Adriatik Llalla

auto_adriatik-llalla1492763275.jpg
ent ela17:15 | 29/07/2019

Prokuroria për Krime të Rënda ka nisur drejt autoriteteve të Shteteve të Bashkuara të Amerikës një lëtërporosi me disa pyetje, në lidhje më hetimet që po zhillon për ish-kryeprokurorin Adriatik Llalla. Burime konfirmojë për ABCNEËS se dy pyetjet më kryesorë janë për paratë që ka  shpenzuar ish-kryeprokurori për lindjen e djalit në Amerikë, gjithashtu Prokuroria kërkon informacion në lidhje me një pagesë prej 10 mijë dollarësh, që dyshon se Llalla i ka paguar një kompanie amerikane që ta heq atë nga lista e personave të padëshiruar. Ish-kryeprokurori po zhvillon betejen e tij me drejtëin shqiptare ku akuzohet për “fshehjes se pasurisë”, “mosdeklarimin e të hollave në kufi”, “pastrim parash” dhe “shpërdorim të detyrës”. Disa javë më parë organi i akuzës ka zgjatur hetimet edhe me 3 muaj për Llalën. /ABC News Albania 24/7

adriatik-llalla.jpg
G. P.13:04 | 03/07/2019

Gjykata e Krimeve të Rënda rrëzoi kërkesën e ish-kryeprokurorit Adriatik Llalla këtë të mërkurë për moszgjatje të hetimeve.

Llalla refuzoi zgjatjen e afateve të hetimit nga Prokuroria për Krime të Rënda. Ankimimi i ish-kryeprokurorit u bë përmes avokatit të tij Sokol Hazizaj, ku i kërkoi Gjykatës së Shkallës së Parë për Krime të Rënda  shfuqizimin e vendimit të prokurorit Klodian Braho që ka kërkuar edhe tre muaj të tjerë  kohë për t’i dhënë zgjidhje çështjes.

Hazizaj argumentoi, se organi i akuzës ka patur kohën të mjaftueshme në dispozicion për të kryer të gjitha hetimet ndaj ish-kryeprokurorit. Adriatik Llalla akuzohet për pastrim parash, fshehje apo mosdeklarim të pasurive dhe mosdeklarim i të hollave në kufi.

Hetimet kanë ecur me ritëm shumë të ngadaltë për shkak të mos mbërritjes së letërporosive nga Gjermania. Organit të akuzës i kanë mbërritur disa informacione nga autoritetet gjermanë, por prokurori i çështjes Klodian Braho ka dërguar edhe një herë letërporosi duke u kërkuar informacione më të detajuara./abcnews.al

MBULIM-ADRIATIK-LLALLA.mpg_snapshot_00.28-1280x720.jpg
ent ela15:25 | 28/06/2019

Ish- kryeprokurori Adriatik Llalla ka refuzuar zgjatjen e afateve të hetimit nga  Prokuroria për Krime të Rënda. Ankimimi i ish-kryeprokurorit është bërë përmes avokatit të tij Sokol Hazizaj, ku i kërkon Gjykatës së Shkallës së Parë për Krime të Rënda  shfuqizimin e vendimit të prokurorit Klodian Braho që ka kërkuar edhe tre muaj të tjerë  kohë për t’i dhënë zgjidhje çështjes.

Hazizaj ka argumentuar, se organi i akuzës ka patur kohën të mjaftueshme në dispozicion për të kryer të gjitha hetimet ndaj ish-kryeprokurorit. Adriatik Llalla akuzohet për pastrim parash, fshehje apo mosdeklarim të pasurive dhe mosdeklarim i të hollave në kufi. Hetimet kanë ecur me ritëm shumë të ngadaltë për shkak të mos mbërritjes së letërporosive nga Gjermania. Organit të Akuzës i kanë mbërritur disa informacione nga autoritete gjermanë, por prokurori i çështjes Klodian Braho ka dërguar edhe një herë letërporosi duke u kërkuar informacione më të detajuara. Kërkesa e ish-kryeprokurorit Adriatik Llalla do të shqyrtohet në 3 Korrik nga Gjykata e Krimeve të Rënda. /ABC News Albania 24/7

auto_adriatik-llalla1492763275.jpg
G. P.10:52 | 01/04/2019

Gjykata e Krimeve të Rënda ka rrëzuar ankimimin e ish-kryeprokurorit Adriatik Llalla. Një javë më parë, ky organ i kërkoi Gjykatës së Krimeve të Rënda shtyrjen me 3 muaj të afatit hetimor për ish-kryeprokurorin, deri në mbërritjen e letërporosive nga Gjermania.

Kjo kërkesë u ankimua nga avokati i Llallës, Sokol Hazizaj, por sot gjyqtari Bib Ndreca e rrëzoi këtë ankimim, duke lënë kështu në fuqi vendimin për zgjatjen me 3 muaj të afatit të hetimit për ish-kreun e akuzës.

Dosja në ngarkim të ish-kryeprokurorit Adriatik Llalla po hetohet nga Prokuroria e Krimeve të Rënda, pas shpalljes së moskompetencës nga ana e Prokurorisë lokale të Durrësit, ku kishte nisur fillimisht ky hetim.

Ish-kryeprokurori po hetohet për katër akuza: pastrim parash, shpërdorim detyre, fshehje pasurie dhe mosdeklarim të të hollave në kufi.

Llalla dhe familja e tij është shpallur non grata nga Shtetet e Bashkuara të Amerikës, pas dyshimeve të forta të përfshirjes në afera të forta korrupsioni gjatë kohës që ushtronte detyrën kreut të organit qendror të akuzës. /abcnews.al

LLALLA-ANKIMIMI-1280x720.jpg
ent ela11:04 | 24/08/2018

Ish-Prokurori i Përgjithshëm, Adriatik Llalla, kërkon lirimin e pasurive të sekuestruara të tij në Gjykatën e Lartë. “ABC News” ka mësuar detaje të reja të dosjes, mes të cilave edhe dyshimet e ngritura për Llallën për një shifër prej 62 mijë euro.

Çështja e sekuestrimit të disa pasurive të ish-Prokurorit të Përgjithshëm, Adriatik Llalla, zhvendoset në Gjykatën e Lartë. Ish-kryeprokurori i ka bërë rekurs vendimit të Apelit të Krimeve të Rënda, që la të pandryshuar vendimin e Shkallës së Parë të 23 korrikut 2018 për ngrirjen e disa pasurie të tij.

Rekursi i Llallës është depozituar formalisht pak ditë më parë, brenda afatit të parashikuar ligjor. Ndërkohë, Apeli i Krimeve të Rënda ende nuk ka zbardhur arsyetimin e vendimit të shpallur në javën e parë të gushtit në lidhje me pasuritë e sekuestruara të Llallës, që shkojnë në vlerën e gati 1 milion eurove.

Ish-kryeprokurori Llalla po hetohet nga krimet e rënda për kryerjen e katër veprave penale, atë të “pastrimit të parave”, “fshehjes ose deklarimit të rremë të pasurisë”, “mosdeklarimit të shumave të të hollave në kufi” dhe për “shpërdorim të detyrës”.

“ABC News” ka mësuar se një nga argumentet e  Prokurororisë kundër Llallës në përballjen për pasurinë në Apelin e Krimeve të Rënda ka qenë një shumë prej 62 mijë euro, të cilat ishin shpenzimet për shkollimin e një prej fëmijëve të tij në Gjermani. Sipas prokurorisë, kjo shifër është transportuar në cash dhe jo përmes bankave, apo shoqërive të transfertave monetare. Në ankimin e tij ish-kryeprokurori pretendonte se nuk kishte asgjë të jashtëligjshme, pasi paratë janë kaluar në kufi në sasi brenda limiteve të lejuara nga ligji.

Aktualisht Llalla nuk është më pjesë e sistemit të drejtësisë. Pas përfundimit të mandatit ai dha dorëheqje nga statusi i magjistratit, ç’ka u bë shkak edhe për ndërprerjen e procesit të Vettingut ndaj tij./abcnews.al

Adriatik-Llalla-1280x782.jpg
G. P.13:39 | 23/07/2018

Teksa po e heton për 4 vepra penale, Prokuroria për Krimet e Rënda i jep një goditje të fortë ish-kryeprokurorit, Adriatik Llalla. Me kërkesë të saj, Gjykata e Krimeve ka vendosur nën sekuestro gati 1 miliard lekë pasuri të patundshme të Llallës.

Prokuroria për Krimet e Rënda i ka dhënë një zhvillim të papritur hetimit të nisur ndaj ish-kryeprokurorit, Adriatik Llalla. Përmes një kërkese të saj, Gjykata e Krimeve ka vendosur nën sekuestro disa pasuri të Llallës, që në total kapin vlerën e gati 1 miliard lekëve të vjetër. Sipas një njoftimi zyrtar të Prokurorisë, pasuritë në fjalë përbëhen nga një apartament në Durrës dhe katër troje në Tiranë.

Kërkesa e prokurorëve të Krimeve për ngrirjen e pasurisë së ish-shefit të tyre, Llalla, ka lindur për shkak të krijimit të dyshimeve të arsyeshme se disa pasuri të paluajtshme në zotërim të tij janë produkt i veprave penale për të cilat ai akuzohet.

Pas pranimit të kërkesës nga Gjykata, të hënën Policia Gjyqësore pranë Drejtorisë së Policisë së Shtetit Tiranë ka ekzekutuar vendimin gjyqësor për sekuestrimin e pasurive të paluajtshme të ish-drejtuesit të organit qëndror të Akuzës.

Kjo lëvizje e fortë e Prokurorisë vjen në muajin e katërt të hetimit të nisur ndaj Llallës. Ish-kryeprokurori dyshohet të ketë konsumuar katër vepra penale “refuzim për deklarim, mosdeklarim, fshehje ose deklarim i rremë i pasurise”, “mosdeklarim të shumave të të hollave në kufi”,  “pastrim parash” dhe “shpërdorim të detyrës”. Procedimi penal ndaj tij u regjistrua në 15 Mars 2018 në Prokurorinë e Durrësit, por më tej hetimi i kaloi për kompetencë Prokurorisë për Krimet e Rënda.

Pas përfundimit të mandatit të kryeprokurorit, Llalla dha dorëheqje nga detyra vendim që e shpëtoi atë edhe nga procesi i Vettingut. /abcnews.al

kol-hazizaj.jpg
G. P.14:15 | 11/06/2018

Menjëherë pas vendimit të Komisionit të Posaçëm të Apelimit, ka reaguar edhe avokati i Adriatik Llallës, Sokol Hazizaj. Ai theksoi se, reforma në drejtësi ka marrë suksesin e saj të parë.

“KPA shtoi atë ç’ka parashikon Kushtetuta që do të thotë se ndalimi për të hyrë në organet e drejtësisë deri në 15 vjet, gjë të cilën e kishte përmendur edhe KPK. Në këto kushte unë mendoj se ligji fitoi dhe mendoj se reforma në drejtësi ka marrë suksesin e parë”, tha Hazizaj.

kpa-vlefshmeria.jpg
G. P.13:43 | 11/06/2018

Ish-kryeprokurori Adriatik Llalla ka shpëtuar përfundimisht nga procesi i vettingut. Komisioni i Posaçëm i Apelimit la në fuqi vendimin që ndërpreu vettingun për Llallën, por urdhëroi lënien e tij jashtë sistemit të drejtësisë për 15 vite.

Ish-Prokurori i Përgjithshëm, Adriatik Llalla, nuk do t’i nënshtrohet procesit të vettingut.

Kolegji i Posaçëm i Apelimit shpalli të hënën vendimin përfundimtar ndaj ankimit të bërë nga Komisioneri Publik kundër verdiktit të Komisionit të Pavarur të Kualifikimit që ndërpreu këtë proces për ish-kryeprokurorin. Ai zgjodhi të mos paraqitej as në këtë seancë, ku u përfaqësua nga avokati.

“Ndërprerjen e procesit të vlerësimit ndaj subjektit Adriatik Llalla”

Në ankimin e bërë Komisioneri pretendonte se Llalla nuk kishte dhënë doreheqjen sipas procedurës së kërkuar nga ligji ndaj vazhdonte të gëzonte statusin e magjistratit. Si i tillë, sipas Komisionerit, ai duhet të kalonte në filtrat e vettingut.

Kryesuesi i Kolegjit, Sokol Çomo, argumentoi se Adriatik Llalla ka dhënë dorëheqjen tek organi kompetent, që sipas trupit gjykues, është Presidenti i Republikës.

“Është zbatuar rruga e duhur proceduriale e ligjislacionit në fuqi”

Në këtë linjë, Kolegji vlerësoi se vendimi i KPK për ndërprerjen e procesit të rivlerësimit kalimtar ka qenë i drejtë.

Kolegji ndryshoi vendimin e KPK-së vetëm sa i përket pjesës urdhëruese për moskthimin e Llallës në sistem.

“Ndalimin e emërimit të zotit Adriatik Llalla gjyqtar e prokuror të çdo niveli, anëtar i këshillit të lartë gjyqësor, inspektor i drejtësisë, prokuror i përgjithshëm për 15 vjet”

Avokati Sokol Hazizaj e konsideroi vendimin një sukses të Reformës në Drejtësi, ndërsa nuk pranoi të tregojë vendodhjen aktuale të Llallës.

“ Ligji fitoi, e drejta gjithashtu, sot reforma në drejtësi ka marrë suksesin e parë”

Ndërsa i shpëtoi përfundimisht vettingut, Adriatik Llalla është duke u hetuar nga Prokuroria për Krimet e Rënda për akuzën e “Fshehjes ose deklarim i rreme i pasurisë”, “Mosdeklarimit të shumave të të hollave ne kufi”, “Pastrimit të produkteve të veprës penale“ dhe “Shpërdorimit të detyrës”.

kpa-123.jpg
G. P.10:08 | 11/06/2018

Komisioni i Posaçëm i Apelimit pritet të vendosë sot nëse ish-Prokurori i Përgjithshëm, Adriatik Lalla, do i nënshtrohet apo jo Vettingut. Vendimi i trupës gjykuese të Kolegjit të Posaçëm të Apelimit pritet të bëhet publik në orën 13:00.

Ky komision shqyrtoi javën e kaluar kërkesën e Komisionerit Publik, që ish-prokurori i Përgjithshëm të mos përjashtohet nga Vettingu. Më herët, Komisioni i Pavarur i Kualifikimit kishte ndërprerë Vettingun e Llallës, pas dorëheqjes së këtij të fundit nga sistemi i drejtësisë, pak pas mbarimit të mandatit si kryeprokuror.

Sipas komisionerit publik, megjithëse ka lënë detyrën në Dhjetorin e vitit të kaluar, Llalla nuk është larguar si magjistrat, ndaj duhet të kalojë në filtrat e verifikimit të pasurisë dhe figurës.

Ndërsa avokati Sokol Hazizaj tha se Adriatik Llalla kishte hequr dorë nga statusi i magjistratit përmes dorëheqjes së tij të depozituar tek Presidenti i Republikës, njëkohësisht kryetar i Këshillit të Lartë të Drejtësisë.

Përmes përfaqësuesit të tij ligjor, Llalla kërkoi lënien në fuqi të vendimit që e përjashtoi atë nga kontrolli i trefishtë që do i bënte Vettingu pasurisë, figurës dhe aftësive të tij profesionale./abcnews.al

 

34692329_2160030870897978_7872425266859999232_n-1280x543.jpg
ent ela13:26 | 06/06/2018

Kolegji i Posaçëm i Apelimit mbylli shqyrtimin e ankimit të bërë nga Komisioneri Publik kundër vendimit që ndërpreu procesin e Vettingut për ish-kryeprokurorin Adriatik Llalla. Vendimi përfundimtar nëse do rë rihapet apo jo Vettingu për Llallën do shpallet në 11 Qershor.

Më 11 Qershor 2018, Kolegji i Posaçëm i Apelimit do të shpallë vendimin përfundimtar nëse ish-Prokurori i Përgjithshëm, Adriatik Llalla, do t’i nënshtrohet apo jo procesit të vetingut.

Ish-kryeprokurori kishte zgjedhur të mos paraqitej në seancën e tretë të shqyrtimit të ankimit të Komisionerit Publik kundër vendimit që ndërpreu procesin e vettingut për të. Vendimi në fjalë është shpallur nga Komisioni i Posaçëm i Apelimit në 16 Shkurt 2018, gjashtë ditë pasi Llalla paraqiti dorëheqje tek Presidenti i Republikës.

Përmes përfaqësuesit të tij, për të cilin ka lëshuar një prokurë nga Turqia, Llalla kërkoi lënien në fuqi të vendimit që e përjashtoi atë nga kontrolli i trefishtë që do i bënte Vettingu, pasurisë, figurës dhe aftësive të tij profesionale.

Avokati Haziza tha se Adriatik Llalla kishte hequr dorë nga statusi i magjistratit përmes dorëheqjes së tij të depozituar tek Presidenti i Republikës, njëkohësisht kryetar i Këshillit të Lartë të Drejtësisë.

Për Komisionerin Publik, institucioni që përfaqëson interesat e publikut në procesin e vettingut, Llalla nuk duhet t’i shpëtojë këtij kontrolli.

Llalla gëzon statusin e magjistratit, theksoi Komisioneri, duke argumentuar se ai nuk ka ndjekur procedurën ligjore. Pasi nënvizuan faktin se dorëheqja e Llallës i është përcjellë me postë kreut të shtetit Komisioneri hodhi dyshime nëse ajo ishte nënshkruar apo jo nga ish-kryeprokurori.

Përfundimisht, Komisioneri kërkoi prishjen e vendimit të Komisionit të Pavarur të Kualifikimit dhe vazhdimin e Vettingut për Adriatik Llallën.

Pasi u njoh me konkluzionet e palëve, Kolegji mbylli shqyrtimin dhe u tërhoq në dhomën e këshillimiut për të dalë me një vendim, mesditën e së hënës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono