Ekonomia në ngërç, ekspertët: Shkak rënia e konsumit dhe niveli i papunësisë

15:16 | 14/01/202015:160

Ekonomia shqiptare hyn në stanjacion. Sipas të dhënave të INSTAT inflacioni në muajin dhjetor ishte vetëm 1.1 % ose më i ulti  i regjistruar në 9 muajt e fundit.

Ekspertët e shohin me shqetësim këtë situatë ndërsa japin alarmin se rënia e inflacion është tregues se konsumi ka pësuar një rënie të fortë po ashtu edhe  eksportet apo niveli i pagave. Ky nivel inflacioni vlerësohet të jetë jo normal për muajin dhjetor ku konsumi është më  i lartë si pasojë e festave.

“Nuk kemi rritje të pagave në sektorin publik, për rrjedhojë nuk kemi as në sektorin privat”.

Zef Preçi sygjeron marrjen e masave të menjëhershme nga institucionet. Sipas tij Banka e Shqipërisë e ka të vështirë të ndërhyjë për shkak të nivelit të lartë të parave që qarkullojnë në mënyrë informale.

“2019 ishte viti me volumin më të madh të parave që qarkullojnë jashtë bankave, pra mundësia për të përmirësuar përformancën fiskale të qeverisë është e limituar”, u shpreh ai.

Ndërkohë shqetësues është edhe fakti se gjendjes së përgjithshme ekonomike pritet ti bashkohen edhe efektet negative nga tërmeti të cilat sipas ekspertëve ende nuk janë reflektuar plotësisht.

“Krijimi i kësaj situate me një tkurrje të ekonomisë në tërësi të jetë shkaktuar për shkak të tërmetit. Dëmet e tërmetit mund të barazohen me volumin e taksave të pambledhura”, tha më tej ai.

Sipas të dhënave nga Instituti i Statistikave, inflacioni mesatar për vitin 2019 rezultoi 1.4%, në rënie të ndjeshme nga niveli 2% i  regjistruar për vitin 2018. Ky nivel inflacioni është poshtë objektivit të Bankës së Shqipërisë prej 3 %./abcnews.al


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono