abcnews

lokali-i-video-pergjimit-1280x720.jpg
ent ela14:17 | 22/05/2018

Audio përgjimi midis Albert Veliut dhe Agron Xhafës, dyshohet se është bërë në katin e dytë të një pallati, ku ndodhet një bar-kafe. Ky lokal njihet prej shume vitesh, si pronë e vëllait të Ministrit të Brendshëm.

Lokali që shikoni në pamjet e siguruara nga ABC News, është vendi ku thuhet se u realizua audio-përgjimi midis Albert Veliut, ose i njohur ndryshe si Babalja me të supozuarin vëllain e ministrit të Brendshëm, Agron Xhafa.

Një ambjent ku shërbehet kafe, në katin e dyte të një pallati, përgjatë bulevardit Vlorë- Skelë.

Vlonjatët e njohin prej shumë vitesh si pronë e Agron Xhafës, zëri i të cilit hamendësohet se ishte në audio përgjimin, në bashkëbisedim me Babalen për afera të trafikut të kanabisit.

Në lokalin “Miami”, vazhdohet të shërbehet. Fqinjet i thanë ABC News se klientela nuk ka pësuar rënie.  Sikurse ai nuk është mbyllur asnjë ditë megjithëse tashmë dyshohet si strofka ku u gatua përgjimi që shkaktoi skandal.

Në kohën kur u regjistruan zërat mes Babales që kërkonte drogë për të dalë nga gjendja e tij e vështirë ekonomike, dhe sipas tij,  Agron Xhafës, kanë qenë dhe persona të tjerë, por që identiteti i tyre nuk bëhet publik.

Gazetari Jetmir Olldashi i cili ka pranuar se ishte një investigim prej tij, nuk ka qenë prezent në procesin e audio përgjimit dhe as e ka parë dhe njeh Agron Xhafën.

Olldashi ka folur për median se koha kur u realizua audio-përgjimi ishte tetori i vitit të kaluar, kurse PD e bëri publike në datë 14 Maj.

Dy ditë më pas vëllai i Ministrit Xhafa përmes një letre publike mohoi të ishte zëri i tij. Ai dha një deklarim në prokurori dhe më pas iu vetëdorëzua policise italiane në aeroportin e Rinasit.

Një ditë më pas PD transemtoi intervistën që gazetari Olldashi kishte realizuar me Babalen, i cili tregoi se kishte vepruar për hakmarrje dhe se zëri tjetër ishte i ish-shokut të tij Agron Xhafa. Në Vlorë familjarët e Babales apo të Albert Veliut janë larguar nga banesa, por në “Miami bar” klientela vazhdon. /abcnews.al

prokuroria-e-krimeve-te-renda.jpg
ent ela22:34 | 17/05/2018

Zëdhënësi i prokurorisë së përgjithshme, Denion Ndrenika bën të ditur për ABC News se ka një rakordim të përbashkët nga organi i akuzës për bashkimin e dy procedimeve penale të nisura për cështjen Xhafaj, e për të patur një hetim të përbashkët.

Një procedim është regjistruar pranë prokurorisë së Tiranës mbi bazën e kallëzimit të shtetasit Agron Xhafaj. I dyti është nisur kryesisht nga Prokuroria e Krimeve të Rënda. /abcnews.al

VIDEO-MAKINA-ELBASAN-MBULIM-1280x720.jpg
ent ela14:50 | 29/04/2018

Makinës së një pedagogu në Elbasan, Arben Haxhihysenit, i është vënë zjarri pak pas mesnatës. Policia ka zbuluar se zjarri ishte i qëllimshëm dhe ka nisur hetimet. Ngjarja ka ndodhur në lagjen” Qemal Stafa” dhe benzi ishte i parkuar poshtë shtëpisë së pronarit Arben Haxhihyseni 62 vjeç. ABC News ka siguruar videon ne momentin kur autori i mbuluar me kapuç ka hedhur benzinën në makinë. Siç shikoni dhe nga pamjet ai është një djalë i ri që i vë flakën makinës. Policia ende nuk ka gjetur kush është autori. Por po punohet për zbardhjen e plotë të saj. /abcnews.al

arben-ristani-2-1280x661.jpg
ent ela13:09 | 13/03/2018

Sekretari i përgjithshëm i PD Arben Ristani ka përsëritur në studion e ABC News se PD nuk ka asnjë shqetësim për akuzuar që i adresohen pasi kontratat dhe financimet e saj janë transparente dhe ligjore. Nga ana tjetër Ristani zbulon se ka nisur konsultimet me Ridvan Boden e kritikët e tjerë të Bashës, në prag të Kuvendit Kombëtar.

Sekretari i përgjithshëm i PD Arben Ristani deklaron se investigimi i “Mother Jones” është nxitur nga socialistët. Në studion e ABC News Ristani si zyrtari përgjegjës për kontratat e PD rrëfen edhe dy thirrjet në Prokurori, nëntorin e kaluar dhe të premten e kaluar.

Edhe akuzat e fundit të socialistëve për transparencë të financimit të aksionit 3 mujor të PD në cadër, për Ristanin janë taktikë për të tërhequr vëmendjen nga droga e krimi, pasi PD e ka transparent çdo akt.

Nga ana tjetër, Ristani që për shkak të pozicionimit që Basha i bëri në Vlorë, nuk është më deputet i PD, thotë se është takuar me Ridvan Boden, por edhe me kritikë të tjerë të bashës propozues  të platformës për ringritjen e PD dhe projektstatutin.

Ristani thotë se PD duhet të dëgjojë sugjerimet e Sali Berishës për të bashkuar e maksimizuar kontributet e të gjithë demokratëve./abcnews.al

 

 

vlcsnap-error154-1280x720.jpg
ent ela12:39 | 02/03/2018

Brenda një kohë shumë të shkurtër policia lokale e Fierit ia ka dalë që të vendosë në pranga tre personat e dyshuar si autorë të grabitjes me armë.

Dy prej autorëve janë nga Vlora, ndërsa i treti nga fshati Zhupan i Fierit. Pas arrestimit të autorit të pare, dy të tjerët, janë vënë në pranga vetëm pak kilometra larg qytetit të Fierit, në fshatin Baltëz.

Lulëzim Demiraj, nga Vlora, është autori i dyte i dyshuar i grabitjes së pikës së këmbimit në Fier.

Ai u kap një orë pas ngjarjes në një kanal me ujë ku po fshihej.

Siç shikoni edhe nga pamjet që ABC News ka siguruar, policia e ka ndjekur deri në vendin ku ai shkoi për t’u fshehur.

Pas tij u kap edhe autori i tretë i dyshuar i grabitjes dhe plagosjes së dyfishtë. Ai është Dashamir Gergali 41 vjeç nga Zhupani i Fierit. Të dy së bashku u larguan me makinë nga qyteti dhe dolën në zonën rurale.

Më herët policia kishte kapur autorin e parë të kësaj ngjarje të rëndë, Zini Fyrajn 37 vjeç nga Sevasteri i Vlorës.

Të Arrestuar në flagrancë:

Zini Fyraj, 37 vjeç, banues në Sevaster, Vlorë.

Lulëzim Demiraj, banues në Vajzë, Vlorë.

Dashamir Gergali, 41 vjeç, banues në Zhupan, Fier.

./abcnews.al

vlcsnap-error603-1280x720.jpg
ent ela13:27 | 10/02/2018

Ka hyrë në fazën intensive të kontrollit “derë më derë” aksioni i Ndërmarrjes së Ujësjellës Kanalizimeve në kryeqytet. Kjo fazë e parë është e përqendruar mbi bizneset dhe ndërmarrjet publike. Janë 15 grupet e punës që kanë zbritur në terren për të bërë verifikimet dhe marrë masat e nevojshme! Për më shumë detaje gazetarja Viol Xhafaj zjhvilloi një intervistë me zv.drejtoreshën e UKT zonjë Evis Gjebrea./abcnews.al

 

vlcsnap-error895-1280x720.jpg
us er20:00 | 01/12/2017

Fryrja e lumit Vjosë e ka rënduar situatën në Vlorë duke shkaktuar probleme në disa zona të saj. 25 familje nga fshati Fermë i Novoselës janë evakuuar për shkak se rrezikoheshin nga përmbytjet. Ata janë akomoduar në Shkollën Industriale, në Pallatin e Sportit dhe në ish-godinën e Komunës Novoselë. Ndërsa rreth 7 mijë krerë bagëti janë larguar nga Novosela dhe u dërguan në zona të sigurta. Për shkak të motit të keq, në të gjitha fshatrat e kësaj njësie administrative mungon energjia elektrike. Kritike situata është edhe në bashkinë e Selenicës. Krahas prurjeve të mëdha të Vjosës, kanë vërshuar edhe përrenjtë. Disa segmente rrugore ndërmjet fshatrave janë aktualisht të pakalueshme. Ndërsa në Delvinë mësohet se është rrëzuar ura që shërbente për tu lidhur me fshatin Vanë. 350 familje mbeten tashmë të bllokuara dhe nuk kanë asnjë mundësi komunikimi me rrugën nacionale./abcnews.al/abcnews.al

vlcsnap-error840-1280x720.jpg
us er13:00 | 14/11/2017

ABC News zbardh dëshminë e vjehrrit të Gentian Dodës. Ai ka konfirmuar para prokurorëve takimin e Alban Buçit me një person në një lokal në Fushë-Krujë. Sipas organit te akuzes aty dyshohet të jetë dorëzuar ryshfeti 30 mijë euro  tek “sekseri” i gjyqtarit Shkëlqim Miri.

Prokuroria për Krimet e Rënda pretendon se paratë e ryshfetit i paguar nga Gentian Doda për llogari të një vendimi të favorshëm në Apelin e Tiranës janë dorëzuar në Fushë-Krujë. Ka qenë Alban Buci, ai që bashkë me vjehrrin e Dodës në 25 maj 2017 kanë takuar Kujtim Mirin, i dyshuar si sekser i gjyqtarit Shkëlqim Miri. “ABC News” zbardh dëshminë e personit me iniciale N.A. i identifikuar si vjehrri i Gentian Dodës. Në deklarimet e dhëna në 3 nëntor para prokurorëve të Krimeve, vjehrri i Dodës ka konfirmuar takimin, por nuk ka përmendur ndonjë dorëzim parash.

“Në Fushë Krujë kemi shkuar në një ndërtesë, ku kati i parë ishte lokal, ndërsa kati i dytë ishte ambient privat që përdorej për magazinë. Pasi kemi zbritur nga makina na ka pritur një person tjetër që nuk e njihja. Më pas jemi futur brenda në katin e dytë të ndërtesës. Pasi vajtëm në katin e dytë Albani me personin tjetër më thanë që të prisja jashtë. Unë dola. Pas disa minutash doli edhe personi tjetër”.

Nga ana tjetër, Prokuroria e Krimeve ka administruar si provë pamjet filmike të kamerave të sigurisë së lokalit në fjalë. Sipas pamjeve, në orën 21:34 aty mbërrin Alban Buçi dhe vjehrri i Dodës. Në hyrje të lokalit këta persona janë takuar me shtetasin Kujtim Miri, të cilit shtetasi Alban Buci i ka dhënë një zarf të bardhë. Sipas prokurorisë, dy personat kanë qëndruar në lokal deri në orën 21:42 dhe më pas janë larguar.

Në lidhje me dyshimet e një afere korruptive në Apelin e Tiranës, Krimet e Rënda po hetojnë në masën e sigurisë “arrest në burg” gjyqtarin Shkëlqim Miri dhe kushëririn e tij, Kujtim Miri. Për të dyshuarit Gentian Doda dhe Alban Buci ekziton një masë sigurie “arrest në burg” në mungesë, ende e pa ekzekutuar./abcnews.al

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono