Afganistan

marreveshje-1280x745.jpg
G. P.21:26 | 28/01/2019

Shtetet e Bashkuara dhe talebanët kanë përafruar qëndrimet në negociatat që synojnë dhënien fund të luftës. Sipas mediave amerikane, palët kanë rënë dakord mbi një draft paraprak dhe shanset janë pozitive, por paqja e vërtetë është ende larg.

Negociatorët e Shteteve të Bashkuara dhe ata të talebanëve kanë rënë dakord mbi një draft për marrëveshjen e paqes, në përpjekje për t’i dhënë fund luftës 17-vjeçare në Afganistan. Lajmin e ka bërë të ditur kryenegociatori amerikan, pas 6 ditë bisedime të zhvilluara me përfaqësuesit e guerrilasve në Katar.

Presidenti afgan kishte bërë më parë thirrje për bisedime direkte me rebelët, por ata kishin refuzuar autoritetin e tij, duke e cilësuar strukturën qeveritare një marionetë. Talebanët qeverisën vendin nga viti 1996 deri në 2001. Pushteti i tyre mori fund kur Shtetet e Bashkuara pushtuan Afganistanin pasi Al Kaeda, që e kishte përdorur vendin si bazë, u akuzua për sulmet e 11 Shtatorit.

Sidoqoftë, analistët shprehen se mund të duhen vite të tëra përpara se të arrihet një paqe e mirëfilltë. Zalmaj Khalilzad, përfaqësuesi i posaçëm i Uashingtonit për pajtimin në Afganistan, ishte në Kabul për të informuar qeverinë afgane mbi ecurinë e bisedimeve.

“Kemi një draft mbi të cilin po punojmë, i cili duhet të shqyrtohet mirë përpara se të kthehet në një marrëveshje”, tha Khalilzad për “New York Times”.

Ai nënvizoi se, në kuadër të draftit, talebanët kanë rënë dakord të mos lejojnë që Afganistani të kthehet në bazë për grupet terroriste. Që nga ardhja në pushtet, strategjia e administratës së presidentit Donald Trump ka qenë rritja e presionit ndaj talebanëve për të negociuar me qeverinë afgane. Aktualisht, Shtëpia e Bardhë po shqyrton tërheqjen e plotë të trupave amerikane, në këmbim të një armëpushimi dhe zotimit të talebanëve për të marrë pjesë në bisedimet direkte./abcnews.al

105078153_afghankohistan9760119.jpg
ent ela16:16 | 06/01/2019

Shembja e një miniere ari në Afganistan u ka marrë jetën 30 personave, shumica e të cilëve fshatarë që punonin ilegalisht nën tokë. Por ngjarja nuk i ka trembur banorët e zonës, që kanë vijuar kërkimet për metalin me vlerë pavarësisht thirrjeve të shtetit afgan.

Të paktën 30 persona kanë mbetur të vrarë në Afganistan si pasojë e shembjes në një minierë ari, në veri-lindje të vendit. Viktimat janë fshatarë të zonës, në rajonin e Kohistanit, të cilët kishin gërmuar deri në 60 metra thellësi për të nxjerrë metalin me vlerë. Dyshohet që shembja të jetë shkaktuar nga lagështira që vjen nga prania e shtratit të një lumi.

Afganistani ka burime të shumta minerare, por kushtet e punës në miniera janë shumë të rënda dhe shpesh herë bëhen shkas për incidente. Sipas mediave ndërkombëtare, banorët e zonës po përdornin një ekskavator në momentin e shembjes, që la gjithashtu edhe 7 të plagosur.

Një zyrtar vendas deklaroi për agjencinë e lajmeve “AFP” se fshatarët e ushtronin aktivitetin e tyre prej dekadash, të pakontrolluar nga shteti. “Kemi dërguar një ekip shpëtimi, por ata kanë filluar t’i heqin trupat vetë”, tha zyrtari.

Pasuritë e shumta natyrore të Afganistanit kanë mbetur të pashfrytëzuara për shkak të konfliktit me talebanët. Përplasja në fjalë ka çuar në rritjen e aktiviteteve ilegale të fshatarëve dhe vetë guerrilasve, që përmes të ardhurave financojnë aktivitetet e tyre. /abcnews.al

 

AFGANISTAN-ZGJEDHJET.mpg_snapshot_00.08-1280x588.jpg
ent ela22:17 | 26/12/2018

Zgjedhjet presidenciale ne Afganistan do të shtyhen të paktën deri në prill. Shkak janë bërë vonesat në përgatitjen e procedurave si dhe në trajnimin e stafeve të komisioneve elektorale.

Komisioni elektoral afgan deklaroi se zgjedhjet presidenciale në vend do të shtyhen për disa muaj, mundësisht deri në muajin prill të vitit të ardhshëm. Vendimi u mor për të lejuar rregullimin e problemeve teknike që u shfaqën gjatë procesit të votimit për zgjehdjet parlamentare në muajin tetor.

Zëdhënësi i komisionit elektoral të pavarur, u shpreh se duhet më shumë kohë për trajnimin e stafit rreth sistemit të identifikimit biometrik të përdorur për të reduktuar parregullsitë. Gjithashtu duhet shumë kohë dhe për të verifikuar listat e zgjedhësve, sidomos problemeve të mëdha që dolën në pah në zgjedhjet e muajit tetor. Por data e saktë për zgjedhjet presidenciale nuk është vendosur ende. /abcnews.al

9829254-3x2-700x467-1.jpg
G. P.10:30 | 21/12/2018

Jep dorëheqjen sekretari amerikan i mbrojtjes Matis. Ky fundit tha se nuk është dakord me presidentin Tramp për sa i përket linjës që duhet të ndjekë politika e jashtme. Por kreu i Shtëpisë së Bardhë këmbëngul se Matis ka dalë në pension dhe nuk ka dhënë dorëheqjen.

Shtetet e Bashkuara të Amerikës kanë vendosur të përgjysmojnë praninë e trupave të tyre ushtarake në Afganistan. Sipas mediave amerikane lajmi është konfirmuar nga një zyrtar i departamentit amerikan të mbrojtjes, i cili theksoi se do të jenë 7 mijë ushtarët që do të kthehen në shtëpi. Vendimi për Afganistanin vjen menjëherë pas atij për tërheqjen nga Siria. Dy ndryshime të forta në politikë të jashtme që kanë detyruar sekretarin amerikan të mbrojtjes Xhim Matis të japë dorëheqjen pasi nuk është dakord me idetë e presidentit Trump.

Në letrën e tij të dorëheqjes, kreu i Pentagonit pranon përplasjet me kreun e Shtëpisë së Bardhë për sa i përket marrëdhënieve me aleatët dhe vë në dukje se Tramp meriton një sekretar mbrojtjeje që të ketë të njëjtat ide me të. Matis në fakt, javët e fundit, kishte dëshmuar ide të kundërta me presidentin amerikan Donald Tramp, duke filluar që nga vendosja e trupave ushtarake në kufirin me Meksikën e deri tek tërheqja nga Siria. Mediat amerikane shkruajnë se Matis ishte i painformuar për këtë vendim.

Mattis nuk është informuar as për vlerësimit të situatës për tërheqjen e ushtarëve amerikanë nga Afganistani. Dalja nga skena e tij lë boshllëkun e rradhës brenda administratës amerikane duke provokuar kritika të reja për presidentin. Tramp në një mesazh në profilin e tij Tuiter shkruan se Maris ka dalë në pension dhe nuk pranon se ai ka dhënë dorëheqjen./abcnews.al

ABUZIMET-SEKSUALE-NE-AFGANISTAN-ABC-M-4-T-2-HD.mpg_snapshot_01.00-1280x702.jpg
ent ela09:12 | 06/12/2018

FIFA ka nisur një hetim të plotë të një ish-futbollisteje të ekipit kombëtar të futbollit për femra në Afganistan, e cila ka emigruar në Danimarkë. Sipas saj, presidenti i federatës së atij vendi simulonte dhe mbështeste një sistem për joshjen seksuale të femrave futbolliste duke i kërkuar seks në këmbim të aktivizimit të tyre në fushë./abcnews.al

AFGANISTAN-SULMI-MBULIM.mpg_snapshot_00.05-1280x632.jpg
G. P.08:13 | 21/11/2018

Një atentator vetëvrasës është hedhur në herë të martën në Kabul, duke vrarë mbi 50 persona, kryesisht nxënës dhe mësues të një shkolle fetare. Lajmin e kanë bërë të ditur autoritetet afgane, sipas të cilave mbi 70 persona të tjerë kanë mbetur të plagosur. Një zëdhënës i Ministrisë së Brendshme afgane deklaroi se atentatori aktivizoi eksplozivin që mbante veshur pasi kishte hyrë në sallën ku ishin mbledhur nxënësit për të festuar ditëlindjen e profetit Muhamed.

Për të njëjtin event, në kryeqytetin afgan ndodheshin disa qindra nxënës e mësues. Për momentin askush nuk ka marrë përsipër përgjegjësinë e atentatit, por në të kaluarën talebanët dhe ISIS kanë vënë shpesh herë në shënjestër nxënësit e Medreseve, për shkak se ndjekin një tjetër linjë të Islamit. Bëhet fjalë për një nga sulmet më të rënda të ndodhura në muajt e fundit në Kabul. Presidenti Ashraf Gani ka dënuar atentatin terrorist./abcnews.al

B63FA7BC-AB94-4A63-A9CB-755298F2FD8B_cx0_cy7_cw0_w1023_r1_s.jpg
ent ela09:29 | 05/10/2018

NATO ka njoftuar se një pjesëtar i ushtrisë amerikane në Afganistan është vrarë, duke shënuar kështu të paktën rastin e gjatë këtë vit, që një ushtar amerikan vritet në luftimet kundër talibanëve dhe militantëve tjerë.

Në një deklaratë të publikuar nga Misioni Mbështetës i Përheshëm, është thënë se një person i paidentifikuar është vrarë më 4 tetor, pa dhënë informata shtesë, duke thënë se incidenti është duke u hetuar.

Militantët talibanë në anën tjetër kanë thënë se kanë hedhur në erë një tanke amerikane në Provincën Helmand, duke vrarë edhe ushtarët në të.

Prentendimet nuk janë konfirmuar ende dhe nuk është bërë e qartë nëse incidentet kanë qenë të lidhura.

Të paktën gjashtë shërbyes amerikanë janë vrarë në këtë shtet më 2018, ose gjatë luftimeve apo në operacione tjera.

Aktualisht në Afganistan gjenden 14,000 trupa amerikane, meqë Qeveria në Kabul, e përkrahur nga Perëndimi është duke luftuar talibanët dhe grupe tjera militante.

Derisa forcat amerikane kanë udhëhequr përpjekjet për të ndihmuar forcat afgane, misioni i NATO-s synon të trajnojë, këshillojë dhe ndihmojë forcat e sigurisë dhe ato të mbrojtjes afgane.

Ky mision është krijuar në janar të vitit 2015, pasi NATO-ja u ka dorëzuar forcave afgane operacionet luftuese. /REL

3F883AB4-A3E4-4A6A-B0B8-FB4F8E23A4D2_cx0_cy2_cw0_w1023_r1_s.jpg
ent ela08:01 | 03/10/2018

Grupi militant, Shteti Islamik ka pretenduar se është përgjegjës për një sulm në një tubim të fushatës zgjedhore në provincën Nangarhar të Afganistanit, transmeton Reuters.

Ky grup ka bërë të ditur njoftimin përmes agjencisë së tyre të lajmeve Amaq.

Grupi militant ka thënë se sulmi vetëvrasës ka lënë të vdekur 35 persona dhe ka plagosur më shumë se 50 të tjerë, pasi sulmuesi ka hedhur në ajër jelekun bombardues.

Zyrtarët afganë kanë thënë më herët se të paktën 13 persona kanë vdekur dhe me shumë se 30 të tjerë janë plagosur, duke paralajmëruar se numri mund të rritet.

Grupi ekstremist, Shteti Islamik ka pretenduar se është përgjegjës për një seri të sulmeve së fundmi, të cilat kanë lënë të vdekur dhjetëra persona në kufi me Pakistanin. /REL

isis.jpg
ent ela16:41 | 26/08/2018

Udhëheqësi i grupit të Shtetit Islamik në Afganistan dhe dhjetë luftëtarë të ISIS u vranë në Afganistanin lindor nga një sulm ajror, njoftuan të dielën zyrtarët afganë. Në një mesazh për shtyp, Drejtoria e Sigurisë e Shërbimeve të inteligjencës afgane  njoftuan vdekjen e “Emir Saad Daech Arhabi. Sipas këtij burimi informacioni ai është vrarë mbrëmjen e së shtunës, rreth orës në 22:05 në në provincën Nangarhar së bashku me dhjetë prej luftëtarëve të tij”.

Sipas shërbimeve të inteligjencës afgane, ekzekutimi u krye gjatë një “operacioni të përbashkët midis forcave ajrore afgane dhe SHBA. “Dy baza të ISIS dhe një numër i madh i armësh dhe municionesh janë shkatërruar”, shtoi i njëjti burim. Zëdhënësi i guvernatorit provincial të Nangarhar, njoftoi gjithashtu vdekjen e udhëheqësit të Shtetit Islamik në Afganistan” në një operacion të përbashkët”.

“Saad Arhabi mori drëjtimin pas vdekjes së paraardhësit të tij (Abdul) Hasib Logari” i vrarë në një sulm të forcave të SHBA në prill të vitit 2017. Pentagoni kishte konsideruar se vdekja Logarit do të “ndikojë seriozisht operacionet ISis në Afganistan dhe do të ndihmonte në eliminimin e saj. ” Në një deklaratë, zëdhënësi i presidentit afgan, pershndeti vrasjan e Emirit në Nangarhar, duke thënë se ajo “demonstron vendosmërinë e qeverisë për të luftuar kundër terrorizmit.”

“ISIS ka pësuar humbje të mëdha në Afganistan,” tha ai. Ky është lideri i katërt i grupit “Shteti Islamik në Khorasan”, emri i lashtë për rajonin, i vrarë pasi që pas shfaqjes së këtij formacioni terrorist në Afganistan në fund të vitit 2014. Isis është përzënë nga bastionet e tij në rrethet e Nangarhar, nga sulmet amerikane, afgane dhe talebanët që i kanë shkaktuar humbje të mëdha në krahinat veriore. Por në të njëjtën kohë grupi ka shumëfishuar sulmet vdekjeprurëse kundër civilëve, në veçanti në Kabul dhe Jalalabad, kryeqytetin e provincës së Nangarhar. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono