27 janar

vlcsnap-error286-1280x720.jpg
ent ela17:03 | 29/01/2018

Kryetari i Partisë Republikane Fatmir Mediu i ftuar në studione ABC News ka folur për protestën e 27 janarit të opozitës. Sipas tij ishte një zgjim i ndërgjegjes qyetare, një pjesëmarrje e jashtëzakonshme që tregoi se zgjedhjet e 25 qershorit ishin të manipuluara. Për kreun republikan kjo protestë tregoi edhe sjelljen qyetare dhe opozitare dinjitoze./abcnews.al

vlcsnap-error899-2-1280x720.jpg
ent ela15:04 | 27/01/2018

Sipas MeteoAlb: Kthjellime të shkurtra dhe vranësira të shpeshta dominojnë kushtet atmosferike në të gjithë territorin.

Edhe gjatë pasdites pjesa më e madhe e Shqipërisë mbetet kryesisht me vranësira; kushte atmosferike që do të vijojnë ndikimin e tyre në territor edhe gjatë orëve të natës.

Temperaturat e ajrit do të rriten lehtë gjatë mëngjesit, ndërsa mesdita nuk pritet të sjellë ndryshime të vlerave termike në territor.

Era do të fryjë mesatare, me shpejtësi 30 km/h nga drejtimi Veriperëndimor duke gjeneruar në det dallgëzim 3 ballë./abcnews.al

vlcsnap-error085-1280x720.jpg
G. P.18:02 | 25/01/2018

Për protestën e së shtunës të thirrur nga opozita foli edhe ish-kryeministri Sali Berisha, i cili e quajti atë një protestë që do të mbahet mend në histori për nga gjithëpërfshirja e shtresave të shoqërisë.

Sali Berisha: “27 Janari do të hyjë në historinë e kombit si dita në të cilën shqiptarët e të gjitha moshave dhe bindjeve politike guxuan të ngrihen fuqishëm kundër narkorepublikës, bixhozrepublikës së tyre që ndërtoi një klikë unike në Europë dhe në botë pas asaj të Koresë së Veriut. 27 Janari është një ftesë për të gjithë fëmijët e Shqipërisë. Të kujtohen se bashkëmoshatarët e tyre, jo në skajet e vendit, por në zemrën e vendit, në kryeqytet, 10 përqind e tyre kanë ushqim vetëm një vakt në 24 orë. Kur ndonjëherë në ndonjë vend të lirë e ardhmja s’ka qenë e kompromentuar. Thirrja ime është për studentët e Shqipërisë, studentët e nesërm të këtij vendi të mos pranojnë tarifat më të larta të kontinentit europian dhe në proporcion, katër herë më të larta se çdo vend tjetër i Europës. Ngrihuni! Ngrihuni sepse çfarë ju pret nesër ju si vend pune. Azili ose bixhozi ose droga”./abcnews.al

BASHA-1-1-1280x853.jpg
ent ela14:44 | 24/01/2018

Nga Shkodra Lulzim Basha akuzoi shefin e ekzekutivit se ka lidhje me kriminelët, e jo me qytetarët. Basha ftoi shkodranët të shtunën në protestë për të ngritur zërin kundër paligjshmërisë.

Shkodranët e pritën ndryshe.

Në bashkëbisedim me ta për protestën e 27 Janarit, kryedemorkati Lulzim Basha u tha se i pret të parët.

“Qeveria e paligjshme nuk ka për t’i rezistuar dot bashkimit të shqiptarëve. Nuk i rezistoi dot diktatura e jo më t’i rezistojë Edi Rama, ky frikacak që e mbyllën 1200 naftëtarë në bunker. Çfarë do t’i bëjnë 12 mijë shkodranë, 120 mijë shqiptarë të bashkuar në sheshin e protestës më 27 janar? Do t’i thonë se koha jote ka marrë fund!”

Basha tha se arsye e gjendjes ku ndodhet vendi sot, si dhe shtysë e qytetarëve nesër në protestë, është ndarja e realitetit të shqiptarëve dhe realitetit që jetojnë klientët e kryeministrit që nuk dinë çdo të thotë të fitosh paranë me djersën e ballit.

Kusarë pra, që nuk janë pasuruar me djersën e ballit. por me varfërinë e popullit dhe blerjen e votave. E vërteta është ai prindi në Laprakë që kishte shitur gjakun e trupit të tij për të ushqyer dy djemtë. E vërteta janë qindra, mijëra pensionistë që pasi paguajnë faturën e kripur të dritave dhe të ujit, nuk u ngelen lekë për ilaçe. Këto konstatime, tregojnë hendekun në rritje midis shumicës dërrmuese të njerëzve dhe një pakice oligarkësh, klientë të Ramës që vetëm flasin, vjedhin e shpërdorojnë paratë e shqiptarëve.

Thirrjen për t’iu bashkuar protestës Lulzim Basha i kërkoi t’ua shpërndajnë edhe miqve dhe të afërmve për të dhënë mesazhin kryesor se qeveria duhet të largohet dhe se shqiptarëve duhet t’u jepet mundësia të zgjedhin me votë të lirë një qeveri që e ka lidhur fatin me qytetarët dhe jo me krimin dhe oligarkët. /abcnews.al

 

vlcsnap-error295-1-1280x720.jpg
G. P.15:18 | 21/01/2018

Bashkimi i shqiptarëve kundër padrejtësisë, varfërisë dhe aleancës së qeverisë me krimin e ka quajtur kryetari i Partise Demokratike, Lulzim Basha, protestën e 27 Janarit. Basha ishte në Pogradec, ku bisedoi me tregtarë të kësaj zone.

Kryetari i Partisë Demokratike Lulzim Basha ftoi pogradecarët t’i bashkohen protestës së 27 Janarit në Tiranë.

Ai u tha atyre se kjo është e vetmja mundësi për të ngritur zërin kundër padrejtësive e për të ndryshuar gjendjen ku ndodhen.

Lulzim Basha: “Nëse je i papunë dhe po mendon të largohesh, mos u largo! Eja me ne në sheshin e protestës!. Nëse je i ri dhe nuk gjen dot punë, mos e ul kokën, por bashkohu me ne në sheshin e protestës! Ta nisim ndryshimin e madh ditën e shtunë me 27 Janar për ta bërë Shqipërinë si gjithë Europa”!

Kryedemokrati ishte në Pogradec në 27-vjetorin e themelimit të degës së Partisë Demokratike.

Në takimin me demokratët, Basha u shpreh se kryeministri, Edi Rama, po punon kundër interesave të shqiptarëve.

Lulzim Basha: “Do të blejë 400 milionë makina luksi për veten e tij. Ka harxhuar 300 milionë euro për zyra, për udhëtime luksi dhe nuk gjen para për të blerë ilaçet për të sëmurët, nuk gjen para për të rritur pensionet siç ka premtuar 100 mijë lekë çdo vit”.

Ndërsa qytetarët në materialin e shpërndarë për mediat nga zyra e shtypit të Partisë Demokratike iu ankuan Lulzim Bashës për vendosjen e TVSH-s për biznesin e vogël, për rënie të punës e mbylljen e sipërmarrjeve dhe papunësinë veçanërisht mes të rinjve./abcnews.al

425A4902-1280x693.jpg
ent ela13:51 | 20/01/2018

Kryetari i Partisë Demokratike, Lulzim Basha, bëri përgjegjëse qeverinë për varfërinë dhe humbjen e shpresës tek shumica e shqiptarëve, të cilët nuk kanë më mundësi për të paguar faturat e shtrenjta dhe taksat e rritura. Në aktivin e Vaut të Dejës Basha tha se 50 biznese mbyllen çdo ditë, 300 mijë shqiptarë ushqehen vetëm 1 herë në ditë, ndërsa 100 mijë të rinj janë larguar nga Shqipëria në 4 vjet.

“Çfarë është kjo gjendje, çfarë është ky vend ku nga çiftet e reja e deri tek pensionistët, i ka kapluar i njejti mjerim ekonomik?! Problemi vjen nga ata që kemi në krye, nga një aleancë hajdutësh dhe kriminelësh, që mendojnë vetëm për veten e tyre. Shqiptarët bëjnë përpara në Europë, sepse në asnjë vend të Europës nuk ka një kryeministër sharlatan dhe të lidhur me kriminelët siç është Edi Rama dhe banda e tij në pushtet,”- tha kryetari i Partisë Demokratike.

Në Vaun e Dejës, zonën që furnizon me energji Shqipërinë, Basha vizitoi shtëpinë e të moshuarit Jak Vjerdha, që prej disa ditësh jeton në errësirë me bashkëshorten, sepse nuk ka para për faturën e dritave.  Ata treguan se pjesa me e madhe e pensionit të të dyve, 13 mijë lekë, shkon për ilaçe.

 “U ka ardhur një faturë 5 milionë borxh”-tha vajza e shtëpisë, ndërsa Basha vuri në dukje se “fatura 5 milionë është për një shtëpi të varfër që ka një sobë me dru”.

Kreu i opozitës tha se qeveria po përdor dy standarde për shqiptarët, për shumicën taksa dhe fatura më të larta për të paguar, ndërsa për pakicën zero taksa.

“Duhet të ngrihemi të gjithë të shpëtojmë vendin e njëri-tjetrin nga kjo situatë. Sepse taksat janë rritur. Çmimi i energjisë është rritur. Çmimi i ujit do të rritet prapë. Për të varfrit nuk ka asnjë shpresë me këtë qeveri. Ndërkohë, po u heq taksat hoteleve me 5 yje. Hotelet me 5 yje nuk paguajnë taksa, ju paguani ose përndryshe jua heqin dritat. Kjo është padrejtësi. Të bashkohemi të gjithë ta ndryshojmë, s’kemi rrugë tjetër,”– tha Basha.

Në aktivin e Vau të Dejës kreu i opozitës vuri në dukje se protesta e 27 janarit është për të thënë me zë të fortë se shqiptarët nuk pranojnë një qeveri, që nuk e ka fatin të lidhur me fatin e tyre.

“As nuk kanë asnjë ndjeshmëri. Prekin, shihin, ndjejnë që populli është në mjerim, por nuk ua ndjen për popullin. Nuk kanë asnjë ndjeshmëri, as për Jakun dhe zonjën e tij, që nuk kanë me se ta mbajnë frymën gjallë dhe prapë do të jenë në errësirë. Ndaj shpresa e vetme është t’i themi STOP emigrimit, t’i themi STOP dëshpërimit. Të bashkohemi më 27 janar për të marrë fatin tonë në duart tona”-u shpreh Kryetari i Partisë Demokratike./abcnews.al

basha-1-1280x853.jpg
ent ela14:04 | 12/01/2018

Nga Lushnja kreu i opozitës Lulzim Basha u kerkoi shqiptareve t’i bashkohen protestës së 27 Janarit në Tiranë. Sipas Bashes projekti kryesor i kryeministrit eshte kapja e drejtësisë dhe mbyllja e dosjeve të krimit qeveritar.

Në turin përgatitor të protestës së paralajmëruar nga opozita për 27 Janar, kreu i demokratëve Lulzim Basha, mori shembullin e qytetit, për t’i thënë lushnjarëve se aty nuk vendos ligji, por bandat dhe ky ishte investimi më i madh i qeverisë Rama, lidhja me krimin.

“247 biznese  të mbyllura javën e parë të janarit. 13 mijë të mbyllura gjatë vitit të kaluar, po të heqësh të shtunat e të dielat, i bie që janë mbyllur 50 biznese në javë. Edi Rama i ka shpallur luftë njerëzve të thjeshtë të këtij vendi. Rinia është në dëshpërim dhe 70% e atyre që largohen janë të moshës 19 deri në 35 vjeç. Fermerët shqiptarë asnjë kacidhe nuk kanë parë dhe asnjë mbështetje nga shteti.”

Shkatërrimi i reformës në drejtësi edhe përmes kontrollit të prokurorit të përgjithshëm, pa vetting në shkelje flagrante të Kushtetutës është shpresa e fundit e kryeministrit për të mbyllur dosjet e krimit dhe korrupsionit qeveritar.

“Nuk ka për të patur reformë në drejtësi me Edi Ramën Kryeministër. Ndaj protesta e 27 janarit është edhe një thirrje për reformën në drejtësi, për drejtësinë e pakapur. Është një thirrje dhe një bashkim që Saimir Tahiri të shkojë në burg, siç duhet të shkojë në burg çdo ministër, çdo pushtetar vendor apo qëndror i faktuar në lidhje me krimin e organizuar dhe i korruptuar deri në palcë me paratë dhe asetet e shqiptarëve.”

27 janari është dita për të dhënë një mesazh të qartë – tha Basha – dhe ky mesazh vjen me pjesmarrje dhe masivitet të atyre që nuk kanë frikë ti kundërvihen aleancës me krimin.

“Pjesëmarrja masive në protestën e 27 janarit është sinjali më i qartë, treguesi më i drejtpërdrejt për çdo shqiptar, për zullumqarët dhe për miqtë e Shqipërisë, se ora e Edi Ramës në Shqipëri ka marrë fund. Se një orë e re ka nisur të trokasë. Dhe se ky vend dhe qytetarët e këtij vendi nuk e pranojnë më aleancën me krimin dhe janë të vendosur t’i shkojnë deri në fund betejës për Shqipërinë europiane”

Largimi i Edi Ramës dhe hapja e rrugës për një qeveri antimafia e aftë për të zbatuar reformën në drejtësi, e jo të mbrojë politikisht kriminelët, përmbylli kreu i selisë blu Basha./abcnews.al

vlcsnap-error869-1-1280x720.jpg
us er17:00 | 10/01/2018

Analistët Mark Marku dhe Fitim Zekthi kanë komentuar për ABC News aksionin opozitar të thirrur nga Partia Demorkatike prej dhjetorit të vitit të kaluar dhe të paracaktuar të materializohet më 27 Janar në protestën e parë të një vale protestash të paralajmëruara. Por a kthen në kohë ky moment Partinë Demokratike në kohën kur përgatitej të ngrinte çadrën e lirisë?/abcnews.al

vlcsnap-error665-1280x720.jpg
us er12:57 | 09/01/2018

Pas takimeve të njëpasnjëshme me anëtarët e grupit parlamentar të forcës politike që drejtondhe krerët e degëve të PD-së, Lulzim Basha u ndal përpara mediave për të zyrtarizuar datën 27 për protestën e parë të organizuar nga opozita, me qëllim politik krijimin e një qeverie antimafia.

Pas një takimi një orësh me grupin e tij parlametar, kreu i opozitës Lulzim Basha diskutoi edhe me ata të degëve përpara se të zyrtarizonte datën e çeljes së protestave.

“Ftojmë të gjithë shqiptarët të na bashkohen me datën 27 janar, të shtunën në orën 12:00 në një protestë mbarëpopullore kundër varfërisë, krizës ekonomike, kundër padrejtësisë dhe drejtësisë së kapur politikisht”- deklaroi Basha pas mbledhjes.

Edhe pse pa një qëndrim publik mbi faktin, demokratët bëjnë me dije se beteja e parë do të zhvillohet në seancën plenare të datës 15, për të cilën kanë konfirmuar pjesmarrjen. Arsyet e kësaj proteste në shumë fronte janë thuajse ato të një viti më parë.

Edhe qëllimi, në retorikë, i bën eko qeverisë teknike me bazë të gjerë të thirrur prej shkurtit deri në prill 2017.

Aksioni i orkestruar nga opozita sipas Lulzim Bashës ka në thelb komunikimin me qytetarët të filluar prej dhjetorit 2017, por edhe bashkimin e atyre që e refuzojnë këtë paligjshmëri. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono