administrata

trump-siria-1280x682.jpg
nev ila20:10 | 08/10/2019

Turqia nuk ka më asnjë minutë për të humbur në Siri. Me këtë mesazh në Twitter Presidenca në Ankara konfirmon veprimet ushtarake në verilindje të Sirisë. Ndërsa Shtëpia e Bardhë në një deklaratë për media u shpreh se nuk bëhet fjalë për tërheqje të ushtarëve amerikanë nga vendi, por thjesht një zhvendosje në një zonë tjetër.

Vendimi i Donald Trump për të tërhequr ushtarët amerikanë nga Siria, pranë kufirit me Turqinë, përfshin vetëm deri në 10 anëtarë të forcave speciale, të cilët do të rivendosen në baza të tjera brenda vendit.

Deklarata u bë nga një zëdhënës i Shtëpisë së Bardhë, i cili këmbënguli se nuk bëhet fjalë për një tërheqje dhe se lëvizjet nuk përfaqësojnë në asnjë moment një dritë jeshile për një sulm ushtarak turk kundër forcave kurde në verilindje të Sirisë.

Një zyrtar i lartë i administratës  Trump shtoi se Turqia do të ndërmarrë një operacion ushtarak por nuk do të ketë asnjë përfshirje të forcave të armatosura amerikane. Turqia i ka shpallur luftë militantëve kurdë në very të Sirisë dhe është gati të pushtojë rajonin duke përdorur me mijëra ushtarë dhe mjete ushtarake.

Komuniteti ndërkombëtar ndërkohë ka shprehur shqetësimin e tij.

Një zëdhënës i komisionit europian u shpreh se, pas deklaratave të Turqisë për situatën në Siri, Bashkimi Europian është i shqetësuar, duke përsëritur se asnjë zgjidhje për këtë konflikt, nuk mund të jetë ushtarake. Kjo situatë mund të normalizohet vetëm me anë të një tranzicioni politik.

Kombet e bashkuara nga ana tjetër kanë paralajmëruar se të gjithë duhet të përgatiten për më të keqen në veri lindje të Sirisë pasi Shtetet e Bashkuara të Amerikës u tërhoqën për të lejuar Turqinë që të kryejë veprime ushtarake në zonë.

Dy bomba kanë shpërthyer brenda një ore në dy zona të ndryshme në very të Sirisë, prej tri vitesh nën kontrollin e ushtrisë turke, duke shkaktuar 14 të plagosur dhe vdekjen e një atentatori.

Sulmet ndodhën pak orë pas deklaratës së Shteteve të Bashkuara të Amerikës për tërheqjen nga verilindja në siri dhe paralajmërimit të Ankarasë për sulm ushtarak.

Presidenca turke me anë të një mesazhi në profilin zyrtar në Twitter, shkruan se vendi nuk ka më asnjë minutë për të humbur, pasi ka qenë më e duruar seç duhet me aleatët e saj për të luftuar terrorizmin./ABC News Albania 24/7

KRONIKE-PUNESIMET-NE-DAP.mpg_snapshot_00.02-1280x720.jpg
ent ela16:27 | 08/10/2019

Në administratën publike dhjetra konkurse mbyllen pa fitues. Drejtoresha e DAP, tha sot në Kuvend se në shtet, aktualisht janë 600 vende të lira, por shumë prej tyre ngelen bosh, sepse nuk aplikojnë inxhinerët, arkitektët apo të diplomuar në shkenca ekzakte si matematika, fizika, apo kimia.

Në zyrat shtetërore, më shumë se 600 vende pune janë aktualisht bosh. Shumë prej tyre nuk arrihen të plotësohen, pasi në konkurse nuk marrin pjesë kandidatë me arsimin e kërkuar. Nevojat janë për të diplomuar kryesisht në  inxhinieri dhe shkenca ekzakte.

Problem tjetër i ngritur nga Nënkomisioni i Administratës Publike, është heqja e padrejtë nga puna e nëpunësve, të cilët fitojnë më pas gjyqet duke i shkaktuar faturë buxhetit të shtetit.

Drejtoresha e Departamentit të Administratës Publike, raportoi se 70 punonjës janë larguar nga puna në administratë, sepse janë prekur nga ligji i dekriminalizimit.  /ABC News Albania 24/7

takimi-xi-trump.jpg
G. P.23:02 | 20/09/2019

Uashingtoni zyrtar ka hequr tarifat për 400 produkte kineze, duke zbutur luftën tregtare me Pekinin. Presidenti Donald Trump ka deklaruar se vendimi është marrë pasi negociatat me palën kineze po ecin mirë. Ai ka shtuar se Shtetet e Bashkuara kërkojnë një marrëveshje tregtare të plotë me Kinën.

Presidenti amerikan Donald Trump ka deklaruar se administrata e tij po bën shumë progres në bisedimet me Kinën dhe në këtë aspekt ka hequr tarifat për 400 produkte kineze.

Duke folur për mediat nga Shtëpia e Bardhë, gjatë takimit me kryeministrin australian Scot Morrison, Trump tha se Shtetet e Bashkuara po fitojnë miliarda dollarë nga tarifat e vendosura mbi produktet kineze dhe shtoi se totali do të arrijë së shpejti në 100 miliardë.

“Më duhet të them se po bëjmë shumë progres me Kinën. Ne kërkojmë një marrëveshje të plotë dhe jo të pjesshme”, deklaroi Trump, duke shtuar se marrëveshja nuk duhet të arrihet domosdoshmërisht përpara zgjedhjeve presidenciale të 2020-s.

Megjithatë, administrata amerikane dhe ajo kineze mbeten të ndara për një sërë çështjesh që përbëjnë thelbin e përplasjes tregtare. Mes tyre spikasin klasifikimi i disa kompanive kineze si subjekte që përbëjnë rrezik për sigurinë kombëtare amerikane dhe refuzimi i Pekinit për të riorganizuar modelin e tij ekonomik duke eliminuar subvencionet për kompanitë shtetërore.

Objektet e fundit të përjashtuara nga tarifat përfshijnë pajisje elektronike për kompjuter dhe printer, drurin e përdorur për parket dhe dritat e vogla për pemën e Krishtlindjes.

Ndërkohë, negociatorët kinezë dhe ata amerikanë janë ulur në bisedime, të fokusuara për momentin tek agrikultura dhe tek shtrimi i terrenit për dialogun e nivelit të lartë që do të mbahet në Tetor.

Do të jetë pikërisht takimi i tetorit që do të përcaktojë nëse dy vendet po lëvizin drejt një zgjidhjeje apo do të vazhdojnë me vendosjen reciproke të tarifave./ABC News Albania 24/7

bashkeqeverisja.jpg
G. P.16:05 | 11/09/2019

Kryeministri ka zhvilluar si çdo të mërkurë takimin me një grup qytetarësh që kanë gjetur zgjidhje duke u ankuar për administratën tek portali i bashkëqeverisjes. Edi Rama pranoi se disa zyrtarë parazitë po gërryejnë institucionet.

Ky qytetar shkodran kishte dështuar të merrte shërbim në zyrat e kadastrës së qytetit të tij, ndaj, siç kishte dëgjuar në media kryeministrin, ju drejtua portalitë të bashkëqeverisjes. E për t’i treguar Edi Ramës se zyrtarët parazitë mund t’i kalbin shtetin, i dha këtë shembull.

“Tek shtëpia që unë jetoj në Shkodër, në oborr kam një trung ahu ku unë ulesha aty. Kam vënë re se kalojnë shumë buburreca poshtë. Për kuriozitet vura re se këto buburreca  e kishin gërryer nga poshtë kështu që sado i fortë të jetë ky tra, në qoftë se këto buburreca nuk do të zhduken në një formë, ose në një tjetër, këto përsëri do të  mbeten njëlloj. Uroj që këto shushunja të jenë sa më të pakta dhe mund të shtypen”, tha ai.

Kryeministri i tregoi menjëherë se ai nuk po i toleronte parazitët e administratës së tij.

“Të jesh i sigurt se unë nuk kam patur nevojë të ulem në ndonjë stol për të parë se çfarë bëjnë buburrecat nga poshtë, se rri në këmbë dhe i shikoj buburrecat ulur që gërryejnë. Megjithatë kjo kërkon durim të madh, kërkon vullnet, kërkon kohë dhe sigurisht kërkon sisteme. Platforma është një nga ato sisteme që i mpin buburrecat dhe disa prej tyre edhe i shtyp. Unë e di që ju keni parasysh buburrecat e hipotekës së Shkodrës, kushedi se çfarë keni heq me ata. Por ne po vazhdojmë të luftojmë”, u shpreh Rama.

Së fundi në platformë është përfshirë një rubrikë e veçantë për biznesin, për t’i krijuar të gjithë atyre që merren me biznes në Shqipëri, të njëjtin akses të shpejtë në qeveri për çdo problem që hasin me administratën. Sipas kryeministrit, deri tani, portali ka pranuar 51 mijë ankesa./ABC News Albania 24/7

alket-hyseni.jpg
G. P.13:06 | 08/09/2019

Socialistët pohojnë që nuk kanë pritur një raport të shkëlqyer nga ODIHR për zgjedhjet e 30 Qershorit. Anëtari i komisionit të Reformës Zgjedhore, Alket Hyseni tha për ABC News se presionet në administratë që evidenton raporti, janë kryer në bashkitë opozitare.

Raporti kritik i OSBE-ODIHR për zgjedhjet e 30 Qershorit, nuk i ka gjetur të papërgatitur socialistët.

“Nuk kemi pritur ndonjë raport që të ishte me penelatën më të bukur të mundshme, për shkak edhe të situatës që ndodhi pra dhe gjatë 30 Qershorit, megjithatë raporti ishte i qartë. Raporti konfirmonte zgjedhjet demokratike”, tha Alket Hyseni.

Anëtari i komisionit të reformës zgjedhore, Alket Hyseni, gjatë një interviste për ABC News thotë se presioni ndaj administratës, të cilën raporti e thekson fort, është ushtruar nga opozita.

“Ishte pikërisht dhunimi që iu bë administratës së bashkive të opozitës për të dalë jo thjesht në aktivitete elektorale, por për të lënë totalisht punën dhe për të dalë në mitingje, të cilat shpesh ishin të dhunshme thotë raporti. Kjo është një arsye kryesore që ka përkeqësuar këtë aspekt”, tha ai.

Por a e përjashtojnë socialistët të kenë ushtruar vetë presion mbi punonjësit?

“Unë nuk pretendoj që edhe ne kemi qenë perfektë. Jemi përmirësuar në vite, por nuk më rezulton në asnjë rast presion. Mund të flas me përgjegjësi të plotë për zonën që unë kam mbuluar dhe unë kam mbuluar katër bashki. Nuk ka pasur asnjë rast të vetëm që persona publik me koperturë shtetërore të kenë ushtruar presion ndaj çdo zgjedhësi për të marrë pjesë apo jo në zgjedhje”, tha Hyseni.

Në raport nuk nënvizohet si shkelje nga ana e presidentit anulimi i 30 Qershorit, dekret për të cilin socialistët duan ta shkarkojnë Ilir Metën. Kjo nuk lexohet si dështim i mazhorancës.

“Një vendimmarrje nul nuk ka vlerë për t’u rreshtuar në faqet e atij raporti dhe besoj që injorimi që i ka bërë kësaj pjese të vendimmarrjeve edhe raporti tregon që ne kemi pasur të drejtë”, tha ai.

Por rekomandimet e raportit pranohen.

“Rekomandime të cilat ne kemi muaj e vite që po i lutemi opozitës që të vijë në tryezën e bashkëpunimit pikërisht për të adresuar këto rekomandime apo shumë problematika të tjera që ne i kemi konstatuar”, tha Hyseni.

Megjithëkëtë, në këtë fazë, PS nuk është gati të bëjë një tërheqje për të larguar Damian Gjiknurin nga bashkëdrejtimi i reformës zgjedhore, një kërkesë kjo e opozitës jashtëparlamentare dhe asaj në Kuvend.

“Unë do të ftoja opozitën parlamentare dhe jo vetëm atë, opozitën joparlamentare që të fokusohen në gjëra thelbësore dhe të mos merren me gjëra të cilat nuk kanë për qëllim të zgjidhin problematika, nuk kanë për qëllim t’u ofrojnë shqiptarëve një ligj elektoral më të mirë se ky që është, por kanë synim të vetëm politikën e ditës”, tha Hyseni.

Megjithëkëtë, dera ngelet e hapur.

“Ta lemë politikën e ditës, sikurse ne jemi gati të sakrifikojmë politikën e ditës në favor të zgjidhjeve të mëdha, për Shqipërinë, për integrimin e saj në BE”, përfundoi deputeti i PS-së./ABC News Albania 24/7

edi-rama-bashkeqeverisja.jpg
G. P.17:50 | 04/09/2019

Kryeministri pranoi sot se disa zyra shtetërore po i zvarrisin pensionistët duke ju mohuar të drejtat, por ju sugjeroi të gjithë qytetarëve që t’i drejtohen portalit të bashkëqeverisjes në mënyrë që të marrin zgjidhje të fshehtë.

Rikthimi i Shtatorit, e gjen kryeministrin Rama në takimet e përjavshme me qytetarët që kanë gjetur zgjidhje përmes portalit të bashkëqeverisjes shqipëriaqëduam.al.

Angazhimi i drejtpërdrejtë i qytetarëve ndihmon shumë në përpjekjen e përbashkët dhe në detyrën onë për ta shtyrë administratën maksimalisht që të bëjë detyrën. Nga ana tjetër ndihmon shumë për të zbuluar edhe individë apo struktura të vogla dhe nga larg edhe të padukshme të administratës që pengojnë për të marra masat ndëshkimore për individë që nuk e kanë bërë detyrën si duhet”, tha Rama.

Këtë të mërkurë, shembullin e tyre e treguan kryesisht pensionistë të cilët ishin zvarritur nga institucionet. Kryeministri paralajmëroi ndëshkim për zyrtarët abuzues.

“Një numër iu caktuar zyrash në territore, pensionistët nuk e marrin përgjigjen dhe mbi të gjitha nuk marrin përkushtimin që meritojnë. Mirëpo duke i drejtuar platformës ata kapërcejnë të gjitha pengesat dhe menjëherë kanë një mik shumë të fortë përkrah që është drejtpërdrejt qeveria”, tha Rama.

Pavarësisht dyshuesve, kryeministri pohon se besimi i qytetarëve tek portali është rritur./ABC News Albania 24/7

selia-PD-1280x713.jpg
ent ela16:30 | 29/08/2019

Partia Demokratike ka reaguar pas vendimit të drejtorëve rajonalë në Shkodër për t’u dorëhequr në bllok. Dega e Partisë Demokratike në Shkodër e ka cilësuar kërkesën e kryeministrit Rama drejtuar drejtorëve rajonalë si një akt totalisht antiligjor dhe në shkelje flagrante të Kushtetutës, Statusit të Nëpunësit Civil dhe Kodit të Punës. Për demokratët kryeministri po vendos PS Shkodër, në administrimin e Tom Doshit, personit të shpallur “non grata” nga Shtetet e Bashkuara të Amerikës, ndaj edhe fillimisht ka zgjedhur t’i spastrojë “fushën” duke i lënë në dorë të gjitha drejtoritë rajonale në Shkodër. PD e cilëson lëvizjen e Edi Ramës si tentativë për t’u hedhur “hi syve” shkodranëve. “Është një përpjekje e dështuar për të tërhequr vëmendjen nga skandali i Shkodrës, ku me 30 qershor kandidoi një të inkriminuar, ashtu siç bëri me Vorën dhe me bashki të tjera që do të evidentohen në ditët në vijim”, thuhet në reagimin e demokratëve. /ABC News Albania 24/7

 

john-bolton.jpg
G. P.15:30 | 29/08/2019

Këshilltari amerikan për sigurinë kombëtare, John Bolton, paralajmëroi për kërcënimin që vjen nga praktika e pandershme tregtare kineze. Këto komente zyrtari amerikan i bëri gjatë vizitës në Kiev, duke thënë se për këtë shqetësim kishte folur edhe me presidentin e Ukrainës, Volodimir Zelenski.

Agjencia “Reuters” njofton se i pyetur për mundësinë që Kina të blejë firmën  ukrainase të motorëve të aeroplanëve “Motor Sich”, Bolton ka vlerësuar se kjo çështje është punë sovrane e Ukrainës, por se Uashingtoni nuk e miraton atë.

“Kemi shprehur shqetësimin për praktikën e pandershme kineze, për kërcënimin e sigurisë kombëtare që e pamë në Shtetet e Bashkuara”, tha këshilltari amerikan për Sigurinë kombëtare, John Bolton, në një konferencë shtypi.

Më herët ai në një prononcim për seksionin ukrainas të Radios Evropa e Lirë duke folur për marrëdhëniet e Kievit me Moskën, i bëri bërë thirrje presidenti të sapozgjedhur Zelenski që të jetë i kujdesshëm në zhvillimin e strategjisë së veprimit me rusët, ndaj të cilëve, si reagim ndaj aneksimit të Krimesë, Shtetet e Bashkuara kanë mbajtur qëndrim shumë të ashpër.

“Mendoj se administrata Trump ka qenë shumë e ashpër. I ka imponuar sanksione të mëdha Rusisë, sanksione ekonomike, dëbim të diplomatëve rusë, mbyllje të objekteve diplomatike ruse, dhe ka ndërmarrë hapa që me të vërtetë kanë pasur ndikim dramatik mbi ekonominë ruse. Nëse i shikoni hapat konkretë që kemi ndërmarrë, mendoj se të dhënat janë tepër të qarta. I kemi imponuar Rusisë më shumë sanksione sesa Bashkimi Evropian”.

Zyrtari i i lartë i Shtëpisë së Bardhë nuk ka përjashtuar mundësinë që së shpejti presidenti amerikan Donald Trump të takohet në Poloni me homologun e tij ukrainas Zelenski./ABC News Albania 24/7

binaj.jpg
G. P.14:13 | 20/08/2019

Në Bashkinë e Selenicës janë larguar 66 punonjësit e parë. Kryetari i porsaemëruar Pellumb Binaj, ka nënshkruar për shkarkimin e 66 punonjësve të kësaj njësie vendore.

Ata shërbenin në sektorin e shërbimeve publike, kryesisht në pastrim dhe gjelbërim. Binaj ka thënë se kjo ndërprerje kontrate me 66 punonjësit është bërë në bazë të urdhrit të Kontrollit të Lartë të Shtetit.

Sipas Binajt, në Janar të këtij viti, raporti i KLSH-së ka vërejtur se për 66 punonjës të Bashkisë së Selenicës, me kontratë të pjesshme dhe që paguheshin me vetëm 12 mijë lekë të rinj në muaj, nuk zbatohej ligji mbi Kodin e Punës.

Binaj tha se urdhri i KLSH-së nuk ishte zbatuar sipas kërkesës së KLSH-së, që kishte caktuar afat ndërprerjen e kontratave deri në muajin Mars të 2019-s./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono