Ekzekutimi me plumb në kokë në Mirditë, identifikohet një i dyshuar

15:15 | 18/10/201915:150

Grupi i hetimit për vrasjen në Zallë Xhuxhe të Mirditës ka arritur në gjurmët e një personi të dyshuar. Burime nga Prokuroria e Lezhës i thane ABC Neës që presim arrestimin e tij.

Pas pak më shumë se dy javë nga vrasja e Eri Zefit në Zallë Xhuxhe të Mirditës hetuesit po përgatiten t’i vendosin prangat një personi të dyshuar. Një burim nga grupi hetimor i tha ABC News që është identifikuar autori që ekzekutoi 34-vjeçarin.

Hetuesit nuk janë gati të përcaktojnë shkakun e vërtetë, por kanë siguruar disa prova sipas të cilave gjakmarrja nuk është motivi kryesor i vrasjes. Fillimisht i riu është ishte dhunuar fizikisht dhe nuk ka patur mundësi reagimi ndaj autorëve. Me pas ai është transportuar për t’u ekzekutuar atje ku u gjet i vrarë.

Nga këqyrja e kamerave të sigurisë të disa bizneseve përgjatë Rrugës së Kombit dhe vendit ku u pa për herë të fundit viktima, hetuesit zbuluan një makine që ka lëvizur kohën kur ndodhi krimi. Kjo provë u dha drejtim tjetër hetimeve.

Arrestimi i personit të dyshuar do të hedhë më shumë dritë mbi këtë ngjarje të rëndë fillim Tetori në Mirditë. Ekzekutimi i Eri Zefit u bë me plumb në kokë 50 metra larg Rrugës së Kombit në njësinë administrative të Fanit./ABC News Albania

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono