3 te arrestuar

policia-berat.jpg
ger ta09:28 | 05/12/2019

Tre inspektorë të Mbrojtjes së Territorit (IMT) në Bashkinë Berat kanë përfunduar në pranga.

Nga hetimet e kryera ka rezultuar se 3 inspektorët, në kundërshtim me ligjin, kanë favorizuar dhe lejuar shtetas të ndryshëm për të kryer ndërtime pa leje në territorin e Bashkisë Berat.

Njoftimi i plotë:

Operacioni pas një hetimi 6-mujor, zhvilluar nga Seksioni për Hetimin e Krimit Ekonomik e Financiar në DVP Berat, nën drejtimin e Prokurorisë së Rrethit Gjyqësor Berat.

Vihen në pranga 3 shtetas për veprën penale “Shpërdorim i detyrës”.

Në vijim të zbatimit të planit të masave për goditjen e veprimtarisë së paligjshme në fushën e krimit ekonomik dhe në kuadër të procedimit penal të regjistruar pranë Prokurorisë së Rrethit Gjyqësor Berat, për veprën penale “Shpërdorim i detyrës”, është finalizuar me sukses operacioni “Stop”.

Si rezultat, u bë ekzekutimi i Vendimit Penal të Gjykatës së Rrethit Gjyqësor Berat, e cila më datë 04.12.2019 ka vendosur masën e sigurisë “Arrest në burg” për shtetasit:

– L.S., 50 vjeç, banues në Dyshnik, Berat;

– E.V., 29 vjeç, banues në Berat;

– D.H., 45 vjeç, banues në Berat, të tre me detyrë inspektor pranë Inspektoratit të Mbrojtjes së Territorit (IMT) në Bashkinë Berat.

Nga hetimet e kryera ka rezultuar se 3 Inspektorët, në kundërshtim me ligjin, kanë favorizuar dhe lejuar shtetas të ndryshëm për të kryer ndërtime pa leje në territorin e Bashkisë Berat./abcnews.al

 

 

Policia-LEzhe-1.jpg
ger ta09:02 | 22/11/2019

Tre persona kënë rënë në prangat e policisë në Lezhë, pasi janë kapur me kokainë. Policia bën të ditur se është finalizuar operacioni “Ishulli”, ndërsa është sekuestruar 160 gram lëndë narkotike e dyshuar kokainë.

Në pranga është vënë poseduesi i lëndës narkotike,  D. A., 39 vjeç, i cili është kapur në një lulishte dhe më pas siç njofton policia janë arrestuar edhe dy bashkëpunëtorët e tij, -E. H., 21 vjeç, banues në Kamëz, Tiranë dhe K. Q., 26 vjeç, banues në Kamëz,Tiranë.

Njoftimi i plotë:  

Finalizohet operacioni policor i koduar “Ishulli”, për goditjen e veprimtarisë kriminale në fushën e shpërndarjes së drogave të forta.

Operacioni nga Sektori për Hetimin e  Narkotikëve në DVP Lezhë.

Sekuestrohet lëndë narkotike e dyshuar kokainë dhe një automjet.

Vihen në pranga 3 shtetas si bashkëpunëtorë.

Në vijim të punës intensive për parandalimin dhe goditjen e paligjshmërive në fushën e narkotikëve, Seksioni për Hetimin e Narkotikëve, në bazë të informacioneve të siguruara në rrugë operative se një shtetas që levizte nga Tirana në drejtim të Lezhës posedonte lëndë narkotike, me qëllim shpërndarjen në Ishull Lezhë dhe në qytetin e Lezhës, kanë organizuar dhe finalizuar operacionin policor “Ishulli”, si rezultat i të cilit u bë kapja dhe arrestimi në flagrancë i shtetasve:

-D. A., 39 vjeç, banues në Maminas, Durrës;

-E. H., 21 vjeç, banues në Kamëz, Tiranë;

-K. Q., 26 vjeç, banues në Kamëz,Tiranë;

Specialistët për Hetimin e Narkotikëve kanë bërë të mundur lokalizimin e personit të dyshuar dhe kanë ndërhyrë menjëherë duke bërë arrestimin në flagrancë të shtetasit D. A., në lulishten e një picerie në Ishull Lezhë. Gjatë kontrollit, Policia i gjeti dhe sekuestroi në cilësinë e provës materiale 160 gr. lëndë narkotike e dyshuar kokainë, të cilën do ta shpërndante në doza të vogla.

Si rezultat i veprimeve të shpejta u bë i mundur identifikimi dhe arrestimi edhe i dy bashkëpunëtorëve të tij, të cilët e prisnin në lulishten e picerisë, me një automjet që drejtohej nga shtetasi K. Q. dhe pasagjer E. H., të cilët së bashku do ta shpërndanin lëndën narkotike në doza./abcnews.al

policia-4.jpg
nev ila11:06 | 20/10/2019

Policia e Tiranës ka arrestuar 3 persona. Një prej tyre, F.K 33 vjeç, ka plagosur me sende të forta A.D, 28 vjeç, i cili ndodhet në spitalin ë traumës nën kujdesin e mjekëve. Ndërsa dy të tjerë janë arrestuar, pasi në momentin kur punonjësit e “Forcave të posaçme Shigjeta” po kryenin shoqërimin e F.K 33 vjeç, kanë ndërhyrë duke goditur punonjësit e policisë. Policia ka menjëherë ka bërë të mundur arrestimin e 3 personave.

Njoftimi i policisë:

“Plagos një shtetas për motive të dobëta me mjete të forta, vihet në pranga nga shërbimet e Komisariatit të Policisë Nr.6.

Në pranga dhe dy shtetas të tjerë, të cilët kanë ndërhyrë duke kundërshtuar dhe goditur punonjësit e policisë që mos të arrestonin dhe shoqëronin në Komisariat autorin e plagosjes.

Nga specialistët për parandalimin dhe hetimin e krimit në Komisariatin e Policisë Nr.6 u bë arrestimi në flagrancë për veprën penale “Plagosje e rëndë me dashje”, i shtetasit:

– F. K., 33 vjeç, banues në Tiranë.

Në vendin e quajtur “Fushë-Mëzez” ky shtetas për motive të dobëta ka goditur me grushte dhe mjete të forta shtetasin A. D., 28 vjeç, i cili ndodhet në spitalin e traumës nën kujdesin e mjekëve.

Gjithashtu u arrestuan në flagrancë për veprat penale “Kundërshtimi i punonjësit të policisë” dhe “Goditja për shkak të detyrës”, shtetasit:

– F. D., 39 vjeç;

– H. H., 35 vjeç (të dy banues në Tiranë).

Këta dy shtetas në momentin e arrestimit të shtetasit F. K., kanë ndërhyrë duke kundërshtuar dhe goditur për shkak të detyrës, punonjësit e “Forcës së Posaçme Shigjeta” të cilët do bënin shoqërimin e shtetasit F. K., për në Komisariat.

Materialet procedurale iu referuan për veprime të mëtejshme Prokurorisë pranë Gjykatës së Shkallës së Parë Tiranë“./abcnews.al

glidona-te-arrestuarit-1280x616.jpg
nev ila10:12 | 12/10/2019

Gazetarja Glidona Daci në një raportim direkt në ABC News ka njoftuar se në Gjykatën Penale të Tiranës nuk do të zhvillohet procesi për dhënien e masës së sigurisë për 3 personat e arrestuar mbrëmjen e djeshme.

Policia ka konfirmuar arrestimin e 3 personave, mbrëmjen e djeshme në zonën e unazës së re. Në njoftimin zyrtar, blutë e kryeqytetit sqarojnë se arrestimet e protestuesve janë bërë nën akuzën e organizimit dhe pjesëmarrjes në tubime të paligjshme si edhe të prishjes së qetësisë publike. Të arrestuarit janë një 27- vjeçar, një 54-vjeçar si edhe një 56-vjeçar.

“Këta shtetas në rrugën “Teodor Keko” në zonën e Unazës së Re, kanë organizuar e zhvilluar një tubim të paligjshëm dhe kanë penguar qarkullimin e mjeteve të transportit rrugor në të dyja drejtimet e rrugës “Tedor Keko”, njofton policia.

Policia shprehet se po punon për identifikimin dhe kapjen e personave të tjerë, pjesëmarrës në bllokimin e rrugës në zonën e Unazës së Re. Arrestimet e mbrëmshme u bënë pasi banorët e Unazës së re, bllokuan rrugë dhe hodhën parulla antiqeveritare.

Si deri me tani, ne mbështetje te banoreve kane qene eksponentë të opozitës. Në një reagim përmes një deklarate Partia Demokratike thotë se Policia e Shtetit po ushtron terror ndaj banorëve të Unazës së Re, medias dhe përfaqësuesve politike të opozitës, me urdhër politik të Edi Ramës./abcnews.al

 

Vrasesit-e-jurgen-kurtit-1280x707.jpg
ent ela11:27 | 26/03/2019

Tre të rinjtë e arrestuar nga policia e Tiranës, të akuzuar për vrasjen e 26-vjeçarit Jurgen Kurtit, mbrëmjen e 18 marsit, dyshohet se janë vrasës me pagesë.

Nga hetimet e kryera, dyshohet se ata e kanë kryer krimin për llogari të një personi tjetër, përkundër pagesës.

Policia e Tiranës ka zbardhur ekzekutimin e tipit mafioz të Jurgen Kurtit, duke prangosur 3 persona dhe shpallur në kërkim një tjetër.

Ngjarja e rëndë ndodhi mbrëmjen e 18 marsit, ndërsa u arrestuan, Elsi Levendi, 21 vjeç, lindur në Athinë-Greqi dhe banues në Tiranë, Alesio Berberi, 33 vjeç, banues në Patos, dhe Olsi Qalliu, 22 vjeç, banues në Fier. Ndërsa një shtetas tjetër është shpallur në kërkim.

Uniformat blu sekuestruan, një armë zjarri tip pistoletë, TT, një sasi prej 2470 euro, lëndë narkotike si edhe dy automjete luksoze.

Ndalimi i tre të rinjve, u bë mesditën e së hënës, ndërsa ata nuk kanë pranuar akuzuat e ngritura nga prokuroria, siç është, “vrasje me paramendim” apo “armëmbajtje pa leje”.

Gjatë marrjes në pyetje Levendi, Berberi dhe Qalliu u shprehën se, nuk e njihnin dhe as nuk kishin pasur ndonjëherë konflikt me viktimën Kurti, teksa shtuan se, ata  nuk ishin në Tiranë ditën kur ndodhi vrasja.

Autorët e dyshuar të krimit, sipas uniformave blu janë vrasës me pagesë.

Nga kqyrja e pamjeve të kamerave të sigurisë, grupi hetimor pohon se, tre të ndaluarit e kanë ndjekur Kurtin për disa kohë, duke studiuar shumë mirë lëvizjet e tij.

Ndërkohë nuk përjashtohet mundësia që të arrestuarit të kenë pasur informacione për lëvizjet e viktimës, pasi 26-vjeçari u ekzekutua në momentin që kishte mbaruar palestrën, fare pranë shtëpisë së tij në rrugën “Zef Jubani”.

ABC News, ka zbardhur edhe ekspertizën e mjekësisë ligjore, ku Jurgen Kurti u qëllua me 17 plumba dhe arma e krimit ishte një automatik tip “Scorpions”,  9 mm model 56.

Edhe pse të rinj në moshë, Levendi, Berberi dhe Qalliu ekspozonin në rrjete sociale mjete luksoze dhe udhëtime të shtrenjta./abcnews.al

SHPERNDARESIOT-E-HEROINES-BERAT-1-1280x720.jpg
ent ela11:21 | 14/09/2018

Tre persona të cilët dyshohet se shpërndanin heroinë në zona të ndryshme të qytetit të Beratit u vunë në pranga. Ata janë Nikolin Çipi, 42 vjeç, Sokol Shehu, 48 vjeç, dhe Eduart Mino, 40 vjeç, të tre banues në Berat.

Shërbimet e policisë gjatë kontrollit fizik u gjetën këtyre shtetasve 8 doza, lëndë narkotike e dyshuar e llojit Heroinë dhe 2 doza, lëndë narkotike e dyshuar Cannabis Sativa.

Operacioni u krye në një lokal në lagjen “Donika Kastrioti”, të Beratit. /abcnews.al

droga-sarande-arrestime.jpg
ent ela12:29 | 05/07/2018

Dy operacione të drogërave të forta janë finalizuar në Vlorë dhe Sarandë. Në pranga ka përfunduar, një 28 vjeçar nga Vlora, ndërsa janë proceduar në gjendje të lirë dy të rinj.

Policia e Vlorës i sekuestroi Dashamir Ademit 59 doza heroine dhe një sasi parash. Ai u kap në flagrancë teksa po ia shiste heroinën dy të rinjve. Ndërsa në Sarandë u arrestuan Silvjo Hoxhallari dhe Jurgen Hoxha. Këta shtetas u kapën në lagjen ”Nr.1”, me 23 doza Kokainë.

Njoftimi i DVP Vlorë

Specialistët e Seksionit për Hetimin e Narkotikëve në DVP Vlorë, kanë finalizuar operacionin ”Red”, ku është arrestuar në flagrancë shtetasi:

Dashamir Ademi, 28 vjeç, banues në Vlorë.

Do të procedohen në gjendje të lirë shtetasit D.B., 20 vjeç,  dhe M.L., 30 vjeç, të dy banues në Vlorë.

U krye arrestimi i shtetasit Dashamir Ademi pasi është kapur në flagrancë duke shitur lëndë narkotike të llojit Heroinë, shtetasve D.B., dhe M.L..

Janë sekuestruar në cilësinë e provës materiale 59 doza Heroinë dhe një sasi lekësh cash.

Policia e Sarandës ka finalizuar operacionin ”Ëhite”, ku kanë arrestuar në flagrancë shtetasit:

Silvjo Hoxhallari, 20 vjeç, banues në Tiranë,

Jurgen Hoxha, 20 vjeç, banues në Tiranë.

Këta shtetas u kapën në lagjen ”Nr.1”, me 23 doza Kokainë.

Materialet hetimore iu referuan Prokurorisë për veprën penale “Prodhimi dhe shitja e narkotikëve”, parashikuar nga neni 283/1 e Kodit Penal. /abcnews.al

MAGAZINA-SHKODER-ARRESTIMI-1280x720.jpg
ent ela10:05 | 29/03/2018

Pas sekuestrimit të një magazine ushqimore në Shkodër, policia ka arrestuar tre persona dhe ka shpallur në kërkim një person të katërt. U arrestua pronari i firmës Gëzim Bala 60 vjeç, djali i tij Elis Bala 26 vjeç, dhe Hydajete Elbasani 60 vjeç, e punësuar si merceologe në këtë firmë. Në kërkim është një 40 vjeçar nga Tirana, me detyrë Inxhinier merceolog në firmë.

Arrestimi i tyre personave u bë pasi të mërkurën, u gjetën  në vendin e quajtur Lagjja “Skënderbeg”, zona industriale ish -Fermentimi, në punishten e një firme, ku prodhoheshin produkte të ndryshme ushqimore në kundërshtim me ligjin. /abcnews.al

28033539_1556560441064454_485737377_o.jpg
ent ela09:29 | 13/02/2018

Policia e Tiranës ka goditur një grup që shpërndante lëndë narkotike në afërsi të shkollave. Në pranga kanë rënë 3 persona, ndërsa janë sekuestruar 68 doza më lëndë narkotike “Cannabis Sativa”.

Të rrestuarit janë Isuf Haka, 32 vjeç, Jurdjan Kondili, 19 vjeç dhe Armando Durishti, 26 vjeç, të tre banues në Tiranë.

Ata akuzohen për “Prodhim dhe shitje të narkotikëve në bashkëpunim”.

Sipas policisë Jurdjan Kondili dhe Isuf Haka në bashkëpunim me njëri- tjetrin, kryenin aktivitetin e kundraligjshëm të shitjes së vazhdueshme të lëndëve narkotike të dyshuar të llojit “Cannabis Sativa” pranë shkollave 9- vjeçare dhe të mesme, duke përdorur banesën e shtetasit Armando Durishti.

Ata janë kapur në flagrancë në rrugën “Frederik Shiroka”, në afërsi të një shkolle, ku gjatë kontrollit fizik shtetasit Isuf Haka iu gjet dhe sekuestrua një sasi prej 10 dozash lëndë e dyshuar narkotike e llojit “Cannabis Sativa”.

Gjithashtu gjatë kontrollit në një banesë të marrë me qira nga shtetasi Armando Durishti në rrugën “Frederik Shiroka”, në afërsi të një shkolle iu gjetën dhe sekuestruan në cilësinë e provës materiale 58 (pesëdhjetë  e tetë) doza qese farmaceutike me “Cannabis Sativa”./abcnews.al

 

droge-tirane-927x445.jpg
ad min12:51 | 06/12/2017

Tre persona kanë përfunduar në prangat e policisë së Tiranës, në një operacion antidrogë ku u sekuestruan 65,6 kilogramë kanabis. Bashkim Joca, 46 vjeç, Albi Joca, 19 vjeç dhe Mirel Joca, 18 vjeç, të tre banues në fshatin Shëngjergj u arrestuan të martën rreth orës 20:00 në vendin e quajtur “Gurorja e Kllojkës”.

“Në bazë të informacioneve të marra në rrugë operative që dispononte Seksioni për Hetimin e Narkotikëve në Drejtorinë Vendore të Policisë Tiranë, në drejtim të goditjes së veprimtarise së kundraligjshme në fushën e narkotikëve, ka rezultuar se Bashkim Joca, Albi Joca dhe Mirel Joca në bashkëpunim me njeri – tjetrin, kryenin aktivitetin e kundraligjshëm të shitjes së lëndëve narkotike në sasi të konsiderueshme, personave të ndryshëm në zonën e Saukut, Berzhitës, Kllojkës, etj”, thuhet një njoftim të policisë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono