30 viktima

03bahamas-social-2-facebookJumbo.jpg
ent ela11:10 | 06/09/2019

Bilanci i viktimave në Bahamas si pasojë e uraganit Dorian mund të jetë i paimagjinueshëm. Lajmi u bë i ditur nga Ministri i Shëndetësië i cili tha se aktualisht me mijëra persona rezultojnë  të zhdukur. Në Karolinën e Jugut janë mbi 230 mijë banesa dhe biznese që kanë mbetur pa energji elektrike si pasojë e uraganit Dorian.

Rreth 220 mijë shtëpi dhe biznese në Karolinën e Jugut kanë mbetur pa energji elektrike si pasojë e uraganit Dorian. Lajmi u konfirmua nga shoqëritë energjitike vendore. Mes qyteteve të prekura nga ndërprerja e energjisë elektrike janë Çarlston, Berklei dhe Dorcester. Numri i klientëve që kanë mbetur në errësirë shkon në 267 mijë përfshirë dhe disa zona të Karolinës së veriut. Ndërkohë bilanci i fundit i uraganit Dorian në Bahamas shënon të paktën 30 viktima sipas autoriteteve vendore.

Por numri i viktimave mund të jetë dhe më i lartë, aq sa qeveria e Bahamas foli për një bilanc të mundshëm katastrofik. Ndër të tjera sipas autoriteteve me mijëra persona rezultojnë ende të zhdukur. Ministri i Shëndetësisë paralajmëroi se opinioni publik duhet të përgatitet për informacione të paimagjinueshme për sa i përket bilancit të viktimave dhe vuajtjeve njerëzore. Sipas mediave në vend, gjendja aktuale e ishujve Abako është e tmerrshme.

Përveç trupave të pajetë që janë vendosur në mënyrë të përkohshme në një vend të hapur, mungon furnizmi me ujë dhe ushqim. Ndërkohë janë krijuar grupe të veçanta policore për të mbrojtur banesat e braktisura nga grabitjet e mundshme. Panamaja ka dërguar në vend tetë ton ushqime, gjeneratorë dhe mjete të tjera të domosdoshme. /ABC News Albania 24/7

burgu-veneziele-1280x853.jpg
nev ila11:50 | 25/05/2019

30 të dënuar kanë mbetur të vrarë, si pasojë e trazirave në një burg në Venezuelë. Autoritetet dhe organizatat joqeveritare japin versione të ndryshme për arsyet e këtyre trazirave.

Janë të paktën 30 personat që kanë mbetur të vrarë si pasojë e një revolte të shpërthyer në burgun e Akarigua, në zonën perëndimore të Karakas, Venezuelë. Revolta, që shkaktoi përplasje të dhunshme mes policisë dhe të dënuarve shpërtheu nga vdekja e një të dënuari një ditë më parë, e më pas u transformua në jë përpjekje për arratisje në masë. Gjatë trazirave mbetën të plagosur 7 të dënuar të tjerë dhe 18 agjentë policie

Sipas autoriteteve vendore, të burgosurit kanë qëlluar shumë plumba dhe kanë shpërthyer tre granata kundër policisë. Por organizatat jo qeveritare në vend kanë kundërshtuar këtë version duke thënë se revolta shpërtheu pasi forcat e rendit u futën në burg duke larguar bashkëshortet dhe të fejuarat e të burgosurve që ndodheshin aty për vizitë.

Po sipas këtyre organizatave, të burgosurit prej javësh i kanë kërkuar autoriteteve që të mos i transferojnë në qendra shumë larg vendeve të tyre të origjinës.

Por është dhe një version i tretë i një organizate tjetër jo qeveritare sipas të cilës të enjten një I burgosur mori peng disa vizitorë dhe u qëllua për vdekje nga policia që ndërhyri për ti shpëtuar./ABC News 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono