afrike

UNICEF-FEMIJET.mpg_snapshot_00.37-1280x720.jpg
G. P.22:21 | 18/12/2018

Kequshqyerja ka shkaktuar vdekjen e 3 milionë fëmijëve në vitin 2017, sipas UNICEF. Ndërsa këtë vit janë rreth 200 milionë fëmijë në të gjithë botën që vuajnë nga uria.

Në botë më shumë se 200 milionë fëmijë vuajnë nga kequshqyerja, duke bërë që në 2017-n rreth 3 milionë fëmijë të humbin jetën. Ndërsa në Itali një fëmijë në tre është mbipeshë. Këto janë disa nga të dhënat e UNICEF, sipas të cilave janë rreth 151 milionë fëmijët e prekur nga kequshqyerja kronike, ndërsa 50.5 milionë nga ajo akute. Afrika dhe Azia ndajnë shifrën më të lartë të formave të ndryshme të kequshqyerjes, pasi 55 për qind e këtyre fëmijëve jetojnë në Azi dhe 39 për qind në Afrikë.

Por situatë alarmante ëshët dhe obeziteti, kun ë vitin 2017 38.3 milionë fëmijë nën moshën 5 vjeç rezultonin mbipeshë. Në Europë një fëmijë në tre është mbipeshë. Shqetësimet në sjelljen e të ushqyerit janë patologji shumë të rënda pasi ndikojnë në shendtin fizik dhe mendor. Ky fenomen është i pranishëm në vendet e industrializuara dhe me nivel të lartë jetese./abcnews.al

madagascar.jpg
G. P.23:01 | 09/09/2018

Të paktën një person vdiq, ndërsa 40 të tjerë u plagosën në Madagascar pasi turma doli jashtë kontrollit në një stadium futbolli. Dy prej të plagosurve janë në gjendje kritike për jetën.

Incidenti ndodhi para fillimit të ndeshjes kundër Senegalit. Sipas asaj që raportojnë mediat, mijëra tifozë u munduan që të hyjnë në stadium përmes hyrjes së vetme.

Shumë njerëz ishin vënë në radhë që orët e para të mëngjesit. Stacioni radiofonik RFI raportoi se njerëzit iu vërsulën stadiumit kur u hapën portat.

“Ne po prisnim në radhë që prej orës 6 të mëngjesit. Ishim disa metra larg portës kur turma doli jashtë kontrollit. U rrëzova, por shpina më mbrojti”, tregoi Rivo Raberisaona për agjencinë e lajmeve AFP.

“Nuk e kuptoj pse kishte vetëm një portë të hapur kur është një stadium kaq i madh”, tregoi një tjetër, xhaxhai i të cilit u lëndua në turmë.

Në ndeshje kishte lojtarë të njohur, siç është ylli i Liverpool-it Sadio Mane. Ajo përfundoi me rezultatin 2-2. Ndërkohë ngjarje të tilla ndodhin shpesh në Afrikë për shkak të kontrollit të ulët të tifozëve dhe mbipopullimit të stadiumeve./abcnews.al

angela-merkeli.jpg
ent ela22:55 | 30/08/2018

Kancelarja gjermane Angela Merkel ka deklaruar se kriza e emigracionit mund të zgjidhet vetëm përmes një partneriteti mes Bashkimit Europian dhe Afrikës. “Jam e bindur se Europa mund të jetë e begatë vetëm nëse e zgjidhim krizën migratore dhe ngremë një partneritet me Afrikën”, ka deklaruar Merkel gjatë një vizite në kryeqytetin e Ganës, Akra.

Kancelarja ka theksuar se lufta ndaj krizës nuk mund fitohet duke u izoluar, por përmes një avantazhi reciprok të Europës dhe Afrikës. “Shkaqet e eksodit duhet të luftohen njësoj si skafistët”, ka vijuar Merkel. Ajo ka shtuar se, detyra e Europës është të mbrojë kufijtë e jashtëm, por duke hedhur një sy tek fqinjët afrikanë. Deklarata e Merkel vjen në një kohë kur vendet anëtare të BE-së nuk po gjejnë ende gjuhën e përbashkët për t’i dhënë një përgjigje të unifikuar krizës së emigracionit përmes Mesdheut./abcnews.al

zona-mexico.jpg
G. P.20:19 | 21/08/2018

Një fotograf nga Afrika e Jugut ka publikuar disa pamje të bëra nga droni, ku shfaqet ndarja dramatike mes të pasurve dhe të varfërve në Afrikën e Jugut, Meksikë dhe Indi.

Fotot janë pjesë e një projekti të Johnny Miller, të cilën e filloi në Prill të 2016-s për të treguar pabarazinë mes njerëzve.

“Që kur zbret në Cape Toën je i rrethuar nga kasollet. I gjithë aeroporti rrethohet nga kasolle të vogla dhe duhen 10 minuta që të arrish në zonën ku jetojnë të pasurit”, thotë ai për BBC-në.

Sipas tij, lufta ndaj pabarazisë është sfida kryesore e gjeneratës së ardhshme.

 

/abcnews.al

emigranttee.jpg
G. P.14:42 | 12/07/2018

Pjesa më e madhe e emigrantëve pjesë e flukseve të fundit të zbarkimeve në Europë, vijnë nga vendet afrikane. Vende që nuk janë vatra lufte, e për këtë arsye emigrimi i tyre është për arsye ekonomike. Qeveritë e disa prej vendeve afrikane kanë ndërmarrë fushata sensiblizimi dhe informimi për të ndaluar fenomenin në fjalë.

Duke bërë një dallim nga Libia, e cila ka rregullat dhe problemet e saj, fenomeni i fluksit të emigrantëve mund të luftohet falë bashkëpunimin me vendet në kufi me të si Sudani, Nigeria dhe Çadi. Është ky mendimi i ekspertëve të këtij fenomeni, të cilët konfirmojnë se pjesa më e madhe e emigrantëve të zbarkuar kohët e fundit në Europë vijnë nga vendet afrikane.

Ata janë të grup moshës 18–30 vjeç dhe në shumë pak raste ka familjarë. Një nga arsyet kryesore të emigrimit janë kushtet ekonomike, si dhe ofertat apo propaganda e skafistëve, të cilët sipas të dhënave më të fundit nga shoqatat jofitimprurëse, mund të kenë përfituar më shumë se 50 miliardë dollarë në dy vitet e fundit si pasojë e trafikut të qënieve njerëzore.

Sipas autoriteteve italiane, problem kryesor në vend përfaqësohet nga emigrantë të dy nënshtetësive ata nga Eritrea dhe nigerianët. Vende që konsiderohen se i ushqejnë këto flukse emigracioni, e që për momentin nuk janë në luftë civile apo protagonistë të ndonjë fenomeni të jashtëzakonshëm.

Por kufizimi i informimit në këto vende nuk paraqet për këta emigrantë një kornizë reale të asaj që i pret në këtë udhëtim shprese për një jetë më të mirë.

Për këtë arsye, qeveri të ndryshme afrikane kanë ndërmarrë fushata sensibilizimi dhe informimi në mënyrë që të ndërgjegjësojë ata që kanë ndërmend të nisin këtë udhëtim, se ka rreziqe reale dhe se në fund ata do të riatdhetësohen sërish./abcnews.al

ebola-congo-1280x960.jpg
ent ela18:14 | 17/05/2018

Në Afrikë është rikthyer virusi i frikshëm i Ebolës, që dy vite më parë u mori jetën mbi 11 mijë personave. Këtë herë sëmundja e rrezikshme është verifikuar në Kongo, ku po përhapet me shpejtësi nga zonat rurale në ato urbane.

Virusi i Ebolës që ka rënë në Republikën Demokratike të Kongos është përhapur me shpejtësi nga zonat rurale në ato urbane, duke ngjallur frikën se shumë shpejt mund të dalë nga kontrolli. Ministri i Shëndetësisë konfirmoi në orët e fundit një rast në Mbandaka, një qytet me 1 milion banorë rreth 130 km nga zona ku më herët gjatë muajit u regjistruan rastet e para. Qyteti në fjalë është një pikë ku kryqëzohen rrugët që të çojnë në kryeqytetin Kinshasa. Deri tani, në vendin afrikan 43 persona janë infektuar nga virusi dhe 23 të tjerë kanë vdekur prej tij. Ebola është një sëmundje infektive që shkakton hemoragji të brendshme dhe shpesh herë rezulton fatale. Ajo mund të përhapet me shpejtësi përmes kontaktit me lëngjet trupore dhe simptomat e saj paraprake, të ngjashme me gripin, jo gjithmonë kuptohen. Mes viteve 2014-2016, virusi ra në Afrikën Perëndimore, ku u mori jetën rreth 11 mijë e 300 personave, duke rezultuar më fatali për faktin se u përhap edhe në kryeqytetet e Guinesë, Sierra Leones dhe Liberisë. Peter Salama, zyrtar i Organizatës Botërore të Shëndetësisë, ka deklaruar se përhapja e Ebolës në Mbandaka tregon se ekziston rreziku për një shpërthim masiv të sëmundjes. /abcnews.al

leopardi.jpg
G. P.18:30 | 07/05/2018

Një fëmijë ka humbur jetën në Uganda pasi u shqye nga një leopard. Tre-vjeçari, identitetin e të cilit autoritetet nuk e kanë bërë të njohur, ishte me dadon në një park safari.

Kafsha e egër mësohet se e kafshoi fëmijën dhe e tërhoqi drejt shkurreve, të premten raporton The Sun. Mbetjet e kufomës u gjetën ditën tjetër, ndërsa leopardi, sipas autoriteteve, po gjuhet që të largohet nga zona.

Një nga rojtarët e parkut tha për AFP-në se dadoja nuk e dinte se fëmija po e ndiqte.

“Ajo dëgjoi fëmijën që bërtiste për ndihmë. U mundua të ndërhynte, por ishte shumë vonë sepse kafsha ishte zhdukur nëpër shkurre. Pas një kërkimi u zbulua kafka e fëmijës ditën tjetër”, tha rojtari.

“Gjuetia ndaj leopardit bëhet me qëllimin që ta kapim dhe ta largojmë nga zona sepse nëse ka ngrënë njëherë mish njeriu, rreziku bëhet më i lartë sepse tundimi për të ngrënë sërish një njeri tjetër është më i madh”, tha gjithashtu rojtari.

Ky rast vjen pas sulmit të tmerrshëm që pësoi një britanik në një park safari në Afrikën e Jugut. Mike Hodge, 71 vjeç, shpëtoi vetëm, me nofullën e thyer nga incidenti. E gjithë ngjarja u filmua nga një turiste.

/abcnews.al

 

 

vlcsnap-error076-1-1280x720.jpg
G. P.21:16 | 19/02/2018

Shterimi i rezervave me diamantë në Afrikë ka shtyrë kolosët e fushës të kërkojnë burime të reja. Shtretërit e oqeanëve pritet të kthehet brenda 15 vjetësh në burimin kryesor të gurëve të çmuar.

Pas 15 vjetësh, rezervat e diamantëve në Afrikë do të shterojnë dhe kërkimet për gurët e çmuar pritet të zhvendosen në shtretërit e oqeanëve. Kështu thonë studimet e fundit, që mes të tjerash paralajmërojnë se në vitin 2019 kërkesa për diamantë do të tejkalojë ofertën dhe çmimet do të rriten rreth 3 herë më shumë se niveli aktual.

Sipas të dhënave, në vitet e fundit nxjerrja e diamantëve në nivel botëror ka pësuar rënie dhe llogaritet rreth kuotës së 144 milionë karatëve, shumë larg asaj prej 177 milionë e arritur në 2006-n. Shteti afrikan i Namibisë është ndër më të prekurit nga rënia në fjalë dhe 15 vjet më vonë rezervat e tij mund të jenë shteruar tërësisht.

Në këtë situatë, kompania afrikano-jugore “De Beers”, në pronësi të kolosit londinez “AngloAmerican”, po punon përkrah qeverisë vendase për të gjetur burime të reja. Drejtori i konsorciumit “Namdeb”, i përbërë nga anglezët dhe qeveria e shtetit afrikan, u detyrua të deklaronte pak kohë më parë se diamantët detarë do të jenë e ardhmja.

Sipas studimit të grupit, në të ardhmen 95 për qind e diamantëve do të nxirret nga fundi i oqeanit dhe sipas Departamentit të Shkencave Biologjike në Cape Town, për shkak të cilësisë më të lartë edhe çmimi do të rritet nga 187 në 528 dollarë për karat. Ndërkohë, ambjentalistët kanë nisur tashmë protestat për shkatërrimin e ekosistemit detare./abcnews.al

vlcsnap-error394-1-1280x720.jpg
us er13:35 | 30/11/2017

Presidenti francez Manuel Macron e ka nisur me një gafë të jashtëzakonshme udhëtimin e tij në Afrikë, ku nuk kanë munguar debatet e forta me studentët e një universiteti, aq sa presidenti Kabore është larguar nga salla

Hera e parë e Emmanuel Macron në Afrikë si president nisi me një gafë shumë të rëndë që shkon përtej incidentit diplomatik. Gjatë takimit me studentët e një universiteti  në kryeqytetin e ish kolonisë Burkina Faso, kreu i Elizeut u kërkoi atyre që të mos e trajtonin si të ishte presidenti i Burkina Faso. Kjo pasi studentët u ankuan për kushtet e këqija në shkollën e tyre.

Macron iu përgjigj studentëve se po i drejtoheshin sikur të ishte ende një fuqi kolonizuese por ai nuk dëshironte të merrej me energjinë elektrike në universitet pasi kjo është detyrë e presidentit të vendit. Homologu vendas Kristian Kabore reagoi fillimisht me një buzëqeshje por më pas u cua dhe u largua nga salla. Macron i kërkoi të mos largohej dhe të qëndronte ende në sallë por në momentin që homologu i tij afrikan nuk iu përgjigj Macron mbylli fjalën e tij me batutën: U largua që të rregullojë kondicionerin.

Një sens humori që nuk u prit mirë as nga përdoruesit e rrjeteve sociale që e cilësuan sjelljen e Macron si arrogante, të papjekur dhe të pa respektueshme.

Por sikur të mos mjaftonte kjo, Macron vijoi të debatonte ashpër me studentët duke u thënë se ishin të pabesueshëm. Pasi u pyet për situatën e refugjatëve, kreu i Elizeut u tha studentëve se trafikantët e qënieve njerëzore janë afrikanë dhe jo francezë. Dhe nuk ka asnjë francez, belg apo gjerman që të jetë pjesë e trafikut të emigrantëve mes Nigerisë dhe Libisë, pasi në Afrikë ka afrikanë që skllavërojnë afrikanë.

Vizita e presidentit francez gjithësesi nuk kishte nisur shumë mirë pasi para mbërritjes së delegacionit francez, dy terroristë me maska kishin hedhur bombë ndaj një autokolone që transportonte trupa ushtarake franceze. Edhe delegacioni francez u prit me hedhje gurësh, ndërsa studentët protestonin para universitetit ku Macron do të fliste duke kërkuar largimin e ushtarëve francezë nga vendi i tyre./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono