aeroport

controlli_aeroporto_polizia-650x418.jpg
G. P.21:42 | 21/08/2018

Një 23-vjeçar shqiptar është arrestuar në aeroportin e Malpensas në Itali, pasi kërkohet në Gjermani për një vrasje të ndodhur në qytetin Aachen. Sipas mediave italiane, shqiptari do të udhëtonte me avion drejt Tiranës, por u zbulua se në fakt ai kërkohet nga autoritetet gjermane.

Emri i tij nuk është bërë i ditur dhe në sistemin e policisë çuditërisht ai rezultonte i pastër. Por, nisur nga intervistimi që iu bë dhe verifikimet e mëtejshme, policia italiane zbuloi në fakt se ndaj tij ka një urdhër kërkimi.

Shqiptari që rezultonte në kërkim ndërkombëtar, akuzohet për vrasjen e një vajze 18-vjeçare në Gjermani gjatë një grabitje të ndodhur në Janar të vitit 2017. Adoleshentja mbeti e plagosur nga goditja me thikë, por ndërroi jetë në spital.

Pas grabitjes me pasojë vrasjen, 23-vjeçari ishte arratisur nga Gjermania. Tashmë i arrestuar në Itali, ai do të ekstradohet në shtetin gjerman për t’u përballur me akuzat. /tvklan.al

jacob-abdellak-bomb-hoax-0.jpg
G. P.10:37 | 17/08/2018

Një pasagjer ajror, bëri një rreng anonim për një alarm për bombë drejt fluturimit të tij, për shkak se nuk e arrinte dot në kohë.

Librashitësi Jacob Meir Abdellak, telefonoi policinë tetë minuta para se avioni i tij të nisej nga aeroporti i Londrës për në Los Anxhelos. Autoritetet u detyruan që të shtynin fluturimin me 90 minuta, për të rinisur kontrollet e tyre të sigurisë. Abdellak arriti në aeroport shumë më vonë se ç’lejohej dhe filloi të bëhej agresiv me stafin e agjencisë ajrore kur e ndaluan që të kalonte nëpër filtrat e tyre.

Investiguesit zbuluan numrin e telefonit nga i cili u bë telefonata për alarmin e rremë dhe gjurmuan librashitësin. Ai pranoi se numri ishte tij, por me pretendimin se kishte humbur kartën SIM disa ditë para se të ndodhte ngjarja. Ai u akuzua me përhapje paniku për shkak të shpërndarjes së informacioneve të pa vërteta duke vënë në rrezik jetët e njerëzve. Abdellak u dënua me 10 muaj burg dhe një gjobë rreth 169 euro kundrejt personave që “dëmtoi” me veprimet e tij.

Personat përgjegjës për sigurinë e fluturimeve u shprehën se ata i trajtojnë shumë seriozisht kërcënimeve ndaj fluturimeve të tyre dhe se punojnë gjithmonë me policinë për të mbajtur një stabilitet sigurimi në çdo kohë./abcnews.al

FRANKFURT-ALARMI-ABC-M-1-T1-HD.mpg_snapshot_00.04-1280x720.jpg
ent ela20:11 | 07/08/2018

Një gabim në zbatimin e masave të sigurisë ka futur në kaos aeroportin e Frankfurtit, duke detyruar autoritetet të evakuuojnë njerëzit nga terminalet dhe të anulojnë disa dhjetëra fluturime.

Disa seksione të aeroportit të Frankfurtit, në Gjermani, u evakuuan të martën dhe shumë fluturime u anuluan pasi një familje franceze arriti të kalonte masat e sigurisë edhe pse rezultoi pozitive ndaj testit për eksploziv. Familja është gjetur më vonë, është marrë në pyetje dhe më pas është lënë nga oficerët e sigurisë të vazhdojë udhëtimin e saj.

Policia nuk ka sqaruar se çfarë e kishte shkaktuar alarmin për rrezikun nga eksplozivi, por ka deklaruar se bëhet fjalë për një gabim të kryer nga një prej oficerët e saj. Sidoqoftë, edhe pse alarmi rezultoi i rremë, udhëtarët në aeroportin e Frankfurtit po përballen me pasojat e fluturimeve të anuluara dhe me radhë të gjata për të siguruar një vend në itineraret e ardhshme. Mediat gjermane raportojnë se janë 49 fluturimet e anuluara, ndërsa udhëtarët janë ankuar për mungesë informacioni gjatë dhe pas urdhërit të evakuuimit. Rreth 1.500 fluturime ishin planifikuar të ngriheshin ose të uleshin të martën në aeroportin e Frankfurtit.

Kompania “Lufthansa”, e cila në këtë kompleks ka një ndër bazat kryesore të saj, ka bërë me dije se po harton një plan të ri fluturimesh. Një incident i ngjashëm ndodhi më 28 korrik në aeroportin e Mynihut, ku për pasojë u anuluan 300 fluturime, duke lënë në tokë 30 mijë persona./abcnews.al

aeroport-1.jpg
G. P.17:27 | 31/07/2018

Shmangia e kontrolleve të sigurisë, që një 40 vjecare ka bërë në aeroportin e Mynihut, ka shkaktuar 4 milionë euro dëme. Agjentët federalë nuk arritën ta identifikonin dhe as ta kapnin, ndërsa më shumë se 30 mijë pasagjerë, u detyruan të kalojnë natën në aeroport.

Katër millionë euro. Është kjo shifra e dëmit të shkaktuar nga një grua e cila shmangu kontrollet e sigurisë në aeroportin e Mynihut dhe më pas u zhduk pa lënë gjurmë. Për të vazhduar me operacionin e kontrolleve u anuluan 330 fluturime ndërsa 30 mijë pasagjerë mbetën në tokë, nga të cilët 2 mijë u detyruan të kalojnë natën në aeroport për shkak të vonesave dhe të riprogramimit të orareve të fluturimit.

Sapo u dha alarmi policia federale boshatisi terminalin 2. Agjentët nisën  të kërkonin gruan, një 40-vjeçare, për ta identifikuar, por nuk e gjetën. Policia gjermane ka mohuar mundësinë se ajo mund të përbëjë një rrezik ekstrem.

Sipas drejtorit të aeroportit këto ditë ka shumë lëvizje për shkak të pushimeve verore. Përveç anulimeve të fluturimeve dhe vonesave, pasagjerët u detyruan të lënë në aeroport 20 mijë valixhe, ndërsa 10 mijë të tjera duhet t’i nënshtrohen kontrolleve./abcnews.al

krokodila.png
ent ela23:36 | 04/05/2018

Policia në aeroportin Hithrou të Londrës ka sekuestruar një ngarkesë të paligjshme që do të hynte ne territorin britanik. Nuk bëhet fjalë për armë, drogë apo substanca të tjera të ndaluara; por për 50 krokodilë të vegjël që po transportoheshin në 10 kuti.

50 krokodilë janë sekuestruar nga policia e aeroportit Hithrou të Londrës, për shkak se kushtet në të cilat do të kryenin fluturimin nuk plotësonin standardet. Krokodilët, të moshës 1-vjeçare, kishin mbërritur përmes një fluturimi nga Malajzia, gjatë të cilit ishin zënë me njëri-tjetrin për shkak të hapësirës së ngushtë. Ata ishin ndarë nga 10 në 5 kuti, ku kishte vend vetëm për katër. Një oficer i policisë kufitare tha se, transportuesi i kishte kushtuar fare pak vëmendje mirëqënies së krokodilëve, njëri prej të cilëve ngordhi. Zvarranikët do të dërgoheshin në një fermë në Kembrixhshajër, ku do të rriteshin, por tashmë janë marrë nën kontroll nga një shoqatë për përkujdesjen ndaj kafshëve. Sipas oficerit të policisë kufitare, 49 krokodilët e mbetur do të riatdhesohen. “Nuk mund të lejojmë që zvarranikët të transportohen në këtë mënyrë. Do të konfiskojmë çdo gjë që bëhet në shkelje me rregulloren. Ky rast të shërbejë si shembull”, tha Grant Miller. /abcnews.al

nwn.jpg
G. P.22:28 | 09/02/2018

Autoritetet në Amerikë po kërkojnë një grua, e cila dyshohet se ka braktisur foshnjën e porsalindur në një banjo në aeroportin ndërkombëtar të Tuscon-it në Arizona.

Gruaja, shikohet në pamjet e filmuara nga kamerat e sigurisë, duke mbajtur një batanije dhe largohet në një mënyrë të çuditshme. Sipas mediave, ajo mund të ketë lindur fëmijën në banjon e aeroportit, përpara se ta linte në një tavolinë së bashku me një shënim.

Në shënim shkruhej: “Ju lutem më ndihmoni, nëna ime nuk e dinte që ishte shtatzënë. Ajo nuk ka mundësi që të kujdeset për mua. Të lutem më dërgo tek autoritetet në mënyrë që të më gjejnë një shtëpi.”
“Unë dua më të mirën për të dhe ajo nuk jam unë”, përfundonte letra.

Siguria e aeroportit u telefonua nga një person, që e gjeti fëmijën në tavolinë afër koshit të plehrave dhe nisën menjëherë hetimet.

Ngjarja ka ndodhur më 14 Janar dhe pamjet u publikuan këtë të premte që të identifikohej gruaja.

Sipas mediave, fëmija është në gjendje të mirë shëndetësore./abcnews.al

vlcsnap-error245-1280x720.jpg
ent ela16:46 | 29/01/2018

Ministri i Infrastrukturës dhe Energjisë, Damian Gjiknuri, ka kërkuar votën e të gjithë deputetëve, përshirë dhe të atyre demokratë për të autorizuar nisjen e negociatatve me firmën turke për ndërtimin e aeroportit të Vlorës. Por PD kërkoi më shumë detaje lidhur me paratë që do të japë buxheti nëse nuk arrihen fluturimet që parashikohen nga kompania dhe me vitet që do ta marrë në menaxhim veprën konsorciumi.

Komisioni i veprimtarive prodhuese i hapi rrugë negocimit të kontratës me firmën turke Cengiz; Kalyon dhe Kolin Construction për të ndërtuar aeroportin e Vlorës vetëm me votat e mazhorancës. Ministri Damian Gjiknuri kërkoi autorizimin nga Kuvendi, për të bërë një aeroport në këtë zonë, i cili do të jetë më i madh dhe më modern se ai i Rinasit.
Por deputetët kërkuan të dijnë se sa do të paguajë buxheti i shtetit nëse fluksi është jashtë parashikimeve të bëra në ofertën ekonomike të konsorciumit turk dhe për sa vite do ta marrë menaxhimin koncesionari.

Afati për të mbyllur kontratën me firmën turke është 3 muaj e më pas marrëveshja do të shkojë sërish në parlament të marrë votën e deputetëve. Për shkak të rëndësisë strategjike, ky projekt nuk do të tenderohet. Vepra do të kushtojë 98 milionë euro dhe si bazë do të ngrihet në Akerni afër fshatir Novoselë në Vlorë./abcnews.al

vlcsnap-error689-1-1280x720.jpg
G. P.16:38 | 24/01/2018

Brenda 90 ditësh një grup pune do të negociojë kontratën për ngritjen e Aeroportit të Vlorës. Qeveria kaloi me procedurë të përshpejtuar projektligjin ndërsa ministri i Infrastrukturës, Damian Gjinkuri, deklaroi se puna do të nisë brenda vitit.

Qeveria miratoi projektligjin për nisjen e negociatave për kontratën e ndërtimit të aeroportit të Vlorës.
Pasi kryeministri Edi Rama dha lajmin në faqen e tij në rrjetin social Facebook, ministri i Infrastrukturës dhe Energjisë shpjegoi vendimin në një deklaratë për mediat nga godina e kryeministrisë.

Damian Gjiknuri: “Këshilli i Ministrave kaloi me procedurë të përshpejtuar, e cila do të shkojë edhe në Kuvendin e Shqipërisë projektligj për fillimin e negociatave për një nga konsorciumet me ofertë më serioze për aeroportin e Vlorës. Bëhet fjalë për një propozim shumë serioz nga tre kompanitë më të mëdha turke. Kompani, të cilat në bashkimet e tyre janë të njëjtat kompani që po ndertojnë aeroportin e Stambollit, aeroportim më të madh që synohet të jetë ne botë.”

Bëhet fjalë për “Cengiz Construction”, “Kalyon Construction” dhe “Kolin Construction”, të cilat kanë paraqitur pranë Ministrisë së Infrastrukturës ofertën për ndërtimin e aeroportit të dytë për fluturime ndërkombëtare në vend, në zonën e Akërnisë, aty ku gjendet aeroporti ushtarak.

Damian Gjiknuri: “Kjo ofertë parashikon një investim afër 100 milionë euro. Do të jetë një projekt tërësisht me financim privat. Në vendimin e qeverisë parashikohet që është ngritur një grup negociatorë me përfaqësues të Ministrisë së Infrastrukturës dhe Energjisë, të Ministrisë së Financave dhe institucione të tjera, të cilët në një periudhë gati 90-ditore do të negociojnë detajet e kësaj oferte. Ky aeroport do të fillojë të ndërtohet brenda këtij viti në një kohë rekord”.

Por ky sipas ministrit të Infrastrukturës nuk do të jetë aeroporti i vetëm që do t’i shtohet Shqipërisë.

Damian Gjiknuri: “Qeveria shqiptare është duke punuar intensivisht edhe për krijimin e akseseve të tjera dhe vënien në funksionim sit ë aeroportit të Kukësit, që ne shpresojmë që shumë shpejt të kemi një zgjidhje optimal dhe për të. Përnjëkohësisht po përfundojmë edhe studimin e fizibilitetit për aeroportin e Sarandës që do të jetë dhe ky një nyje tjetër e rëndësishme turistike”.

Së shpejti shpresoj dhe Kukësin, komentonte më herët edhe kryeministri Rama në Facebook./abcnews.al

Edi-Rama-1.jpg
G. P.18:21 | 18/01/2018

Një ditë pas lajmit se deri në Qershor aeroporti i Vlorës do të ketë nisur punimet për ndërtimin e tij, kryeministri Edi Rama, është kontaktuar për një tjetër aeroport, atë të Kukësit. Nëpërmjet një statusi në rrjetet sociale kreu i qeverisë shkruan se ka një lajm të mirë si për inat të atyre që vunë kujën pse Vlora dhe jo Kukësi. Megjithë besimin e shprehur kryeministri thotë se mbetet për t’u parë sa ofertë serioze është./abcnews.al

tripoli.jpg
G. P.18:57 | 15/01/2018

20 të vdekur dhe 38 të plagosur eshte bilanci i luftimeve të dhunshme këtë të hënë në zonën përreth aeroportit të Tripolit, në Libi. Autoritetet vendase kanë saktësuar se dy prej viktimave janë civilë. Incidentet filluan në orët e mëngjesit, kur një grup personash të armatosur me artileri të rëndë ka tentuar të sulmojë burgun që ndodhet brenda perimetrit të aeroportit. Përveç viktimave, nga shkëmbimi i zjarrit kanë mbetur të dëmtuar disa avionë pasagjerësh. Struktura kontrollohet nga një milici besnike e qeverisë së Fajed al Sarraj. Një zëdhënës i saj ka deklaruar se stafi është evakuuar dhe fluturimet janë anuluar./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono