Entuziazëm për Kroaci-Angli, mijëra tifozë fluturojnë drejt Moskës


15:10 | 11/07/2018

Entuziazëm i jashtëzakonshëm në Kroaci për shancin e madh në Rusi. Mijëra tifozë nisen drejt Moskës për ndeshjen ndaj Anglisë.

I gjithë shteti në këmbë për kombëtaren. Kroacia duket sikur do të shkojë e gjitha në Rusi për gjysmëfinalen e Botërorit ndaj Anglisë, dhe në krye të eksodit janë dy dinjitarë tepër të lartë.

Kryeministri Andrej Plenkoviç dhe kryetari i Kuvendit, Gordan Jandrokoviç, morën avionin në aeroportin e Zagrebit, për të qenë në stadiumin “Luzhniki” të Moskës. Kryeministri dhe një foto në adresën e qeverisë kroate në Twitter, ku ishte në avion bashkë me kryetarin e Kuvendit: “Do të mbështesim të zjarrtët! Vetëm fitore!”

Plot 1.500 tifozë fluturuan drejt kryeqytetit rus, me 6 avionë çarter, më i madhi i të cilëve mbante 450 pasagjerë. Përpara kryeministrit dhe kryetarit të Kuvendit, në Rusi ishte vetë presidentja Kolinda Grabar Kitaroviç, e cila e ndoqi ekipin në çerekfinalen ndaj rusëve.

Numri 1 i shtetit shkoi më pas në hotelin e kombëtares, dhe u përshëndosh me ekipin, pasi duhej të kthehej në Zagreb për arsye pune. Gjithsesi, të mbiquajturit “të zjarrtët” nuk do të jenë vetëm.

Janë me mijëra tifozët në kryeqytetin rus, të cilët do të përkrahin kombëtaren në stadium, ose do të ndjekin ndeshjen në “Fan Zone”, për ta kthyer Moskën në një qytet kroat./abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono