20 vjetori

SPECIALE-20-VJETORI-I-CLIRIMIT-TE-KOSOVES-BRUNA.mpg_snapshot_00.10-1280x720.jpg
ent ela12:00 | 15/06/2019

Në Kosovë u përkujtua 20 vjetori i ndërhyrjes së trupave të NATO-s që cilësohet dhe si dita e çlirimit të vendit. Në Prishtinë u organizuan disa ceremoni shtetërore ku të pranishëm mes shumë personaliteteve rajonale ishin dhe ish Presidenti amerikan Bill Clinton dhe ish sekretarja amerikane  e shtetit Medlin Ollbrajt. Detajet i sjell “Ballkan ABC” i Bruna Çifligut. /ABC News Albania 24/7

prishtine-aktivitet.jpg
nev ila20:00 | 12/06/2019

Në Prishtinë kanë vijuar të mërkurën aktivitetet për përkujtimin e 20-vjetorit të hyrjes së trupave të NATO-s. Në qendër të kryeqytetit të Kosovës është zbuluar busti kushtuar ish-sekretares së Shtetit Ollbrajt, si dhe një pllakat në nder të ish-presidentit Bill Clinton.

Me “Ecjen për liri” kanë vazhduar pasdite aktivitetet në Prishtinë. Ish-presidenti Clinton dhe ish sekretarja Albright kanë ecur në këmbë nga hoteli ku qëndronin në qendër të Prishtinës deri te sheshi i quajtur Madeline Albright ku edhe u zbuluar busti i saj.

“Jam shumë e nderuar që të kem një bust në Prishtinë. Faleminderit shumë për këtë nder kaq të madh. Ky vend do të thotë shumë për mua”, tha Madelein Albright.

Më pas së bashku vizituan edhe Bulevardin ‘Bill Clinton’, afër shtatores së ish-presidentit Clinton ku u zbulua edhe pllaka me emrin e tij.

“Kjo është dhuratë shumë e çmuar për mua. Faleminderit për këtë pllakë që e keni vendosur këtu, sepse dëshiroj që çdo qytetarë i Kosovës ta dijë se kjo do të thotë shumë për mua. Dhe jo vetëm për atë që kam bërë për fëmijët e tyre, për veten, por për atë që kam bërë për tërë Evropën. Nëse i bindeni ligjit, nëse punoni shumë, do të mundet urrejtja përmes dashurisë. Kjo është porosia për Kosovën”, tha ish presidenti amerikan Bill Clinton.

Ai u përshëndet me qytetarë të shumtë të cilët mbanin fotografi të para 20 vitesh kur kanë hyrë trupat e KFOR-it në Kosovë./ABC News Albania 24/7

 

Capture-1-1280x554.jpg
ent ela14:50 | 12/06/2019

Personalitete të shumta nga rajoni e bota morën pjesë në ceremoninë qendrore të shënimit të 20 vjetorit të hyrjes së trupave të NATO-s në Kosovë.

Kështu u pritën nga qytetarët ish presidenti amerikan  Bill Clinton dhe sekretarja amerikane e shtetit Madeline Albright.

Duarktrokitje në shenjë falënderimi pati edhe për ish gjeneralin e NATO-s Wesley Clark.

Ish-presidenti amerikan, Bill Clinton ka deklaruar se është nder i madh për të lidhja që ka me Kosovën.

Ai ka shtuar se duhet të jemi mirënjohës që në këtë rrugëtim të vështirë nuk ka pasur kthim të dhunës sistematike.

Çdo herë ka qenë dhe do të jetë nderi më i madh në jetën time, që kam qëndruar me juve kundër spastrimit etnik dhe ju jam shumë mirënjohës që jam sërish këtu me ju”, ka thënë Clinton. Para se të mendoni për të gjitha gjërat që duhet t’i bëni, jeni mirënjohës që në udhëtimin tuaj të vështirë dhe të gjatë nuk ka pasur kthim të dhunës sistematike, shkatërrimit. Merita për këtë i shkon qytetarëve të Kosovës të të gjitha etnive, të cilët kanë vendosur të jetojnë me shpresën e të ardhmes së duhur”, u shpreh Clinton.

Ish-sekretarja amerikane e Shtetit, Madeleine Albright, tha se vendimi për të ndërhyrë në Kosovë, “ishte i drejtë”.

Aleanca jonë ishte e bashkuar dhe e fortë dhe më e rëndësishmja është se ia dolëm për arsye se kauza e jonë ishte e drejtë dhe për arsye të qytetarëve të Kosovës përtej të gjitha pyetjeve, praktikave dhe politikave”, tha Madeline Albright, ish-sekretare amerikane e shtetit.

Ndërsa zv.ndihmës sekretari amerikan i shtetit Mathew Palmer ka thënë se tashmë është koha për marrëveshje përfundimtare ndërmjet Kosovës dhe Serbisë.

Nuk munguan falënderimet e krerëve të shtetit për kontributin dhe rolin e këtyre personaliteteve para 20 vjetësh. Ndërsa kërkuan integrimin e Kosovës në BE dhe NATO.

Nga Shqipëria mungoi ish kryeministri Sali Berisha, ndërsa presidenti Meta e kryeministri Rama qëndronin indiferent ndaj njëri tjetrit.

Ndryshe gjatë ditës gjenerali Clark ka zhvilluar takime me presidentin Hashim Thaci dhe kryeministrin Ramush Haradinaj. Ai ka thënë se Kosova e meriton të jetë në NATO dhe BE./ABC News Albania 24/7

palmer-1.jpg
ent ela12:40 | 12/06/2019

Zëvendës-ndihmës sekretari i Shtetit të Amerikës, Matthiew Palmer, ka thënë se NATO ka intervenuar 20 vjet më parë ushtarakisht pas shterimit të përpjekjeve diplomatike.

“Si intervenim ka qenë mundësia e fundit për ta gjunjëzuar regjimin e Millosheviqit për të ndalë shkatërrimet në këtë vend. Qëllimi ka qenë i qartë. Në këtë përvjetor solemn kujtojmë shumë ushtarë. Qytetarët e Kosovës kanë dëshmuar se mund të jenë partner i komunitetit ndërkombëtar”, ka thënë Palmer nga ceremonia e shënimit të 20 vjetorit të çlirimit të Kosovës.

Por nga fjalimi tij ai ka folur për marrëveshjen e mundshme me Serbinë.

“Tash nuk jemi të kthehet pas ora sa i përket pavarësisë së Kosovës. Kosova është e pjekur mjaftueshëm tani për të shërbyer në demokraci. Në 20 vjetorin e fundit të luftës, tani ju sfidojë sot që të parashihni një të ardhme më të ndritur. SHBA-të do të jenë në anën tuaj, por ditët sot kanë kaluar kur SHBA dhe BE do të futen nën krahun tuaj dhe të marrin vendime dhe mos tua lënë këtë gjë qytetarëve dhe liderëve të Kosovës”.

“Liderët duhet të synojnë të kenë në cak sfidat për të krijuar stabilitet energjetik dhe ku ndërmarrësit e rinj mund të veprojnë. Prishtina dhe Beogradi duhet të punojnë bashkë në emër të të gjitha viktimave dhe të gjejnë të zhdukurit. Nga ata duhet të përjashtohen retorikat nacionaliste”.

“SHBA qëndron pranë Kosovës për të inkurajuar përparimin, por Kosova duhet të intensifikojë përpjekjet e saj për një marrëveshje me Serbinë me njohje të dyanshme dhe kjo do të ndalonte të gjitha kontestimet ku do të largoheshin të gjitha barrierat”.

Zëvendës-ndihmës sekretari i Shtetit të SHBA-së, Matthew Palmer, në fjalimin e tij në 20 vjetorin e çlirimit të Kosovës, ka thënë se është koha që Kosova dhe Serbia të arrijnë pajtimin.

“Kosova dhe Serbia gjithnjë do të jenë fqinjë dhe shumë të ngushtë dhe të dy vendet duhet ta zhbllokojnë të ardhmen evropiane. Nuk ka kohë më të përshtatshme se tash për ta bërë këtë”, ka thënë Palmer, njofton Klan Kosova.

“Maqedonia dhe Greqia arritën pajtimin dhe harruan konfliktet e së kaluarës. Duhet të kërkohet qëndrueshmëri dhe të përsëritet dhe të zhduken pengesat”.

“Gjithkush do të humbë nga bllokimi. Shfrytëzoni mundësinë e një të ardhme më të mirë”.

klankosova

ollbrajt.jpg
ent ela12:20 | 12/06/2019

Në Kosovë po zhvillohet ceremonia me rastin e 20-vjetorit të hyrjes së forcave të NATO-s dhe çlirimit të vendit. Në ceremoni marrin pjesë ish-presidenti amerikan Bill Clinton, ish-sekretarja amerikane e shtetit Madeline Albright dhe ish-komandanti i NATO-s Wesley Clark

Në fjalën e saj ish-sekretarja amerikane e shtetit Madeline Albright tha se ia dolëm pasi kauza jonë ishte e drejtë dhe nuk mund të shihnim një komunitet të tërë që dëbohej.

“Ia dolëm se kauza jonë  ishte e drejtë. Fushata jonë themelohej në bazë të drejtësisë dhe aleanca shihte një komunitet të tërë që dëbohej dhe përgjigja ishte jo”. 

Fjala e Albright

Kam kënaqësinë që jam sot me ju këtu, president Clinton. Asnjë ngjarje nuk mund të shënohet pa lidershipin tuaj zotëri Clinton, jam e mburrur me atë që keni bërë e që kemi bërë së bashku.

Lufta në Kosovë ka qenë një përballje mes vrasjeve barbare dhe forcave, ne diskutuam se si aleanca jonë ishte bashkuar dhe më e rëndësishmja ishte se ia dolëm.

Fushata jonë vendosej dhe themelohej ne forcat e drejtësisë dhe aleanca e bashkuar ulej e shikonte si abuzohej, dëboheshin.  E përgjigja ishte jo, nuk do të ndodh një gjë e tillë.

Për më shumë se 11 javë aleanca jonë dhe qytetarët u mbajtën të fortë pavarësisht problemeve, kritikave, ne i treguam botës se çka është e mundshme kur diplomacia dhe forca bëhen bashkë me njëra-tjetrën.

Unë kam vizituar një kamp me refugjatë të Kosovës ku po ecja në tokën me shumë pluhur e djersë, ku ishin mbi 20 mijë të dëbuar.

Unë ju thash refugjatëve që kur të kthehen do të jem aty për t’iu ndihmuar për një jetë të mirë dhe normale dhe e ne e përmbushëm këtë premtim, pas një muaji u ktheva me një grup të madh të qytetarëve, e ku kishte shumë emocione dhe shpresë.

I gjithë horrori kishte përfunduar dhe të zhvendosurit po ktheheshin në shtëpi, e Kosova më në fund ishte e lirë.

Kishte ardhur koha të krijohej një periudhë e re, një kohë e re për të gjithë banorët, shumë gjëra kanë ndryshuar nga ajo kohë, mirëpo qytetarët e Kosovës po e bëjnë pjesën tjetër, burra e gra kanë punuar për të vendosur bazat e demokracisë, ju keni mbajtur zgjedhje, keni krijuar media të pavarura, keni krijuar sistem gjyqësor, keni krijuar qeveri lokale dhe qendrore, keni shkuar aty ku Kosova është pjesë normal si pjesë e OKB-së, kjo ka qenë një punë e zellshme dhe qytetarët e Kosovës kanë arsye për tu mburrur.

Ne asnjëherë nuk do tiu harrojmë juve, do të mbetemi me besim të lartë se ju do të keni sukses, ndërmjet organizatave për të vazhduar punën tuaj.

Ne do t’iu mbështesim juve dhe shpresojmë që Kosova të mbijetojë gjithmonë, prandaj u prezantoj një person që ka bërë shumë për Kosovën, është ky presidenti Bill Clinton./abcnews.al

 

356286-jaIbzJEL3b.jpg
ent ela12:10 | 12/06/2019

Në fjalën e tij Presidenti i Republikës së Kosovës, Hashim Thaçi për 20 vjetorin e hyrjes së trupave të NATO-s, ua uroi gjithë qytetarëve 12 qershorin, ditëlindjen e lirisë së Kosovës.

12 qershori është në themelet e identitetit tonë si qytetarë, si popull, si Kosovë, si pjesë e pandashme e Evropës dhe Perëndimit”, tha presidenti Thaçi.

Kreu i shtetit ka thënë se ajo çfarë bëri në pranverën e vitit 1999-të, Bota e Qytetëruar, e personifikuar në SHBA-në, Bashkimin Evropian, Aleancën Veriatlantike, ka qenë një hap i madh dhe i jashtëzakonshëm.

“Ne mburremi që jemi sot populli më proamerikan, më properëndimor dhe më proevropian në këto anë të botës. Liria e Kosovës është vlerë e përbashkët e të gjithë neve këtu”.

Fjalimi i plotë i presidentit Thaçi:

Dua qysh në fillim t’i uroj qytetarët e Republikës së Kosovës, sepse 12 qershori i vitit 1999-të, është ditëlindja e lirisë së Kosovës. Secili nga ne që jetojmë në Kosovë, por edhe shumë të tjerë që jetojnë kudo në botë, e kemi ditën kur u lindëm si njerëz. Por, 12 qershori është datë që na bashkon të gjithëve si qytetarë të Kosovës. Këtë ditë u rilindëm të gjithë ne, si qytetarë të lirë të këtij vendi të lirë. 12 qershori është në themelet e identitetit tonë si qytetarë, si popull, si Kosovë, si pjesë e pandashme e Evropës dhe e Perëndimit. Këtë kurrë nuk do ta harrojmë, do ta respektojmë përgjithmonë. Ashtu siç jemi sot së bashku, si kosovarë, amerikanë, britanikë, gjermanë, francezë, italianë, e nga shumë vende tjera në këtë ditë të bukur qershori në kryeqytetin e shtetit të Kosovës, në Prishtinë, ashtu ishim bashkë në periudhën më të rëndë, më të errët dhe më tragjike në historinë e re të Kosovës: – atëherë kur ishte rrezikuar vetë mbijetesa e një populli, – atëherë kur qytetarët e Kosovës ishin në gjendje të sakrifikojnë gjithçka për liri dhe për t’u bërë zot të fatit të vet. Ajo çfarë bëri në pranverën e vitit 1999-të, Bota e Qytetëruar, e personifikuar në SHBA-në, Bashkimin Evropian, Aleancën Veriatlantike, ka qenë një hap i madh dhe i jashtëzakonshëm.

Ka qenë një hap vendimtar për ta shpëtuar një popull të tërë, për të mundësuar që e keqja të pësojë disfatë dhe që të gjithë neve të na ofrohet mundësia historike, që ta ndërtojmë një të ardhme për ne dhe për brezat e ardhshëm. Sa të ketë jetë dhe njerëz në këto anë, sa të ketë Kosovë mbi këtë tokë, ne do të jemi falënderues për qëndrimin dhe vendimin tuaj njerëzor dhe qytetërues të pranverës së vitit 1999. Ishte qëndrim dhe vendim i drejtë dhe i ndershëm! Edhe sot, si President i Kosovës, ju them sërish, me sinqeritetin dhe përulësinë më të madhe:

Ju faleminderit! Edhe pas përfundimit të luftës dhe sigurimit të paqes edhe nga 50 mijë trupa të Aleancës Veriatlantike, Bota e Qytetëruar ishte së bashku me ne. Ishte për ta ndryshuar me themel vendin tonë, në të gjitha aspektet e mundshme. Për ta ndërtuar një Kosovë të re, në të gjitha dimensionet.

Kosova u bë demokracia më e re liberale në Evropë. Mbajtëm me sukses zgjedhjet e para të lira, si në nivelin e pushtetit lokal, ashtu edhe në atë të pushtetit qendror. U mësuam t’i respektojmë të drejtat e të gjitha pakicave dhe t’i mbrojmë të drejtat e njeriut. Krijuam ekonominë e tregut të lirë. Mundësuam investime nga jashtë. U stabilizuam si shoqëri. I bëmë hapat e parë drejt procesit të integrimit euroatlantik. Dhe më në fund, në respektim të vullnetit të popullit të Kosovës për ta bërë shtetin e vet, me gatishmëri për t’i gjetur zgjidhjet më të mira për akomodimin e të gjitha nevojave të komunitetit serb dhe të komuniteteve të tjera në Kosovë, ne shpallëm Pavarësinë e Kosovës, më 17 shkurt të vitit 2008.

Liria e Kosovës është vlerë e përbashkët e të gjithë neve këtu. Secili politikan i Kosovës, secili qytetar i saj, nuk ka as më të voglin dyshim se çka jemi ne si popull apo cili është identiteti ynë suprem. Ne jemi evropianë dhe duam të bëhemi shtet anëtar i Bashkimit Evropian. Ne jemi perëndimorë dhe duam të jemi shtet anëtar i Paktit NATO.

Ne mburremi që jemi sot populli më proamerikan, më properëndimor dhe më proevropian në këto anë të botës. Por, ne jemi të bindur që së bashku duhet dhe mund ecim më shpejt drejt integrimit të Kosovës në Aleancën Veriatlantike dhe në Bashkimin Evropian.

Ne e meritojmë këtë. Ashtu siç kemi merituar të jemi të lirë. Ashtu siç e kemi merituar të bëhemi shtet.

Në anën tjetër, e dimë që rrëfimi për ne si Kosovë, si shtet, nuk mund të rrumbullakohet në tërësi pa e ngritur flamurin e Kosovës në East River, në selinë e OKB-së. Pa e siguruar edhe njohjen nga pesë shtetet e BE-së. Ashtu siç kemi qenë shumë vite më parë të gatshëm për ta bërë marrëveshjen historike me Serbinë, ashtu jemi edhe sot të vullnetshëm që të bisedojmë me Serbinë për ta bërë Marrëveshjen Gjithëpërfshirëse për normalizimin e marrëdhënieve në mes të dy shteteve.

Ne sot e kësaj dite jetojmë ende me barrën e një historie të rëndë dhe tragjike që ka ndodhë në Kosovë. Nuk mund ta harrojmë dot gjenocidin dhe spastrimin etnik! Këtë kujtesë dhe respektin e pafund ia kemi borxh të gjithë atyre që vuajtën dhe u sakrifikuan për lirinë e Kosovës. Por, në anën tjetër, ne ia kemi borxh fëmijëve tanë dhe gjeneratave që po vijnë, që ta bëjmë marrëveshjen me Serbinë.

Që të jetojmë si shtet në paqe dhe në fqinjësi të mirë me të gjithë. Që të sigurojmë mirëqenie për të gjithë qytetarët e Kosovës. Që të bëhemi shtet anëtar në OKB dhe në të gjitha organizatat ndërkombëtare. Dhe në fund, që ta ngrisim flamurin e Kosovës edhe në NATO dhe në BE. Nuk ka kush të na ndalë! Kosova është mburrja jonë, është krenaria jonë, është fati ynë. Urime edhe një herë Dita e Lirisë së Kosovës. /abcnews.al

 

 

bill-clinton.jpg
nev ila23:09 | 11/06/2019

I ndodhur në Prishtinë me rastin e 20-vjetorit të hyrjes së trupave të NATO-s, ish-presidenti amerikan Bill Klinton ka deklaruar se Kosova meriton të jetë pjesë e BE-së dhe NATO-s. Klinton ka vlerësuar gjithashtu bashkjetesën paqësore të Kosovës me fqinjët, e cila duhet të merret si shembull në rajon.

Ish-presidenti i Shteteve të Bashkuara të Amerikës, Bill Clinton ka zgjedhur që nga hoteli ku po qëndron të ecë në këmbë deri te presidenca e Kosovës. Clinton po qëndron në Kosovë në kuadër të shënimit të 20 vjetorit të hyrjes së trupave të NATO-s në Kosovë. Ai është dekoruar nga presidenti me Urdhrin e Lirisë për kontributin e tij në çlirimin e Kosovës. Clinton tha se Kosova është shembull i demokracisë dhe përkushtimit për të jetuar në paqe me fqinjët.

Kosova është shembull i demokracisë dhe përkushtimit për të jetuar në paqe me fqinjët, që është diçka që të gjitha shtetet e mëdha dhe të vogla duhet ta bëjnë. Të punojnë brenda dhe jashtë kufijve. Keni mundësinë që ta shfaqni këtë te vendet e tjera në vitet në vazhdim. Kosova meriton të jetë në Unionin Evropian, në NATO si vend i pavarur”, tha Bill Clinton ish-presidenti i SHBA.

“Mbështetja juaj dhe e SHBA ka qenë jetike për lirinë, pavarësinë dhe tashmë në rrugëtimin euroatlantik. Ndaj historia e Kosovës është histori suksesi e përbashkët, ju jeni heroi ynë”, tha Hashim Thaçi presidenti i Kosovës.

Clinton në vitin 1999 ishte president i SHBA-së dhe njëri ndër personat vendimtarë për intervenimin e NATO-s në Kosovë./ABC News Albania 24/7

KOSOVA-NATO-LOGO-ABC-M5-T1.mpg_snapshot_00.01-1280x720.jpg
ent ela15:50 | 01/06/2019

Është prezantuar në Kosovë logoja e 20 vjetorit të Pavarësisë. Ndërkohë që nga data 11 deri në 13 qershor do të ketë aktivitete të ndryshme për 20 vjetorin e hyrjes së forcave të NATO-s në vend. Të ftuar do të jenë dhe personalitete nga Shqipëria.

Nga data 11 deri më 13 qershor në Kosovë do të shënohet 20 vjetori i hyrjes së trupave të NATO-s në vend, me aktivitete të ndryshme.

Në këto aktivitete do të marrin pjesë zyrtarë të lartë shtetërorë dhe të institucioneve të ndryshme rajonale e ndërkombëtare.

Udhëheqësi i Ekipit Zbatues për Realizimin e Axhendave Shtetërore, Fehmi Mehmeti, tha se tashmë janë dërguar ftesat dhe po pritet konfirmimi i tyre duke mos dhënë detaje të tjera.

Ftesa u janë dërguar personaliteteve ndërkombëtare dhe pritet konfirmimi i tyre.

Zyrtari për komunikim me Media i Këshillit Organizativ, Florent Rrahmani ka konfirmuar se ftesa u janë dërguar edhe personaliteteve të larta në Shqipëri përfshirë presidentin, kryetarin e parlamentit dhe kryeministrin.

I pyetur nëse ftesa i është dërguar edhe ish presidentit të Shipërisë Sali Berisha, Rrahmani nuk ka dashur të përgjigjet konkretisht duke thënë se janë ftuar të gjithë ata të cilët kanë qenë në pozita vendimmarrëse në atë kohë.

Në kuadër të aktiviteteve tubimi kryesor do të zhvillohet në sheshin ‘Skënderbeu’ në Prishtinë.

Ndërsa është prezantuar edhe logoja e 20 vjetorit të pavarësisë me sloganin “Për lirinë tonë”. /ABC News Albania 24/7

nato-1.png
ent ela23:15 | 26/03/2019

Jens Stoltenberg ka mbrojtur ndërhyrjen ushtarake të NATO-s në Serbi 20 vjet më parë, duke e cilësuar të arsyeshëm. Numri një i Aleancës ka nënvizuar se ajo nuk duhet ta pengojë bashkëpunimin NATO-Serbi.

Sekretari i përgjithshëm i NATO-s, Jens Stoltenberg ka deklaruar se ndërhyrja ushtarake e Aleancës në Jugosllavi në vitin 1999 ishte e arsyeshme. Në një deklaratë për agjencinë e lajmeve “Tanjug”, Stoltenberg ka thënë se, ndërhyrja nuk ishte drejtuar kundër popullsisë civile të federatës së atëhershme jugosllave.

“Roli i ndërhyrjes ushtarake ishte për të mbrojtur civilët në të gjithë rajonin”, ka thënë Stoltenberg. Ai ka nënvizuar se e kaluara nuk duhet harruar, por ka shtuar se ajo nuk duhet të bëhet pengesë që sot NATO dhe Serbia të jenë partnerë.

“Ne nuk duhet ta harrojmë kurrë të kaluarën, por mund të vazhdojmë të ecim përpara dhe kjo është ajo çfarë po bëjnë NATO dhe Serbia si partnerë”, ka vijuar Stoltenberg. Më i prerë në qëndrimin e tij ka qenë ministri i Jashtëm gjerman, Hajko Mas, i cili ka deklaruar se ndërhyrja e NATO-s ishte një vendim i drejtë.

“Ndërhyrja erdhi pasi pamë një dhunim masiv të të drejtave të njeriut dhe vrasje në masë”, ka deklaruar Mas, i cili ka mbrojtur edhe vendimin e Gjermanisë për të ndërhyrë. “Nuk mund ta imagjinoj çfarë do të kishte ndodhur atje nëse nuk do të kishte pasu ndërhyrje”, ka shtuar shefi i diplomacisë gjermanë për të përditshmen “SHTUGARTER CAJTUNG”.

Bombardimet e NATO-s i dhanë fund fushatës së spastrimit etnik të nisur nga regjimi i Sllobodan Millosheviç. Ato zgjatën 78 ditë dhe në to morën pjesë 19 vende anëtare të Aleancës./abcnews.al

KENGA-MAGJIKE.mpg_snapshot_00.24-1280x720.jpg
G. P.17:41 | 04/12/2018

Edicioni i 20-të i “Këngës Magjike” 2018, nis mbrëmjen e së mërkurës në Pallatin e Koncerteve. Një garë e fortë dhe plot surpriza do të jetë mes 23 këngëtarëve “big” dhe 26 artistëve në transmetim të drejtpërdrejtë në datat 5 e 6 Dhjetor dhe finales së madhe me 8 Dhjetor. Në krah të Ardit Gjebresë në prezantim do jenë moderatoja Bora Zemani dhe balerina Klaudia Pepa.

Skena e Pallatit të Koncerteve është kthyer në një magji të vërtetë. Këto janë momentet e fundit të provave, për edicionin e 20 të festivalit të muzikës moderne shqiptare Kënga Magjike 2018. Pa dyshim se ky përvjetor do të jetë unik dhe i veçantë thekson Ardit Gjebrea.

Ardit Gjebrea, showman: “Të gjithë artistët po e jetojnë vërtetë si një festë të madhe dhe fakti që ne nuk e themi se çfarë do të ndodhi është sepse thjesht kjo është Kënga Magjike. Ku është Kënga Magjika, pa diskutim që do të ketë gjëra të bukura.”

Tashmë ethet e garës dhe këndimi live kanë ngërthyer konkurentët ato të kategorisë big dhe new artist. Gara është e fortë, emrat më të njohur të skenës me zhanre të ndryshme janë në konkurim, e kjo i bën mirë garës.

Venera Lumani, këngëtare: “Unë uroj dhe i kryqëzoj gishtat vetëm që të dal mirë, të dal vokalisht shumë mirë dhe çdo gjë tjetër pastaj le të ngelet festë. Është 20 vjetori, është festë le ta shijojmë në maksimum edhe le të bëjmë gjëra të bukura.”

Baladat vazhdojnë të jenë të preferuara nga këngëtarët, pasi shumë prej tyre e shohin si mundësinë më të mirë për t’u shprehur vokalisht dhe emocionalisht.

Mentor Haziri, këngëtar: “E ka vrarë e dashura shpirtërisht, emocionalisht, kështu që shpresoj që këtë ndjenjë do e paraqes edhe në netët në vijim. Në jetë jam shumë i lumtur jam më karagjoz, por kënga është kështu, është një baladë e ndjerë. Jam natën e dytë me datë 6 Dhjetor dhe mezi po pres.”

Era Rusi, këngëtare: “Kjo është një nga këngët e mia të preferuara. E kam ruajtur 1 vit në arkivë, mendoj se ishte ideale për Këngën Magjike dhe e meritonte një këngë potente. Është edhe 20 vjetori im në Këngën Magjike.”

Por nuk mungojnë edhe etnofolk, RnB dhe këngët ritmike. Dashuria e humbur dhe dhimbjet e saj përshkojnë shumë këngë.

Rozana Radi, këngëtare: “E kam shkruar edhe në faqen time të Instagramit se nëse të gjitha tekstet e mia do të kishin diçka personale i bie që të jetoja 700 jetë. Personale dramë jo, por dashuri të humbur secila vajzë dhe grua ka përjetuar në jetë. Unë e kam thënë dhe në vende të tjera që nsonjëherë në dashuri nuk kujtohet puthja e parë, por e fundit. E vështirë të dalësh nga një histori , e rëndësishme është që të kujtojmë gjërat e mira jo të këqija në jetë.”

Venera Lumani, këngëtare: “Lindi ndjek nga shtëpia, është thjesht mbështetja ime këtë vit.”

Protagonistët që janë këngëtarët, janë ata që nxjerrin edhe triumfuesin e kësaj gare të këngës, ata thonë se me kalimin e viteve janë më të drejtë në votë.

Rozana Radi, këngëtare: “Ti bëjmë thirrje, në radhë të parë vetes sonë, ndërgjegjes sonë që të votojmë sikur jemi publik dhe jo sikur garojmë. Të gjithë kemi miq e shokë, kemi votuar me miqësira dikur, por mbajm mend se kur unë kam fituar Këngën Magjike mua më kanë votuar dhe këngëtarë që nuk më flisnin.kjo më ka bërë të reflektoj shumë. Duhet të jemi njerëzorë pastaj të jemi artistë.”

Mentor Haziri, këngëtar: “E shoh si festë, për shkak se është 20 vjetori dhe duhet të festojmë të gjithë. Kënga Magjike është një Sanremo shqiptare, prandaj edhe ne duhet ta ofrojmë mundin tonë.”

Era Rusi, këngëtare: “Ka këngë shumë të bukura, ka artistë shumë të mirë. Është shumë e bukur që jemi të gjithë në këtë 20 vjetor në Këngën Magjike edhe nuk e shikoj këtë vit si luftë. E shikoj si festë pasi ka vërtet një harmoni mes artistëve me njëri-tjetrin.”

Ka nga ata që e kanë për herë të parë prekjen e kësaj skene magjike.

Lorenc Hasrama, këngëtar: “Për mua është hera e parë që performoj në skenën e Këngës Magjike. Jo vetëm për 20 vjetor por për mua ka qenë gjithmonë e madhe dhe madhështore. Me emocionet nuk jam keq jam mirë, do ta mbaj veten.”

Krahas këngëtarëve nga hapësira mbarëshqipëtare, këtë vit në garë janë edhe 3 këngëtarë italianë. Surprizat janë të shumta në 3 netët, sipas showman-it Ardit Gjebrea.

Ardit Gjebrea, showman: “Konkurenca është shumë e fortë dhe kjo i bën mirë muzikës shqiptare. Ky festival vjen në më të mirin e tij në edicionin e 20 dhe surpriza pa diskutim që do të ketë në çdo natë. Më vjen keq që nuk mund t’jua zbuloj, por erdhi edhe pak. Kështu që vetëm një ditë e gjysëm ka mbeturka surpriza në prezantim, ka surpriuza me numra të ftuar, ka surpriza me publikun.”

Ai nuk preferon të zbulojë shumë. Por ne mësuam se krah showman-it Ardit Gjebrea do të prezantojnë moderatorja Bora Zemani dhe balerina, Klaudia Pepa, kjo e fundit edhe do të performojë me 12 balerinë meshkuj profesionistë nga Mediaset.

Countdowni i Këngës Magjike ka nisur, nata e parë do të jetë me datë 5, nata e 2 me datë 6 dhe finalja me datë 8 Dhjetor. Për të gjithë ata të cilët kanë siguruar biletata, por edhe për gjithë teleshikuesit gjithçka do të vijë live në televizionin kombëtar Klan dhe këtë 20 vjetor festivali “Kënga Magjike”, sjell një risi teknologjike. Për herë të parë në Shqipëri Livestream. Mund të përjetoni emocionet e skenës edhe nga shtëpia nëpërmjet realitetit virtual./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono