339

arben-ndoka.jpg
nev ila21:26 | 25/11/2019

Ish-deputeti i partisë socialiste Arben Ndoka është njohur me akuzat së bashku më 13 të dyshuar të tjerë, për akuzat për tjetërsim e përvetësim pronash në bregdetin e Lezhës.

Ky hetim është pjesë e dosjes 339, ndërsa në kuadër të hetimit për abuzim në zgjedhje, pjesë e dosjes 339/1, pritet të thirret sërish në prokurori ish-kryebashkiaku i Durrësit Vangjush Dako.

Prokuroria e Krimeve të Rënda mbyll hetimet për një nga grupet, pjesë e dosjes 339, që ka lidhje me abuzimin e pronave në Tale, Shëngjin dhe Rana e Hedhun. Pjesë e këtij grupi është dhe ish-deputeti i PS në Lezhë Arben Ndoka dhe disa prej familjarëve të tij, që kanë shërbyer si zyrtarë në Lezhë.

Ndoka dhe të pandehurit e tjerë u paraqitën në prokurori për t’u njohur me akuzat.  Në dalje nga prokuroria, ish-deputeti Socialist u shpreh se nuk kishte bërë asnjë deklarim, pasi nuk kishte avokatin mbrojtës.

Ish-deputeti u rikthye për herë të dytë në prokurori, tashmë me avokatin, ku është njohur me akuzat dhe ka sqaruar pozicionin e tij. I takon tashmë gjyqtarit të seancës paraprake të vendosë nëse kjo dosje do kalojë për gjykim apo do pushohen hetimet.

Që në krye të herës, avokati i Arben Ndoka, Maks Haxhia kishte deklaruar se klienti i tij nuk ishte përfshirë në çështjen e abuzimit të pronave.  Bashkë me Arben Ndokën, po hetohen edhe Gjevi Ndoka, Erald Osmaci, Bledar Cara, Bled Ndoka, Lule Zeneli dhe 8 të dyshuar të tjerë.

Ata akuzohen se në bashkëpunim me njëri-tjetrin, kanë falsifikuar, tjetërsuar dhe përvetësuar 234,548 m2 tokë shtetërore ranishte në zonën bregdetare të Lezhës. Veprat penale për të cilat akuzohen janë Falsifikimi i dokumenteve”, Falsifikimi i vulave, stampave ose i formularëve”, “Shpërdorimi i tokës”, në kuadër të një grupi kriminal si dhe kryerja e veprave penale nga grupi kriminal.

Ndërkohë, Prokuroria për Krime të Rënda vazhdon hetimet për 339/1 ku pritet që të rimerret në pyetje ish-Kryetari i Bashkisë Durrës Vangjush Dako.

Burimet kanë konfirmuar se Dako ka mohuar të këtë lidhje me grupin e Avdylajve dhe se është takuar me ta, si me çdo zgjedhës tjetër.

Por në përgjimet e bëra publike më herët në media, numri që përfundon me 300, e që dyshohet të jetë i Dakos, rezulton se ka shkëmbyer disa mesazhe me Jasin Avdylin, i cili i kërkon informacion në lidhje me një operacion të Forcave të ndërhyrjes së Shpejtë.

4 grupe kriminale u goditën me 22 tetor 2018, ku u  finalizua Mega Operacion i koduar “VOL-VO 4”, të shtirë në 12 qytete./abcnews.al

 

arta-marku.jpg
ad min13:41 | 20/06/2019

Ndryshe nga deklaratat e shumë politikanëve se përgjimet janë indicie, prokurorja e përgjithshme e përkohshme Arta Marku sqaron se nuk janë të tilla, por mjet në kërkim të provës. Në raportimin e punës së organit të akuzës në seancën plenare, kryeprokurorja e përkohshme u shpreh se ka ardhur koha që këto çështje të zgjidhen.

Tani është momenti që të pastrohen nga pluhurat dosjet 339 dhe 184. Në këtë përfundim ka arritur kryeprokurorja e përkohshme Arta Marku pasi i bën edhe kronologjinë e rrjedhjes së ngjarjeve.

Janë dy çështje që janë regjistruar të dyja në vitin 2016. Nga viti 2016 deri në fund të shtatorit 2018 të vetmet veprime të kryera kanë qenë përgjimet. Ka pasur vetëm transkripto bisedash dhe numrash sporadikë.

Në fund të shtatorit 2018 për të dyja çështjet janë caktuar prokurorë të tjerë. U është kushtuar e gjithë rëndësia e duhur dhe për 339 është caktuar një grup prej 3 prokurorësh dhe 11 oficerësh policisë gjyqësore. 339 në momentin që është marrë nga prokurorët e tjerë ka pasur 7074 CD dhe DVD të patranskriptuara. Aktualisht pas 9 muajsh janë transkriptuar pothuajse të gjitha CD-të. Janë regjistruar 74 emra personash si persona nën hetim, janë dërguar për gjykim shumë prej tyre dhe 12 janë dërguar sëfundmi. Jam dakord me të gjithë ata që mendojnë se këto çështje duhen zgjidhur, ka ardhur momenti që të zgjidhen”.

Zgjidhjen e kërkon edhe për prokurorët që i kanë nxjerrë nga sirtarët e organit të akuzës.

Për nxjerrjen e sekretit po hetohet aktualisht nga Prokuroria e Krimeve të rënda.

Në të njëjtën çështje me 339-n. Nisja e çështjes nuk është bërë pse dolën sekretet dhe përbënte problem nxjerrja e atyre të dhënave. Nisja e çështjes është bërë pasi nxjerrja e sekretit nga oficerët e policisë gjyqësore përbën vepër penale dhe kjo nuk mund të anashkalohet.

E ftuar në këtë seancë parlamentare për të  prezantuar raportin e prokurorisë për vitin 2018, Prokurores së Përgjithshme të Përkohshme i duhet të përballej edhe me komentet e opozitës së re.

“Përgjimet nuk janë as indicie, por janë një mjet për kërkimin e provës”, tha Marku./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono