abc news

123.jpg
Veronik Istrefaj23:46 | 17/02/2020

Starova, në emisionin Pressing në ABC News, ka folur për rivalitetin mes Shkurtaj dhe Nwabuezes, si dhe analizoi ndeshjen mes Laçit dhe Partizanit.
“Janë dy lojtarë që shënojnë, tani nuk them kush është më i mirë se tjetri.

Shkurtaj, sidomos javët e fundit, është duke dhënë maksimumin, lëviz shumë, topin nuk e humbet, edhe shënon. Duke qenë në disavantazh, Shkurtaj bëri ndeshje fantastike. Nwabueze është karakteristikë tjetër, lojtar që do hapësira, që ka shpejtësi. Nuk diskutohet që është lojtar shumë i mirë.

Laçit i ka ndodhur dy herë që nuk ruan avantazhin, si me Kukësin, ashtu dhe me Partizanin. Laçi këtë radhë me Partizanin dorëzoi mesfushën, mungesa e Deliut ra në sy. Nuk pati mundësi Laçi ta menaxhojë fitoren. Muri u vendos gabim, një episod të kthen ndeshjen. 2-1 shumë shpejt, pastaj filluan dobësitë e Laçit./abcnews.al

1234.jpg
Veronik Istrefaj23:35 | 17/02/2020

Ermal Tahiri, i ftuar në Pressing në ABC News, ka vazhduar analizën e tij me ekipin e Tiranës, duke thënë se pavarësisht disa rregullimeve në mbrojtje, Tirana ka ende probleme në prapavijë.

Nëse do t’i bëjmë një analizë Tiranës, ka dhe ndeshje që ka luajtur barabartë me kundërshtarin, por i ka fituar ndeshjet, plot katër. Tirana ka bërë mirë me qendrën e mbrojtjes, me futjen e Muçës dhe spostimin e Vangjelit.

Megjithatë, ka prapë probleme. Tirana ka shënuar shumë, por ka pësuar shumë dhe ka humbur disa rezultate. Ajo që unë dua të them është se Skënderbeu diti shumë mirë të mbrohet, pasi Tirana ka një sulm pa fantazi. Kukësi ka lojtarë që lëvizin dhe në zona të ngushtë, lëvizin shumë shpejt.

Ndërsa Ngoo thjesht e ul topin me kokë, gjen Torassan, Calen. Nëse nuk funksionin, është shumë e vështirë. Janë Teuta, Partizani, Kukësi dhe Tirana për titull, unë nuk jam tifoz me asnjërën”, tha Tahiri./abcnews.al

Kukesi.jpg
Veronik Istrefaj23:15 | 17/02/2020

Sulejman Starova, në Pressing, vazhdon të analizojë skuadrën e Kukësit, që është kryesuese e Superiore. Bobi është ndalur te sulmi i verilindorëve, që sipas tij, është i mbushur me yje.

“Abazaj, Gavazaj, Rroca dhe Shkurtaj, ka qenë katërshja e sulmit, me Limajn e Musollin në mesfushë. Në katër pozicione, janë pesë lojtarë për të luajtur. Dhe trajneri, bën rotacion, herë njërin, herë tjetri. Abazaj është ose majtas, ose djathtas, por luan dhe pas pykës, ashtu si Et’hemi.

Janë të pestë lojtarë shumë të mirë dhe Et’hemi nga rezervë, futet në lojë dhe del më i mirë. Abazaj është me hope, mund të bëj golin gjatë ndeshjes, por me minuta rri në hije. Edhe Musta vazhdimisht nga e majta është fantastik, po ashtu dhe Maliqi nga krahu tjetër./abcnews.al

 

Starova në Pressing
1234.jpg
Veronik Istrefaj22:56 | 17/02/2020

Ermal Tahiri, i ftuar në emisionin Pressing në ABC News, foli për ndeshjet e fundjavës në Superiore. Në fjalën e tij, Tahiri u shpreh: “U afruan Partizani dhe Teuta, si dhe nuk u shkëputën ekipet e kreut. Dua të dal te kjo, që të gjitha skuadrat, nuk ka asnjë skuadër që të bëjë diferencën në këtë kampionat.

E kishte mundësinë Kukësi, por dhe Tirana, por nuk ia dolën që të krijonin distancë. Është shumë e vështirë në Ballsh, më ka habitur ritmi i Bylisit, kishte 2-3 raste, gjuajti shtyllën. Më bëri përshtypje individualizmi i lojtarëve të Kukësit.

Me lojtarët që ka, Kukësi mund ta menaxhonte lojën më mirë, mund ta qarkullonte topin më mirë në mesin e fushës. Duke e mbajtur topin mirë, do të kishte fituar 0-1. Ballshi edhe mund të ishte fitues në këtë ndeshje, duke parë rastet që kishte, pasi në kontekst, ishte më i mirë se kundërshtari”, tha Tahiri./abcnews.al

123.jpg
Veronik Istrefaj22:37 | 17/02/2020

Sulejman Starova, trajneri i njohur shqiptar, është i ftuar si gjithmonë në emisionin Pressing, në ABC News. Në fjalën e tij, Starova u shpreh: “Kjo javë filloi me Tiranën që nuk arriti të fitojë, pritej vështirësia e ndeshjes për Kukësin në Ballsh. Para ndeshjes, barazimin do e konsideroja rezultat pozitiv për Kukësin.

Megjithatë, humbën një rast të artë, pasi u barazua vetëm në fund. Javë e artë për Partizanin dhe Teutën, që u afruan shumë. Për herë të parë, Laçi është larg 10 pikë vendit të parë. Deri tani, e kanë provuar tre skuadra vendin e parë, por asnjëra nuk është shkëputur. Flamurtari, gjë e bukur, fitoi. Kemi Vllazninë që shkon në Durrës dhe mposhtet.

Kukësi nuk ka mbrojtje brilante, është e dyta ndeshje që luan keq, edhe me Laçin. Ritmi i Ballshit është ndryshe nga të tjerët, sidomos në fushën e tyre, e favorizon fusha. Bylisi është skuadër që bën presion atje. Kukësi vuajti edhe kundër Laçit në 25 minutat e para, mund të pësonte dhe të dytin po të mos ishte për Xhikën. Edhe kundër Ballshit, mund të pësonin më shumë, 2-3 herë vendosje gabim në mbrojtje”, tha Starova./abcnews.al

Ermal-Tahiri-Pressing.jpg
Veronik Istrefaj23:59 | 13/02/2020

Ermal Tahiri është sërish i ftuar në Pressing, në ABC News. Analizat e Tahirit marrin vëmendje të madhe dhe Tahiri, e nisi fjalën e tij me eliminimin e Partizanit nga Kupa e Shqipërisë. “Pyetja është, a ka krizë Partizani apo jo? Partizani ka probleme, është shumë e thjeshtë.

Pse nuk e pranojnë? Iku objektivi i parë, objektivi i dytë: 8 pikë mbrapa. Iku pra, pse nuk e pranojnë. Manuali i trajnerëve italianë, është i ndryshëm nga shqiptarët. Prandaj ka probleme te Partizani.

Drejtorët sportivë që nuk marrin vesh, ka ardhur këtu futbolli shqiptar. Për një biletë avioni, më thoni 74 mijë euro. A është normale kjo gjë? Halilaj do të rregullojë borxhin, pasi thotë se nuk ka vdekur.

Ka lojtarë të rinj shumë të mirë në përbërje, ekipi është për të shkuar në Kategorinë e Parë, problemi është sa do të jetë dëshira e Halilajt për ta ngritur sërish në Superiore”./abcnews.al

riza-1-1280x621.jpg
Veronik Istrefaj23:47 | 13/02/2020

Flor Riza është i pranishëm në emisionin Pressing në ABC News. Në fjalën e tij, u shpreh: “Partizani ishte i detyruar të kualifikohej, rivali i ardhshëm do të ishte Tirana. Ndeshja do të luhej në Air Albania, do të kishte përfitime të mëdha.

Unë mbetem i mendimit se ndeshja e parë e Kupës që luhet në ndeshjen jashtë, duhet vlerësuar maksimalisht, manuali është kryesori në futboll. Ne nuk jemi në dijeni të situatave dhe nuk mund të marrin pjesë në diskutim.

Logjika të çon se Dhoma e Zgjidhjeve të Konflikteve, zgjidh konfliktet. Konfliktet, lindin nga dy palë jashtë kësaj dhome. Di që atje, kanë shkuar me dhjetëra sportistë. Të gjithë kanë problemin e mos-pagesave dhe të gjithë e kanë zgjidhur”./abcnews.al

UUUU.png
R D23:43 | 13/02/2020

Gazetari Artan Hoxha publikoi SMS kërcënuese që ka mbërritur sot në Abc News, drejtuar gazetarit Artan Hoxha si dhe televizionin Abc News. Ai e tregoi sonte në Opinion ku i ftuar ishte Kryeministri i vendit Edi Rama.

SMS kërcënuese

“Dëgjoni me vëmendje, ju si televizion bastard me në krye kryebastardin Tan Hoxha, ka ardhur koha të mbani përgjegjësitë për baltën që hidhni ndaj familjes sonë. Nuk është familja jonë si na prezantoni ju me Tan kur*ën. Keni një javë për një foto na ngatërroni me politikën. Të jeni të sigurt ne s’do falim asnjë që na sulmon padrejtësisht. Nëse e doni e kthejmë në personale”.

Hoxha rrëfeu se me një numër nga Anglia i kanë ardhur disa foto të tij të të gjitha lëvizjeve që kishte bërë gjatë ditës.

“Sot para se të vija në emision më kanë ardhur disa mesazhe. Denoncimin e kam bërë në polici, normale që e kam bërë. Çfarë kërkohej! Më kishin fotografuar kur kam dalë nga shtëpia, ku kam lëvizur gjatë ditës, se unë besoj në këtë vend. M’i kanë sjellë me mesazhe nga Anglia këto. Ky është krimi i organizuar. Nuk janë më ata. Me ata kam mbaruar punë unë. Krimi i organizuar është ky që fsheh pafund para, që ndikon dhe e ka buxhetin më të madh se Ministria juaj e Brendshme, që ka zhdukur në Vlorë 16 persona dhe nuk gjejmë dot kufomat. Me këto që dëgjoj tek ty, jam tek ty kokë e këmbë, por me ato që shoh, çfarë të bëj… Kjo është jeta që jetoj, nuk është ajo që dëgjoj”, tha Hoxha duke iu drejtuar kryeministrit Edi Rama.

/abcnews.al

Luftetari-Tirana.jpg
Veronik Istrefaj23:30 | 13/02/2020

Besnik Halilaj, president i Luftëtarit, vazhdon të flasë hapur në Pressing: “Shtatë ndeshje na kanë penalizuar. Kukësi na rreh edhe në 12 të natës, por ja që nuk na rrahu dot në Gjirokastër. Në Lushnjë, shkon gjyqtari jep golin e atyre që nuk ishte, neve nuk na u dha një penallti. Me Laçin na jep gol në të 95-ën, jep penallti që nuk është. Ndeshja me Ballshin, jo se kanë faj ata, por delegati i ndeshjes nuk lejon ndërrimin e lojtarit sepse nuk punon tabela. Pas pak minutash, jepet koha shtesë me gojë.

Vjen delegati, që sot nuk vjen më në Gjirokastër, më thotë mua dil jashtë nga stadiumi. Unë nuk dua të merren personalisht me arbitrat, unë jam marrë me drejtuesit e arbitrave, që e kanë pranuar gabimin. Pas vrasjes, nuk më intereson falja.

Unë nuk kam marrë asnjë lek nga buxheti i Luftëtarit. Keq-menaxhimi nga ana administrative, abuzim në detyrë, nuk mund të pranojmë që për një biletë avioni, një lojtar të na thotë dua 74 mijë euro. Kemi një problem me një klub në Uruguai, për vitet e formimit. Për katër ditë që është regjistruar lojtari, 222 mijë euro është detyrimi për atë klub. Me gjithë kamatat. Tjetra: Për një klub në Greqi, s’ka ardhur asnjë ditë lojtari, 65 mijë euro ia ka njohur klubi detyrimet. Ka ardhur një portier, ka qëndruar vetëm një natë në Gjirokastër. Gjasme u vra të nesërmen, nuk ka bërë një ditë stërvitje, u rikthye brenda ditës në Athinë dhe ka marrë 7500 euro. E kam gjetur Luftëtarin me më shumë se 500 mijë euro borxhe.

Nga Bashkia, është 0 investimi. Në Shqipëri, një Bashki të jep 600 mijë euro se i ka lekët e babit, tjetra të jep zero se i ka të njerkut. Bashkia Gjirokastër nuk më ka dhënë asgjë. Kryetari i Bashkisë më ka pritur mirë, por nuk ka fonde të më japë. Nga fondet publike, klubi i Gjirokastrës zero. Që kur kam ardhur unë këtu, dal dhe me humbje në stadium, duke paguar rojet. Futbolli në Shqipëri është krizë, nuk gjeneron të ardhura. Por unë do t’ia dal, edhe po rashë nga Superliga, nuk kam vdekur. Do e shikoj si biznes”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono