abuzim

Tabaku-1-1280x696.jpg
ad min14:40 | 07/05/2019

Ish-nënkryetarja demokrate e Komisionit të Ekonomisë ka akuzuar qeverinë se po shkatërron ekonominë e veendit. Në një deklaratë nga selia blu, duke iu referuar konluzioneve të një dite më parë të FMN, Jordia Tabaku tha se borxhi i lartë i vendit vjen për shkak politikave të gabuara të qeverisë, të cilat i ka denoncuar që herët Partia Demokratike.

Në deklaratën e thirrur për media, ish-nënkryetarja e Komisionit të Ekonomisë Jorida Tabaku, gjetjet e Fondit Monetar Ndërkombëtar i sheh si shqetësime të artikuluara prej kohësh nga forca politike ku bën pjesë.

“Rritja e borxhit publik, ulja selektive e taksave për bizneset e disa oligarkëve dhe PPP-të korruptive kanë dobësuar ekonominë, duke ndikuar për keq në çdo familje që nuk është në biznes me qeverinë”.

Shqetësimet për rritjen ekonomike, borxhin publik dhe detyrimet e prapambetura, janë vetëm një pjesë e gjendjes kritike sipas demokratëve.

“Këtë konfirmoi edhe FMN-ja, e cila parashikon këtë vit rënie të ekonomisë për shkak të thatësirës. Borxhi i lartë publik është një faktor në dobësimin e ekonomisë dhe po ndiqet me shqetësim si nga Fondi, ashtu edhe nga opozita. Me një borxh ekonomik në kufijtë e 70% të PBB-së, FMN i tërheq vëmendjen qeverisë se ka shteruar pothuajse çdo mundësi tjetër për të marrë borxh. Pavarësisht se qeveria ka gënjyer, e ka fshehur dhe nuk e ka raportuar këtë të dhënë, FMN e tha qartë se detyrimi prej 300 milionë euro është pjesë e borxhit të rritur publik”. 

Rimbursimi i TVSH-së, politikat fiskale favorizuese ndaj një grupi njerëzish dhe koncesionet dhe PP-të kanë krijuar një rrezik të vazhdueshëm në buxhetin e shtetit, thekson Tabaku.

“Investimet në infrastrukturë, që hapin vende pune dhe nxisin ekonominë, vazhdojnë të pakësohen çdo vit, sepse qeveria paguan 1.7 miliard euro ose 13% të Prodhimit të Brendshëm Bruto për faturat e PP-vë që kanë shkuar tek një grusht oligarkësh të lidhur me qeverinë e Edi Ramës”. 

Klientelist e quan Tabaku edhe ligjin e ri për Koorporatën e Investimeve, i cili e kthen kryeministrin në pronar de facto të pasurive publike.

“Diagnoza që FMN ka për ekonominë shqiptare është se ajo vuan nga sëmundja e rrezikshme: është një ekonomi që pasuron një grusht njerëzish pranë pushtetit, që punon për pakicën dhe jo për shumicën”.

Zgjidhja për këtë vjen përmes alternativës së partisë demokratike – deklaron Tabaku – që promovon konkurencën e lirë, mundësitë e barabarta për të gjithë dhe taksa të ulëta./ABC News Albania 24/7

jorida-tabaku.jpg
ad min13:00 | 19/02/2019

Deputetja demokrate, Jorida Tabaku, në një deklaratë për media ka akuzuar ministren Elisa Spiropali dhe familjen e saj, si të përfshirë në një skemë përfitimi të parave publike përmes tenderave korruptive.

Korrupsion, konflikt interesi dhe fshehje pasurie.

Janë këto akuzat e artikuluara nga Jorida Tabaku në drejtim të rilindjes. Skema e përdorur është ajo e tenderave të dhënë brenda familjes së Elisa Spiropalit, që sipas demokratëve përfitoi…

“550 milion lekëve para publike shumica e të cilave janë dhënë përmes tenderave që bashëkshorti i saj i ka dhënë tek kompania e vëllait të saj”.

Kompania është krijuar në gusht të 2013-ës nga vëllai i zëdhënëses së qeverisë Elisa Spiropali.

“Brenda pak muajve kompania fitoi tenderin e parë në 27 mars 2014, bamirësi ishte bashëkshorti i Elisës”.

Tre ditë më vonë, në 1 prill të 2014-ës, Enki Spiropali vendos t’i shesë kompaninë Marjus Memushajt.

“Kushëriri i bashkshortit të Elisës, e shiti me 1 milion lekë edhe pse sapo kishte fituar tender prej 6 milion lekësh”.

Llogaria financiare e përfitimit nga paratë publike për familjen Spiropali për Drejtuesen e Departamentit Antikorrupsion në Partinë Demokratike, Lealba Pelinku, kalon gjysmë milliard lekë.

“Bashkëshorti i ka dhënë kompanisë së vëllati të Elisës rreth 350 milion lekë. Sipas të dhënave nga thesari i shtetit, Solomon ka përfituar fonde edhe nga drejtoria e doganave Fier kur Elisa ishte drejtoreshë doganash”.

Më pas ka qënë edhe dogana Vlorë ajo që i ka dhënë plot 67 milion lekë po të njëjtës shoqëri, e cila ka marrë tendera ku eksperienca ka qënë kriter kryesor.

I menjëhershëm ka qënë reagimi i zëdhënëses së qeverisë e cila akuzat i konsideron si hedhje e bojës së rradhës mbi përfaqësuesit e mazhorancës. Duke mohuar që vëllai i saj të ketë përfituar kontratë apo fonde publike, ministrja Spiropali në rrjetet sociale njofton se do të padisë akuzuesit në gjykatë./abcnews.al

ministria.png
ad min08:13 | 06/02/2019

Katër zyrtarë të Ministrisë së Drejtësisë janë vënë në pranga, të dyshuar për abuzimet me disa tendera në vitet 2016-2017. Shkeljet e kryera, sipas prokurorisë kanë pasur edhe një dëm të madh financiar në buxhetin e shtetit.

Pas një hetimi më shumë se 6-mujor, Prokuroria e Tiranës ka kërkuar ndalimin  e katër zyrtarëve të Ministrisë së Drejtësisë, të cilët dyshohen se kanë abuzuar me tenderat. Në pranga përfundoi ish-Sekretarja e Përgjithshme e Ministrisë së Drejtësisë, Juliana Hoxha; drejtori i Shërbimeve Mbështetëse, Aurel Lamçe dhe dy specialistët e IT-së, Lysien Ali dhe Arlind Alikaj.

Prokuroria e Tiranës bëri të ditur se shkeljet janë evidentuar fillimisht nga grupi i inspektimit të Ministrisë së Drejtësisë, e më pas dhe nga grupi i inspektimit të Ministrisë së Financave, lidhur me procedurat e disa tenderave në atë institucion gjatë periudhës 2016-2017.

Disa nga sistemet, si kamera sigurie, për burgun e Lezhës dhe Fushë-Krujës si edhe mirëmbajtja e rrjetit elektronik të çështjeve të përmbarimit nuk janë funksionale, thotë prokuroria e Tiranës.

Gjithashtu, ajo që u konsiderua edhe si një skandal në vitin 2017 në Ministrinë e Drejtësisë ka qenë edhe tenderi i  mbikqyrjes elektronike në fushën penale. Organi i akuzës pohon se në hetim janë 12 persona, të cilët dyshohen për veprat penale të “Shpërdorimit të detyrës” dhe “Shkelje e barazisë së pjesmarrësve në tendera”.

Hetimet kanë pasur në fokus funksionarët publik që kanë qenë pjesë e njësive të prokurimit, komisioneve të verifikimit të ofertave dhe komisioneve për mbikqyrjen e zbatimit të kontratave.

Do të jetë Gjykata e Tiranës, e cila do të vendosë nëse ish- funksionarët e ndaluar të qëndrojnë në burg apo në ndonjë masë sigurie më të lehtë deri në përfundim të hetimeve. Ndërkohë shkeljet e evidentuara nga prokuroria kanë shkaktuar pasoja të mëdha për buxhetin e shtetit./abcnews.al

shkolla-rilindja.jpg
ad min14:50 | 04/02/2019

Abuzimi seksual me një vajzë të mitur në Kavajë nga një grup djemsh ka tronditur prindërit që kanë fëmijët në të njëjtën shkollë me nxënësit e përfshirë në këtë ngjarje të rëndë. Ata thonë se megjithëse ngjarja ka ndodhur jashtë ambienteve të shkollës duhej të ishte zbuluar në fillim nga mësuesit e drejtoresha dhe jo të denoncohej nëpër rrjetet sociale.

Abuzimi seksual me një të mitur në Kavajë nga një grup djemsh ka shqetësuar prindërit e shkollës “Rilindja”. Ngjarjen e kanë mësuar nga një mbledhje që u zhvillua nga drejtoria me familjarët e nxënësve. Mësohet se aty është diskutuar për gjendjen emocionale të vajzës dhe është tërhequr vërejtje për sjelljen e djemve.

“Indiciet e para i ka marrë mësuesja e viktimës në këtë rast. Më pas nga drejtoresha janë thirrur prindërit, të cilët e kanë konfirmuar një gjë të tillë dhe më pas është bërë denoncimi në organet policore”.

Prindërit thonë se ngjarja ka ndodhur jashtë ambienteve të shkollës rreth dy muaj më parë. Për ta është e papranueshme që rasti në fillim është denoncuar nërrjetet sociale nga ish-kryeministri Berisha dhe jo nga shkolla.

“Është një ngjarje shumë e rëndë dhe unë e mora vesh nëpërmjet rrjeteve sociale të publikuara nga ish-Kryeministri Berisha dhe sinqerisht ndihem shumë i shokuar që kjo ngjarje them se është mbajtur e fshehur dhe nga instancat përkatëse dhe nga drejtoria e shkollës edhe nga Komisariati i Policisë Kavajë. Ndihem si babai i dy fëmijëve shumë i shokuar ku ka degraduar rinia sot. Ku ka degraduar arsimi sot. Është për të ardhur keq që ne ta marrim vesh me dy muaj vonesë këtë ngjarje”.

Drejtoresha shkollës 9-vjeçare “Rilindja” në Kavajë dhe as mësuesit nuk kanë pranuar të flasin për mediat. Mendohet se fillimisht i dashuri vajzës ka filmuar momente intime mes tyre. Këto pamje janë përdorur për shantazh nga djemtë që ajo të kryente marrëdhënie seksuale me persona të tjerë.

park.jpg
ad min08:34 | 06/04/2018

Ish-presidentja koreanojugore, Park Geun-hye u dënua me 24 vjet burg nga gjykata e Seulit. Ajo u përball në Gjykatë me 18 akuza, mes të cilave korrupsion, abuzim me pushtetin dhe publikim të sekreteve shtetërore, për të cilat u gjet fajtore. Prokuroria kishte kërkuar 30 vjet burg për ish-Presidenten. Park, e cila prej më shumë se një viti ndodhet në një burg të Seulit, nuk ishte e pranishme në sallën e gjyqit në momentin e dhënies së dënimit./abcnews.al

minorenet-qe-lypin-1280x662.jpg
ad min19:10 | 27/03/2018

Gjykata e Tiranës ka shpallur fajtor një baba 46-vjeçar që nxirrte për të lypur dy fëmijët e tij të mitur në rrugët e kryeqytetit. Ai është dënuar me 2 vjet burg, por përfundimisht është lënë në Shërbim Prove për një periudhë 4-vjeçare.

Ka nxjerrë dy fëmijët e tij 8 dhe 10 vjeç për të lypur në rrugët e Tiranës, por tashmë duhet të vuajë një dënim fajësie.

Kujtim Aliu, 46 vjeç, është dënuar me 2 vjet burg nga Gjykata e kryeqytetit, pasi u deklarua fajtor për akuzën e “keqtrajtimit të fëmijëve”. Prindi i të miturve nuk do të përfundojë në qeli, pasi gjykata vendosi pezullimin e ekzekutimit të dënimit, duke e lënë atë në Shërbim Prove për një periudhë 4-vjeçare.

46 vjeçari është kallëzuar nga punonjëset e Njësisë për Mbrojtjen e Fëmijëve pranë Bashkisë së Tiranës. Gjatë inspektimee në terren, ato kishin konstatuar fëmijët e mitur, djalë e vajzë, teksa lypnin.

Në kontaktin me familjarët, punonjëset janë përballur me frazën “nuk kemi çfarë të bëjmë, me çfarë do ushqehemi”.

Në deklarimet para gjykatës, dy kallëzueset kanë pohuar se kishin bërë çdo përpjekje për ndryshimin e situatës, në mbrojtje të të miturve, por pa rezultat.

Sipas tyre, i pandehuri ishte i punësuar, familjes së tij i ishin dhënë ushqime dhe veshmbathje, u ishte ofruar të hanë në një qendër komunitare, por ata nuk shkonin, marrin ndihmë ekonomike si dhe kanë një banesë sociale.

Ndonëse e ka mohuar për disa raste me radhë, pasi punonjëset sociale e kanë përballur me fotografimet e fëmijëve të tij duke lypur, 46 vjeçari Aliu ka pranuar se kishte dijeni për këtë fakt./abcnews.al

policia-e-durresit.jpg
ent ela10:01 | 09/02/2018

Katër ish-zyrtarë të Komunës së Ishmit në Durrës u ndaluan, si të dyshuar për abuzim me tokat në plazhet e Ishmit dhe Gjirin të Lalzit. 6 persona të tjerë janë në hetim për të njëjtën çështje.

Abuzimi me pronat ka çuar në pranga 4-ish zyrtarë të komunës Ishëm, kurse nën hetim mbeten edhe 6 persona të tjerë.
Hetimi i kryer nga institucionet ligjzbatuese në Durrës ka nisur për shkak të abuzimit me ndarjen e tokave dhe të disa kontratave qiraje për dhënie të hapësirës publike të plazheve Ishëm dhe Gjiri i Lalëzit.
Nga auditi i kryer është konstatuar që në ish-komunën Ishëm funksionarët kanë lidhur 10 kontrata për dhënie me qera të hapësirës publike për plazh me rërë me kohëzgjatje 10 vjet.

Bëhet fjalë për një njësi përfaqe 81086 m2 e dhënë gjatë viteve 2013-2015.

Sipas ligjit, parcelat duhet të jepeshin me një kontratë 3 vjecare, por ish-zyrtarët kanë abuzuar duke e dhënë për një periudhë 10-vjeçare.
Ndërkaq po nga kjo komunë janë lidhur 86 kontrata qiraje me të tretë për dhënien me qira të hapësirës publike plazh.

Në total nga vlera e planifikuar prej 15, 779, 220 lekë është arkëtuar vlera 9, 652, 820 lekë dhe mbete pa arkëtuar vlera 6, 126, 400 lekë nga 18 kontrata, e cila nuk është e pasqyruar si debitore në kontabilitet dhe përbën të ardhura të munguara për buxhetin e ish Komunës Ishëm, aktualisht Njësi Admionistrative në përbërjen e Bashkisë Durrës. Pikërisht këto shkelje të kryera cuan në pranga katër ish-funksionrë të Ishmit.

Të arrestuar janë Sulejman Ibrahimi, ish- Kryetar i Komunës Ishëm, Ornela Shëmlikaj me detyrë sekretare arshive, Enver Shima, me detyrë ish- përgjegjës i zyrës së Bujqësisë dhe Shpresa Merdita, me detyrë ish- punonjëse e zyrës së Urbanistikës Ishëm.

Të tjerë persona nën hetim. Pritet të arrestohet për veprat penale të korruspion dhe përdorje e detyrës.
Për të arrestuarit, Gjykata e e Shkallës së Parë Durrës ka caktuar masën e sigurimt “Arrest në Burg”. Ndërkohë para insitucionit të Prokurorise, te afërm, miq dhe familjarë të të arrestuarve protestuan. Ata thanë mos bëni arrestime për shoe, por gjeni fajtorët e vërtetë./abcnews.al

vlcsnap-error169-2-1280x720.jpg
ad min13:09 | 20/11/2017

Ministri i bujqësisë dhe zhvillimit rural Niko Peleshi i ka premtuar peshkatarëve të Shirokës lehtësira fiskale. Ai i ka kërkuar që ta sinjalizojnë edhe për cdo abuzim të inspektorëve të ministrisë.

Është takimi i dytë që zhvillon me peshkatarët. Në Durrës u fokusua në clirimin e portit të peshkimit nga jahtet e të pasurve. Ndërsa në liqenin e Shirokës ministri i bujqësisë dhe zhvillimit rural u kërkoi që të jenë vigjilentë dhe të mos lejojnë asnjë lloji abuzimi.

“ …Shumë mirë që ju jeni të organizuar. Forca juaj është shumë e madhe. Do t’ju lutesha, që të mos hezitonit, të më sinjalizoni për çdo veprim apo mosveprim të inspektorëve tanë të peshkimit. Edhe kur veprojnë keq në shkelje të ligjit, edhe kur nuk veprojmë, kur mbyllin sytë.”

Shqetësimi i parë që iu prezantua ka lidhje me formalizimin dhe futjen në një sistem kontrolli të peshkimit në shirokë.

Peshku, peshkohet në liqen, pastaj nga peshkimi deri tek tregtimi, hallkat nuk funksionojnë siç duhet. Nuk ka një kontroll, qoftë të sigurisë ushqimore, por qoftë edhe i vërtetimit të origjinës, që duhet të jetë kusht, për çdo njësi tregtare të peshkut.”

Ministri Peleshi foli edhe për investimin e realizuar në infrastrukturë falë kontributit të bankës botërore.Por duhet bërë më shumë për peshkatarët dhe këtë ministri ua premtoi me skemën e mbështetjes financiare për të gjithë sektorin.Ai nuk ka harruar të rikujtojë dhe njëherë aksionin e madh, për sigurinë ushqimore dhe masat e marra në kuadër të këtij aksioni.

“Kemi bërë një aksion shumë të madh deri tani. Kemi mbyllur një numër shumë të madh pikash therjeje, të cilat duhet ta themi, ishin liçencuar nga shteti në kundërshtim me ligjin dhe që kishin shkatërruar gjithë investimet e tjera serioze, private.”

“Ne nuk do të lejojmë, që njerëz me uniformën e shtetit të bëjnë biznes, duke përdorur autoritetin e shtetit, sepse autoritetin, duam ta përdorim, për të vendosur rregulla loje, për të hapur vende pune dhe jo për t’ju prishur punë.”/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono