E realizoi ndërsa vuante nga psikoza, vërtetohet autenciteti i autoportretit të Van Gogh

14:40 | 21/01/202014:400

Autoportreti i Vincent Van Gogh më në fund është shpallur origjinal pas shumë viteve pasigurie. Ekspertët e artit e kanë identifikuar Self Portrait të vitit 1889 si veprën e vetme të pikturuar nga mjeshtri holandez, ndërsa ai vuante nga psikoza.

Piktura u konfirmua si autentike nga Muzeu Van Gogh në Amsterdam.

Ekspertët përcaktuan se ajo ishte pikturuar ndërsa Van Gogh ishte në një azil në Saint-Remy të Francës në fund të verës së vitit 1889.

Dyshimet mbi origjinalitetin e pikturës filluan që në vitin 1970.

Galeria Kombëtare në Oslo të Norvegjisë, e cila zotëron veprën, ia dërgoi ekspertëve holandezë, të cilët përdorën analiza me rreze X të pikturës, studime të furçave si edhe referencat në letra drejtuar vëllait të Van Gogh, Theos.

Van Gogh në letrën drejtuar vëllait të tij në shtator të vitit 1889 shkruante se pikturën e realizoi ndërsa ishte sëmurë.

Artisti shkroi se ishte goditur nga një “episod i rëndë psikotik” që i nisi në korrik dhe i zgjati 6 javë.

Megjithëse ndihej i aftë të pikturonte, tha se kishte ende shqetësime.

Ai ndoshta e pikturoi këtë portret për t’u pajtuar me atë që pa në pasqyrë: një person që ai nuk dëshironte të ishte, por ishte. Kjo është pjesë e asaj që e bën pikturën kaq të jashtëzakonshme dhe madje terapeutike.

Portreti ka qenë në zotërim të Nasjonalmuseet që nga viti 1910 kur është blerë nga një koleksionist privat, duke e bërë atë të parin nga vetë-portretet e Van Gogh të jetë në një koleksion publik./abcnews.al

 


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono