30 qershor

voltana-ademi-1280x711.jpg
nev ila15:57 | 02/07/2019

Dy ditë pas zgjedhjeve, Voltana Ademi paraqitet në selinë e Partisë Demokratike. I pyetur nga gazetarët për postin si kryetare e Bashkisë së Shkodrës, Ademi tha se është herët për të folur, duke komentuar edhe raportin që dha OSBE një ditë më parë. Në përfundim, Ademi përmendin për zgjedhjet, duke e cilësuar pjesëmarrjen e ulët të votuesve si një arritje./ABC News Albania 24/7

 

oerd-bylukbashi-1280x853.jpg
nev ila18:21 | 01/07/2019

Ish-deputeti Oerd Bylykbashi ka dalë sot para mediave pas publikimit të raportit paraprak për 30 qershorin nga OSBE/ODIHR.

Bylykbashi tha se ODIHR u tha shqiptarëve se më 30 qershor nuk pati zgjedhje dhe se mungesa e zgjedhjes e ka bërë nul 30 qershorin. Sipas Bylykbashit kjo është deklarata më e ashpër në 28 vjet e OSBE/ODIHR.

“Mosrespektimi i standardeve për zgjedhje demokratike ka detyruar opozitën që të marrë një vendim shumë të fortë, për të mos u futur në zgjedhjet e dekretuara të 30 qershorit dhe më pas të anulluara nga presidenti i republikës.
“Zgjedhjet, më shumë se për këdo tjetër, kanë interes dhe rëndësi për zgjedhësit”. Këtë deklaroi sot ODIHR dhe pikërisht këtë ka deklaruar dhe ka mbështetur fuqimisht edhe Partia Demokratike, gjatë gjithë kësaj periudhe, kur jemi përpjekur për zgjedhje të lira dhe të ndershme. ODIHR u tha shqiptarëve se me 30 qershor nuk pati zgjedhje, ku zgjedhësit shqiptarë të kishin mundësi për të bërë zgjedhje të lira, të ndershme dhe me plot mundësi për ata që t’i përfaqësojnë. Mungesa e zgjedhjes i ka bërë këto zgjedhje nul.
ODIHR u tha shqiptarëve se ata nuk patën mundësi për të zgjedhur dhe se kandidatët e qeverisë nuk kishin rivalë. Pavarësisht kësaj, qeveria vendosi të ecte përpara, duke organizuar një farsë me 30 qershor, pa marrë në konsideratë interesin bazë dhe themelor të zgjedhësve, që është e drejta e tyre për të zgjedhur.
ODIHR deklaroi pa asnjë ekuivok se e vetmja gjykatë për të shqyrtuar dekretet e presidentit të republikës për datën e zgjedhjeve është Gjykata Kushtetuese.
Kapja e plotë e Komisionit Qendror të Zgjedhjeve dhe të gjitha komisioneve zgjedhore nga Partia Socialiste si dhe refuzimi i të drejtës së partive opozitare për të patur anëtarët e tyre në komisione, sipas ODIHR-it dhunoi Kodin Zgjedhor dhe qëllimin e tij për të siguruar balancimin politik të komisioneve zgjedhore, me qëllim garantimin e të drejtave bazë të zgjedhësve.
Kjo është deklarata paraprake më e fortë dhe më e ashpër që ka bërë ndonjëherë në 20 vitet e fundit OSBE/ODIHR-i, duke kritikuar rëndë rolin e qeverisë në shkatërrimin e zgjedhjeve, pasi u pamundësoi zgjedhësve shqiptarë të vendosnin ata vetë për ata që do t’i përfaqësojnë.
Kjo deklaratë e sotme bëri nul të gjitha përpjekjet e Edi Ramës për organizimin e farsës zgjedhore të 30 qershorit. Opozita do të vazhdojë të provojë çdo shkelje që është konstatuar në procesin e votimit të datës 30 qershor dhe do të bëjë të mundur që shqiptarët të kenë mundësi për të zgjedhur në zgjedhje të lira, të ndershme dhe demokratike”, deklaroi Oerd Bylykbashi./abcnews.al

prokuroria-2.jpg
nev ila00:18 | 01/07/2019

Dy persona të arrestuar dhe një procedim pa autor dhe një tjetër procedim në gjendje të lirë, është bilanci i publikuar nga Prokuroria, lidhur me shkeljet e evidentuara gjatë procesit zgjedhor të së dielës. Arrestimi i parë është bërë në Sukth të Durrësit, pasi një 53-vjeçar është futur me kallashnikov në dorë në një qendër votimi dhe ka kërcënuar komisionerët. Ramiz Bakanaçi ka thyer kutinë e votimit e ka marrë materialet zgjedhore duke i hedhur jashtë qendrës së votimit.

I arrestuari i dytë mësohet se është 66-vjecari Astrit Çuçka, i cili ka grisur fletën e votimit në mënyrë demonstrative. Më pas, sipas policisë, ai ka tentuar të marrë vulat e qendrës së votimit e të thyejë kutinë e votimit.

Gjithashtu, sipas informacionit të shpërndarë nga Prokuroria e Përgjithshme, organi i akuzës në Mat ka regjistruar 1 procedim pa autor, për veprën penale të “Shkatërrimit të pronës me eksploziv”, pasi rreth orës 00:30, në njërën nga klasat e shkollës ku ishte caktuar një qendër votimi, është hedhur një sasi e dyshuar si lëndë eksplozive.

Ndërkaq, Prokuroritë e tjera kanë njoftuar se nuk kanë regjistruar procedime penale lidhur me veprat penale që prekin zgjedhjet e lira dhe çdo shkelje që lidhen me zgjedhjet e 30 qershorit.

Gjate paradites, në Shkodër policia ka proceduar penalisht në gjendje të lirë kryetaren e Bashkisë Voltana Ademi për veprën penale “Pengim i zgjedhësit”. Në njoftimin e policisë thuhet se procedimi ka ardhur pasi Ademi, duke ushtruar funksionin si kryetare e Bashkisë Shkodër ka urdhëruar me shkrim punonjësit e kësaj Bashkie që të mbyllin disa qendra votimi në shkolla që administrohen e janë në pronësi të Bashkisë Shkodër.

Nuk ka vonuar reagimi i kryebashkiakes së Shkodrës, e cila përmes një konference për shtyp ka deklaruar se procedimi penal ndaj saj është veprim politik i Edi Ramës./ABC News Albania 24/7

kqz-esjona-1280x710.jpg
nev ila18:45 | 30/06/2019

Në KQZ po kalohet një ditë e qetë dhe janë mbajtur vetëm 2 mbledhje për shkak se nuk ka patur problematikë të shënuar gjatë procesit zgjedhor, raporton gazetarja e ABC News Esjona Konomi. Gjithsesi ka ende vendime për tu marrë nga Komisioni qendror zgjedhor. Ka një panoramë për tu shqyrtuar sic është pjesëmarrja në këto votime. Znj. Rezarta Bitri anëtare e Komisionit Qëndror të Zgjedhjeve na dha një vlerësim nën këndvështrimin e saj se si po paraqitet kjo ditë zgjedhore.

Esjona Konomi: Kemi 7 qendra votimi në qarkun Shkodër që nuk kanë votuar. Si anëtare e komisionit si është perceptuar kjo problematikë në mbarëvajtjen e këtij procesi zgjedhor?

Rezarta Bitri: NË FAKT dita e sotme është ditë e qetë. në pikëpamjen e administrimit zgjedhor pasi KQZ është i fokusuar ekskluzivisht në këtë detyrë. Në këtë pikëpamje infrstrukturore  në gjithë periudhën që ne kemi mbikëqyrur sot, situata paraqitet normale dhe të gjitë kanë patur mundësinë për të votuar Ekzistojnë situata të izoluara si këto 7 zona, do të kërkojnë një vendimmarrje  dhe një vlerësim nga ana e KQZ por do të kemi në vijim një vendim si do të operojmë.

Esjona Konomi: Ndërkohë pjesëmarrja është ai element që në fund të këtij votimi do ta përdorin të dy partitë kryesore për të shpallur fitoren e vetë. ju keni deklaruar një rezultat, në orën 15:00, rreth 15.5 % pjesëmarrja në votime, gjë që është përgënjeshtruar nga PD por dhe është vënë në dyshim nga kryetari i KQZ. Sa është realisht pjesëmarrja sipas të dhënave të administratës tuaj?

Rezarta Bitri: Ekzaktësisht sikundër referuat, në atë proces ku ne kemi lidhjet frekuente me zinxhirin tonë në nivel lokal, nga raportimet që ne marrim dhe nga ajo që administrohet në mënyrë statistikore, është rreth 15 .5 %. Kjo shifër është një statistikë. KQZ nuk ka këtë si kriter vlerësues të punës sonë. Puna jonë është që të  ngremë gjithë infrastrukturën, e cila ka vijuar që prej Dhjetorit të vitit të kaluar. Axhenda jonë institucionale ka qenë e fokusuar në krijimin e infrastrukurës zgjedhore. Pra për ne sot rezultati është i kënaqshëm deri tani, kemi patur një situatë të qetë dhe një mundësi për cdo qytetar që të kryejë votimet. Pa u mbyllur procesi nuk mund të diskutojmë mbi %. Ky është një bilanc që i takon aktorëve të tjerë

Esjona Konomi: Në 2017, për një pjesëmarrje të ulët që gjithsesi ishte më e lartë se sa sot, kërkuan dhe u shty me 1 orë votimi. Ishte kërkesë e Partisë Socialiste, ju jeni propozuar nga PS në KQZ dhe në rast se ju mbërrin një kërkesë për ta shtyrë me 1 orë votimin a do ta shtyni?

Rezarta Bitri: Precedentët janë të ndryshëm, ligji është i njëjti por në një kontekst të ri faktik duhet ta vlerësojmë situatën në tavolinë në këto situata që na ofrohen i cili do jetë objekt vendimmarrje. Përqindja nuk është një kufi dhe i përcaktuar në ligj që ne të na imponojë një vendimmarrje për të vlerësuar nëse zgjedhjet arritën qëllimin apo jo, pra nëse do ketë kërkesë të tillë do të vlerësohet në tavolinë./abcnews.al

kzaz-2-1280x720.jpg
nev ila19:59 | 28/06/2019

Partia Socialiste e qytetit të Shkodrës ka reaguar në lidhje me shpërthimin e derës së KZAZ nr. 2 në këtë qytet. PS deklaron se dënon këto akte dhune dhe i bën thirrje autoriteteve të hetojnë deri në fund ngjarjen e personat të vihen përpara drejtësisë.

Deklarata e Partisë Socialiste Shkodër:

“Partia Socialiste Bashkia Shkodër, dënon me forcë aktin e dhunimit të përsëritur të ambjenteve të KZAZ nr. 2 dhe materialeve zgjedhore për zgjedhjet e 30 qeshorit 2019.
Incidenti i sotëm është në vazhdën e një sërë incidentesh të provokuara nga Bashkia Shkodër kundër procesit zgjedhor me synim pengimin e qytetarëve për të ushtruar të drejtën kushtetuese të votimit.
Përveçse anëtarët e KZAZ nr.2 u dhunuan dhe penguan në ushtrimin e detyrës tyre, Bashkia Shkodër kundërshtoi veten me dy urdhra, ku në të parin urdhëroi tërheqjen e materialeve zgjedhore dhe me të dytin pengoi anëtarët e KZAZ-së në tërheqjen e materialeve.
Partia Socialiste distancohet, dënon aktet e dhunës si dhe i bën thirrje autoriteteve përkatëse të hetojnë deri në fund ngjarjen dhe të vejnë para drejtesisë personat përgjegjës”, shkruhet ne deklaraten e PS Shkoder./abcnews.al

ambasada-amerikane-ne-shqiperi-2.jpg
nev ila16:51 | 28/06/2019

Ambasada britanike me anë të  një deklarate në rrjetet sociale shkruan se Mbretëria e Bashkuar beson se qytetarët e Shqipërisë kanë të drejtë të votojnë paqësisht.

“Çdokush në datën 30 qershor duhet të luajë rolin e tij për të siguruar një proces të rregullt dhe të paqtë”, thuhet në deklaratën e saj.

“Çdo formë dhune është e dënueshme dhe e papranueshme. Ne mbështesim misionin e ODIHR për monitorimin e zgjedhjeve. Ne i bëjmë thirrje politikanëve të të gjithë palëve që të ndalojnë retorikën dhe provokimet e të ulen në dialog mes tyre. Vetëm përmes bisedimeve Shqipëria mund të zgjidhë krizën aktuale politike dhe duke u përqendruar në konsolidimin e gjykatës kushtetuese dhe reformës elektorale duke përfshirë në të rekomandimet e mëparshme të ODIHR-it. Mbretëria e bashkuar është e bindur se përpara ligjit janë të gjithë njësoj”, shkruhet në reagimin e Ambasadës Britanike.

Edhe AmbasadaAmerikane ka reaguar në lidhje me zhvillimin  zgjedhjeve në 30 qershor. Ambasada amerikane bën thirrje për paqe dhe proces të rregullt në 30 qershor gjithashtu ajo thekson se Ambasada amerikane do të mështetet te raporti i OSBE/ODIHR për të vlerësuar rregullsinë e votimit.

Ambasada e Shteteve të Bashkuara të Amerikës i bën thirrje të gjithë udhëheqësve politikë, zyrtarëve të qeverisë, agjencive të sigurisë dhe qytetarëve shqiptarë që të sigurohen që zgjedhjet e 30 qershorit të zhvillohen në mënyrë të qetë dhe transparente. Ne nxisim udhëheqësit politikë të refuzojnë çdo dhe të gjitha llojet e dhunës, apo çdo përpjekje për të penguar procesin zgjedhor apo edhe të drejtën e çdo qytetari për të votuar. Dhuna nuk është një mënyrë legjitime e të shprehurit politik. Ata që përfshihen në akte dhune duhen hetuar me të gjithë fuqinë e ligjit. 
Shtetet e Bashkuara do të kenë ekipe vëzhguesish në qendrat e votimit dhe qendrat e numërimit në mbarë Shqipërinë. Ne do të mbështetemi në raportin e OSBE/ODIHR-it për të vlerësuar rregullsinë e votimit.
Ne nxisim udhëheqësit politikë që, pas zgjedhjeve të së dielës, të rikthejnë vëmendjen e tyre në forcimin e institucioneve demokratike shqiptare dhe zbatimin e ligjit, përfshirë edhe ecjen përpara me ngritjen e një Gjykate Kushtetuese të drejtuar nga gjykatës të cilët e kanë kaluar vetingun. Miratimi i reformave zgjedhore dhe zbatimi i reformës në drejtësi janë thelbësore për aspiratat europiane të Shqipërisë dhe për ngritjen e demokracisë së fortë që i shërben të gjithë shqiptarëve”, shkruan në deklaratën e saj Ambasada Amerikane.
/abcnews.al

juli-xokaxhi-dhe-gjylameti-1.jpg
ad min16:49 | 28/06/2019

Deputetja e Partisë Socialiste, Blerina Gjylameti, deklaroi këtë të premte se menaxhimi i procesit zgjedhor të së dielës do të kryhet nga përfaqësues të partive politike ndhe përfaqësuesve të shoqërisë civile.

E pyetur nga gazetarja Juli Xhokaxhi se kush i ka përzgjedhur përfaqësuesit e KQZ-së, Gjylameti deklaroi se ata janë persona që aplikojnë vetë pas thirrjeve të KQZ-së.

Juli Xhokaxhi: Kush do t’i numërojë votat, kush do ta menaxhojë procesin, të zgjedhjeve të së dielës?

Blerina Gjylameti: I menaxhojnë sipas formulës që është bërë përfaqësuesit e forcave politike dhe po ashtu nga shoqëria civile.

Juli Xhokaxhi: Kush i ka zgjedhur përfaqësuesit e shoqërisë civile?

Blerina Gjylameti: Përfaqësuesit e shoqërisë civile janë persona që aplikojnë vetvetiu. Nga ana e KQZ kemi pasur thirrje për persona që aplikojnë nga shoqëria civile për t’u bërë pjesë si anëtarë të Komisioneve të Administrimeve Zonale, KQV apo dhe VNV që janë vendet e numërimit. Po ashtu kemi 44 organizata ndërkombëtare dhe kombëtare që do të vazhdojnë të gjithë procesin përtej atyre që janë të OSBE/ODHIR që janë vëzhgues afatgjatë dhe afatshkurtër. Ndërkohë ne e dimë fare mirë që vëzhgimi tashmë prej disa vitesh është proces transparent, pra është i regjistruar gjatë gjithë kohë, tavolinat e numërimit janë të regjistruara gjatë gjithë kohës dhe kushdo ka të drejtë ta ankimojë procesin dhe të vëzhgojë./abcnews.al

rama-elbasan-1280x715.jpg
nev ila21:45 | 26/06/2019

Kryeministri Rama mbylli fushatën elektorale në Elbasan akuzoi opozitën se ka ndërmarrë një mision antikombëtar bashkë me presidentin Meta. Shefi i qeverisë pati një paralajmërim edhe për ata që do tentojnë të prishin zgjedhjet të dielën.

Me këtë ndjesi në mbyllje të fushatës për zgjedhjet vendore në Elbasan kryeministri Edi Rama falënderoi kryetarin e bashkisë në largim Qazim Sejdini e premtoi vazhdim projektesh me një tjetër kandidat socialist Gledian Llatja.

Takim më madhëshor se ky sot këtu nuk kam parë në të gjitha këto vite. Ish-kryetari Qazim Sejdini nuk i ka ndarë qytetarët, por i ka trajtuar njësoj. Për ne janë punët që flasin më shumë se të gjitha fjalët”. 

Nën simbolikën dominuese të flamujve kombëtarë që kanë zëvendësuar ata elektoralë, mesazhet kryesore ishin për rolin e opozitës që ka bojkotuar zgjedhjet e krah saj rendit edhe presidentin në atë që e quan mision antikombëtar.

“Basha hoqi nga puna kryetarët e bashkive të opozitës ndërsa fallxhorja po heq Presidentin. Sot opozita po vret veten, sot është opozita që kërkon të mbajë Shqipërinë larg BE”. 

Krahasimin me opozitën e bën edhe përmes nënvizimin se si kryeministër nuk ka firmosur e as do firmosë ndonjëherë në dëm të qytetarëve.

“Kemi bërë punë të mira por kemi bërë punë që më mirë mos ti kishim bërë. As dje dhe as sot nuk është hedhur asnjë firmë që ju bën dëm juve”.

Tani sfidën e ka me ecurinë e ditës së zgjedhjeve. Një mesazh për çunat e Elbasanit që vlen për të gjithë.

“Çunat e shkathet të Elbasanit, që keni qejf të lëvizni, në Itali, Holandë, Francë. Kush e ka për zemër të shkojë të votojë, kush e ka përzemërt ti fusë një vizë PS dhe Gledit, ti fus një vizë. Por kujt i rreh zemra të bëj ndonjë dem, ikni çuna, ikni se nuk keni për të dalë më kurrë nga Shqipëria. Çuna mos ja zëni vendin në burg, ati figurës, ai le ta provojë.  Mos ja zëni venin, ai le ta provojë. Por nuk është vendi për të bërë burgun e atij. Nuk shkohet në burg për kafe turke”.

Edhe në Elbasan militantë PD dolën në protestë kundër kryeministrit e u ndaluan nga forcat e policisë./ABC News Albania 24/7

arben-skenderi-1280x712.jpg
nev ila18:25 | 26/06/2019

Arben Skënderi i ftuar në studion e Abc News me Mirela Milorin tha se 30 qershori do të jetë në gjendje të mjerueshme. I pyetur nga gazetarja Mirela Milori se përse qytetarët duhet të votojnë Bindjen Demokratike, Skënderi tha se ka ardhur momenti që Tirana të drejtohet nga një njeri normal.

Mirela Milori: Si e shihni 30 qershorin? Do ketë ngarkesa?

Arben Skënderi: Alternativa është ajo që i frymëzon njerëzit. Pse duhet të çohen njerëzit te lufta? 30 qershori do të jetë në gjendjen më të mjerueshme.

Mirela Milori: Ju do të hyni në zgjedhje, pse qytetarët do të votojnë ju?

Arben Skënderi: Unë jam një djalë që i ngjaj shumë të tjerëve në këtë qytet. Ka ardhur momenti që Tirana të drejtohet nga një njeri normal. Sot Kryetari i Bashkisë së Tiranës është i kapur. Gjithë fushatën që po bën thjesht po reciton të njëjtat vjersha si 4 vjet më parë.

Mirela Milori: Cilat janë pritshmëritë tuaja?

Arben Skënderi: Erion Veliaj do të përballet me një votë ndëshkuese kësaj radhe. Ka ardhur koha që njerëzit ta shohin realisht. Keni për tu çuditur për proporcionin që ka për të marrë Bindja Demokratike. Jemi grupim njerëzish që po zmadhohet çdo ditë. Ne do jemi këtu dhe më të fortë se dje, por askush nga ne nuk ka për ta shitur dinjitetin e vet.

Mirela Milori: Nuk keni frikë se mund të shkojë si Gjergj Bojaxhi apo Ben Blushi?

Arben Skënderi: Emrat që ju përmendët kanë qenë njerëz që kanë qenë shtojca. Ndërsa ne kemi dalë në opozitë me familjen tonë. Largimi ynë ka qenë për tu distancuar. Ne sot jemi të organizuar me koordinatorë dhe nuk i japim llogari askujt. Unë nuk e shes dinjitetin tim për asgjë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono