afrikan

meqedoni-1280x709.jpg
Sej rie17:30 | 07/08/2019

Teksa vendi po bëhet gati për valën e të nxehtit afrikan, autoritetet në Maqedoninë e Veriut u kanë bërë thirrje qytetarëve të bëjnë kujdes nëse vendosin të lëvizin, pas temperaturat do të arrijnë dhe kalojnë 40 gradë Celsius.

Konform paralajmërimeve të meteorologëve, Drejtoria për Mbrojtje dhe Shpëtim në Shkup ka njoftuar qytetarët se ditëve në vijim pritet të mbajë mot ekstrem I nxehtë. Prej nesër e deri në mesin e javës së ardhshme, siç njoftohet, do të aktivizohet faza e verdhë për temperatura të larta, kurse në disa rajone edhe ajo e portokalltë. Pritet që temperaturat e ajrit të arrijnë mbi 40 gradë Celsius.

 Kompetentët janë vënë në gjendje gatishmërie. Janë dhënë rekomandime edhe nga Qeveria e Maqedonisë së Veriut por edhe nga institucionet shëndetësore. Zjarrfikësit bëjnë thirrje për vigjilencë.

 Rritja e temperaturave ka mbushur ambulancat. Mjekët apelojnë që gjatë ditëve në vijim të shmanget ekspozimi në ambiente të hapura dhe kujdes maksimal gjatë konsumimit të ushqimit.

 Valët e këtilla të nxehtit tropikal nuk janë të pazakonshme për Maqedoninë e Veriut, por do të jenë më të shpeshta, kurse do të godasin rajone që viteve të kaluara kanë qenë të rralla – parashikojnë prognozat afatgjate meteorologjike. Sipas një numri të madh të hulumtimeve, kjo për shkak të pasojave nga ndryshimet klimatike dhe ngrohjes globale./ABC News Albania 24/7

Dunga.jpg
nev ila20:15 | 09/07/2019

Skuadra e Tiranës është shumë pranë transferimit të sulmuesit që aktivizohet me Luftëtarin, Ismael Dunga. Për bardh e blutë ky do të jetë përforcimi i katërt për këtë merkato verore.

Skuadra e Tiranës është shumë pranë zyrtarizimit të sulmuesit afrikan Ismael Dunga i cili sezonin e kaluar ka mbajtur veshur fanellën e Luftëtarit. Bardh e blutë kanë arritur prej kohësh akordin me sulmuesin por problemi i vetëm është skuadra gjirokastrite.

Luftëtari pretendon se Dunga ka firmosur për tre sezone ndërkohë që kjo mohohet nga vetë futbollisti që thekson se kontrata e firmosur është vetëm një vjeçare.

Dunga do të ishte një garanci në fazën sulmuese për skuadrën më të titulluar në Shqipëri. Zyrtarizmi i sulmuesit të Luftëtarit do të kishte një efekt zinxhir tek bardh e blutë që do të detyrohen të heqin dorë nga shërbimet e shtatlartit Majkell Ngo.

Një futbollist i cili nuk gëzon besimin maksimal të trajnerit Ardian Mema. Tirana ka zyrtarizuar në këtë merkato tre futbollistë, Kale, Bathen dhe Torrasen ndërkohë që shumë shpejt do të zyrtarizohet dhe futbollisti i radhës.

Qëllimi i kryeqytetasve është rikthimi në majën e futbollit shqiptar për të rivalizuar denjësisht me skuadra si Partizani apo Kukësi.

Bardh e blutë nuk marrin pjesë në kupat e Evropës dhe kanë më shumë kohë në dispozicion se rivalët për të përgatitur skuadrën për sezonin e ardhshëm./ABC News Albania 24/7

Kofi_Annan_2012_cropped.jpg
G. P.11:54 | 18/08/2018

Është ndarë nga jeta në moshën 80-vjeçare Kofi Anan, sekretari i parë me ngjyrë i Organizatës së Kombeve të Bashkuara. Anan do të mbahet mend për vendosmërinë dhe maturinë e tij në periudhën 1997-2006, e kapluar nga një seri luftërash.

Kofi Annan, ish-sekretar i përgjithshëm i OKB-së dhe fitues i çmimit Nobel për Paqen për punën e tij humanitare, ka ndërruar jetë të shtunën në moshën 80-vjeçare. Lajmin e ka bërë të ditur fondacioni që mban emrin e tij përmes një komunikate për shtyp, ku thuhet se Anan u shua qetësisht pas një sëmundjeje të shkurtër. Anan ishte afrikani i parë që mori rolin e diplomatit numër 1 në botë, duke qeverisur Organizatën e Kombeve të Bashkuara nga viti 1997 në 2006.

Më vonë ai shërbeu si i dërguari i posaçëm i saj në Siri, duke u dalluar për përpjekjet për arritjen e një zgjidhjeje paqësore të konfliktit. Në njoftimin për shtyp ku konfirmohet ndarja nga jeta, Annan përshkruhet si një burr shteti global, i përkushtuar për çështjet ndërkombëtare dhe që luftoi gjatë gjithë jetës për një botë më të drejtë e më të paqtë. “Kudo që kishte vuajtje, ai shkoi dhe preku njerëzit me mëshirimin dhe ndjeshmërinë e tij të thellë. Ai vuri gjithmonë të tjerët para vetes, duke rrezatuar mirësjellje, ngrohtësi dhe aftësi në gjithçka që bëri”, thuhet në njoftim. Qëndrimi i Anan në OKB përkoi edhe me luftën në Irak dhe epideminë e virusit HIV/Aids./abcnews.al
.

iwobi.jpg
G. P.18:21 | 06/03/2018

E fuqizuar ndër vite me retorikën kundër emigrantëve, partia Liga e Veriut do të përfaqësohet në Senatin e Italisë edhe me një senator me origjinë afrikane. Fitorja e Toni Iuobi, në zgjedhjet e së dielës, ka bërë që shumë italianë të pyesin: ku përfundoi parulla “Stop pushtimit”?

E gjithë fushata e tij kumboi me thirrjet kundër emigrantëve, me parullën “Stop pushtimit” dhe me premtimin për dëbime në masë. Por lideri i Ligës së Veriut, Matteo Salvini ka bërë atë që pakkush e priste, në listat për senatorë ka futur një afro-italian, që pas zgjedhjeve të së dielës ka siguruar ulësen e tij në Senatin e vendit fqinj.

Ai quhet Toni Iuobi, një qytetar nga Bergamo por me origjinë nigeriane, që tashmë është kthyer në senatorin e parë me ngjyrë në historinë e Italisë. “Miq, me emocione të mëdha ju njoftoj se jam zgjedhur senator i Republikës! Pas shumë vitesh betejë në familjen e Ligës, tani do të marrë jetë një aventurë e madhe”, ka njoftuar Iuobi. Në mesazhin e tij, ai i ka rezervuar një falenderim të veçantë liderit Salvini.

“Falenderimet e mia i shkojnë Matteo Salvinit, një lider i madh që e ktheu Ligën në forcën e parë të qendrës së djathtë të Italisë”, është shprehur Iuobi. Lajmi është komentuar gjerësisht në mediat italiane, të cilat e quajnë zgjedhjen e afro-italianit një moment historik, duke qenë se do të jetë i pari afrikan që do të ulet në sallën e Pallatit Madama.

Origjina, por edhe qëndrimi i tij ndaj emigracionit në të kaluarën kishin tërhequr vëmendjen dhe kishin shkaktuar edhe ironi. Në momentin e shpalljes së kandidaturës, Iuobi kishte deklaruar: “Për mua Matteo Salvini dhe Liga janë një element i rëndësishëm i mbrojtjes nga racizmi”. Për senatorin e sapozgjedhur, diskriminimi lind pikërisht atëherë kur merr dhenë emigracioni klandestin, që kthehet në hapësirën e padrejtësisë sociale dhe pasigurisë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono