EKSKLUZIVE/ Gjobvënie dhe punësim në OSHEE e spitale, ABC News zbardh dosjen e grupit “Bajri”

17:00 | 23/11/201917:000

Gjykata e Krimeve të Rënda dha sot vendimin për anëtarët e grupit “Bajri”. Gjykata la në burg: Safet Bajri (Rustemi), Ilir Rustemi, Astmer Bilali, Ismet Idrizi, dhe Behar Bajri, ndërsa për Jorida Muratin u caktua “detyrim paraqitje.

Ndërsa detyrim paraqitje është dhënë për 3 punonjësit e spitalit të Shkodrës: Senad Halluni, Florine Hoxha dhe Mira Nikaj

Sakaq, në dosjen hetimore të policisë të zbardhur për abcnews.al nga gazetarja Glidona Daci është edhe një bisedë mes Ilir Rustemit, pjesë e grupit “Bajri” dhe një biznesmeni me inicialet A.V, të cilit i kërkonin 5 000 euro.

Biseda është regjistruar në prill të vitit të shkuar dhe konfirmon sipas prokurorisë se dy personat e përgjuar kishin një raport financiar mes tyre.

Biseda e përgjuar:

999- o tan me fillu vlla tashi noj gja si e këna lan, hallet ti di e hallet mi din!
406- ilir vlla me dt 2 ose me 3 do të cojë një shok me të taku dhe do mbyllim një pjes
999- ok vlla
406- flm te rujt zoti.

Prokuroria vëren se po në të njëjtën situatë, Ilir Rustemi është me shtetasin me inicialet D.D, mik i afërt i familjes Bajri, i cili dyshohet se bënte lidhjen mes biznesmenit dhe grupit për marrjen e parave.

Përmbajtja në dosjen e prokurorisë:

“Në rrethana të paqarta dhe që nuk pranohet të sqarohen nga A.K, i con një mesazh telefonik Ilir Rustemit më datë 26 prill 2018 ku i shkruan:

“Ilir si kalove me bani tel ardiani tha ma ban hallall thuji ilirit deri nesër nuk mundem me ardh prz vec nëse 99% kryej pun tha e vit ë takoj me respekt dori”.

Ndërkaq, nga traskripttte e Prokurorisë rezulton të jetë përgjuar edhe Jorida Murati  e dashura e Behar Bajrit. Sipas organit të akuzës ajo ka qenë e përfshirë në aktivitete kriminale të Behar Bajrit.

Jorida Murati e cila rezultonte e punësuar në spitalin e Shkodrës shkonte rregullisht për të takuar Behar Bajrin në Holandë dhe porositë e tij ia përcillte pjesës tjetër të grupit.

Gjatë gjithë periudhës kur ajo ka qenë e punësuar në spital si infermieren është paguar edhe pse nuk ka qenë fare në qytetin e Shkodrës.

Në funksion të këtyre konstatimeve janë edhe deklarimet e personave që tregojnë rrethana të hetimit.

Ndërkohë një tjetër femër është e përfshirë, e cila kryente punësim te paligjshme në OSHEE e Shkodrës për llogari të grupit kriminal Bajri. Bëhet fjalë për F.Gj e dashura tjeter e Behar Bajrit. Edhe kjo punësonte njerëz fiktivisht në OSHEE-në e Shkodrës, për llogari të grupit “Bajri”.

Sipas Prokurorisë F.GJ ka mbajtur konktake me Bajrin dhe njërin prej bashkëpunëtorëve të tij Sirjan Alla. Kjo e fundit duke shfrytëzuar njohjet e saj me fisin Bajri ka ndërmjetësuar dhe duke marrë përsipër probleme si  të cilat fillojnë nga provimet në fakultet deri tek punësimet.

Në seancën e sotme Behar dhe Safet Bajri i cilësuan sajesa akuzat ndaj tyre.

Mos na mbani pa të drejtë. Gjithçka e kemi nga Anton Martini. Janë akuza të sajuara. Duan të na mbajnë në burg me çdo kusht”, janë shprehur të pandehurit, Behar dhe Safet Bajri.

Gjykata e Shkallës së Parë e Krimeve të Rënda Tiranë, pranoi dje kërkesën e mbrojtësit avokatit Arbër Hoxha dhe 4 anëtarëve të grupit “Bajri” për shuarjen e masës së sigurisë të vitit 2018, për shkak të mbarimit të afateve të paraburgimit. Megjithatë, anëtarët e grupit Bajri do të vazhdojnë të qëndrojnë në paraburgim, pasi ndaj tyre, mbetet në fuqi masa e sigurisë “arrest me burg” dhënë të mërkurën.

4 anëtarët e grupit Bajri u arrestuan në kuadër të operacionit “Oaz”, ndërsa akuzohen për gjobvënie dhe punësim në OSHEE e spitale . Po sipas hetimeve, anëtarë të grupit Bajri, në bashkëpunimin me njëri-tjetrin kanë përfituar shuma parash nëpërmjet kanosjes dhe shtrëngimit ndaj dy shtetasve./abcnews.al

 

 

 

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono