Eliminatoret e Francës, Shqipëria në grup me Francën

15:24 | 02/12/2018

Kombëtarja përballë Francës në eleminatoret e Europianit të vitit 2020. Kampionët e botës do të jenë favoritë në grupin H, ndërsa ekzistojnë shanset për kualifikim.

Është privilegj të kesh në grup kampionen e botës. Shqipëria do të luajë pikërisht ndaj Francës në eleminatoret e Euro 2020, siç e përcaktoi edhe shorti i hedhur në Dublin të Irlandës. Jemi në grupin H, ku numri 1 është pikërisht Franca, e bashkë me të, edhe Islanda, Turqia, Moldavia dhe Andorra. Me dy skuadra që kualifikohen direkt për në fazën finale, nuk është eufori të thuhet se Shqipëria ka shanset e saj.

Sipas formatit të ri, ose kualifikohemi menjëherë, ose eleminohemi, pasi në plej of kanë fituar të drejtën të luajnë vetëm skuadrat fituese të grupeve në Ligën e Kombeve, pra 16 të tilla, të cilat do të luajnë gjysmëfinalet dhe finalet, për të përcaktuar 4 ekipe të tjerë finalistë. Për fat të keq, asnjë nga rivalët tanë të grupit nuk është kualifikuar në Ligën e Kombeve, që të na lironin një vend në rast suksesi aty.

Shqipëria ka luajtur 7 herë me Francën, duke arritur një fitore, një barazim e 5 humbje. Fitorja 1-0 dhe barazimi 1-1 janë në miqësoret e luajtura, përkatësisht në “Elbasan Arena” dhe në Renë, ndërsa ndeshjet zyrtare I kemi humbur të gjitha, katër në eleminatoret e Europianit në vitet 1990-1991 e 2011, dhe një në finalet e Euro 2016-ës në “Stadë dë Frans” të Parisit.

Kombëtarja ka luajtur 10 herë ndaj Turqisë, duke arritur 4 fitore, 2 barazime e 4 humbje. Një fitore e kemi në eleminatoret e Europianit, 3-0 në 1971, dhe 4 humbjet i kemi po në eleminatore, në Europian dhe në Botëror.

Në ndeshjet miqësore, kemi arritur 3 fitore dhe një barazim, me suksesin e fundit 3-2 një vit më parë, në Antalia. Me Islandën janë dy fitore e tre humbje, dhe suksesi i vetëm zyrtar është arritur në 1991. Bilanc më të mirë me Moldavinë, dy fitore në eleminatoret e Europianit në 1995 dhe një barazim në miqësore.

Andorra po ashtu është rival i njohur, me të cilin jemi ndeshur tri herë, fitore 3-0 në Turneun Rothmans, si dhe humbje 0-2 e fitore 1-0 në miqësore. Për t’u theksuar, humbja 0-2 në Andorrë ishte ndeshja e fundit e një trajneri shqiptar në stolin e kombëtare, Sulejman Demollarit, 16 vjet më parë, në prill 2002./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono