë”, tha Qendro.

Nga ana tjetër, dy ministrat thanë se këto investime synojnë që të ndikojnë në përmirësimin e rrjetit rrugor të Shkodrës sidomos në nyjet hyrëse dhe dalëse.

“Fokusi i përmirësimit të infrastrukturës shtrihet në dy drejtime. Një është investime të reja në segmente të reja rrugore. Së dyti është një paketë intensive investimesh në mirëmbajtjen e rrugëve. Siç është kjo rrugë që kishte filluar amoritzimin dhe është shumë e rëndësishme për turizmin”, tha Gjiknuri.

“Kjo është një rrugë shumë e rëndësishme siç tha edhe ministri dhe drejtori përsa i përket sigurisë rrugore. Është edhe elementi ndërlidhës me Malin e Zi. Siç dihet ka një angazhim tonin dhe të Malit të zi për menaxhimin e përbashkët kufitar”, u shpreh Bushati.

Kurse në lidhje me By Passin e Shkodrës drejtori i Autoritetit Rrugor akuzoi bashkinë e Shkodrës për mosdhënie të dritës jeshile për përfundimin e tij.

“Bashkia Shkodër ka ndryshuar qëndrimin, natyrisht ky projekt të rishikohej. E kemi parë e kemi sjellë dhe jemi në një moment që Bashkia duhet të shprehet”, tha Qendro.

Punimet në aksin Shkodër-Muriqan, Shkodër-Mjedë, Hani i Hotit-Tamarë janë pjesë e programit të Bankës Botërore për mirëmbajtjen e rrugëve të vendit./abcnews.al

segmenti.jpg
G. P.15:25 | 10/09/2018

Një ndër rrugët që përdorin mjetet e rënda për në Doganën e Tiranës, ajo nga Vora në ish-Fabrikën e Tullave ka përfunduar së rehabilituari. Drejtori i Përgjithshëm i Rrugëve bëri të ditur se ajo është e hapur për mjetet.

Hapet për qarkullimin e automjeteve segmenti rrugor nga Vora në ish-Fabrikën e Tullave. Rruga që konsiderohej problematike për shkak të gjendjes së degraduar nga fluksi mjeteve që e përdornin është rehabilituar në një gjatësi prej 1.2 kilometrash.

“Jemi në Vorë dhe duam të bëjmë me dije që projekti prej 1.2 kilometrash për rehabilitimin e plotë dhe të thellë të këtij segmenti shumë të rëndësishëm që lidh gjithë transportin e mjeteve të rënda me Doganën e Tiranës ka përfunduar 10 ditë para afatit. Kemi të bëjmë me një rehabilitim të thellë në të gjithë paketën e shtresave asfaltike, në kanalet kulluese dhe sinjalistikën horizontale e vertikale. Është një model i mirë i rehabilitimit të thellë dhe projektit të suksesshëm që kemi sëbashku me Bankën Botërore”, tha Qendro.

Vlera e investimit të kryer për rehabilitimin e këtij aksi rrugor arrin në rreth 616 mijë euro dhe punimet për të nisën gjatë muajit Korrik. Të enjten fillon puna në një tjetër segment. Drejtori i Përgjithshëm i Rrugëve deklaroi se bëhet fjale për rrugën që lidh Vorën me Fushë Krujën./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono