Dy Koretë drejt normalizimit të marrëdhënieve


10:18 | 13/02/2018

Lideri i Koresë së Veriut, Kim Jong-un ka pritur delegacionin e lartë që mori pjesë në lojërat olimpike dimërore në Jug. Ai bëri thirrje për vazhdimin e pajtimit dhe dialogut ndër-korean.

Lideri i Koresë së Veriut ka bërë thirrje për një zgjatje të mëtejshme të kilmës së ngrohtë të pajtimit me Jugun të mundësuar nga Lojërat Olimpike Dimërore. Kim Jong-un, bombat bërthamore dhe testet raketore të të cilit shkaktuan tension ndërkombëtar, ka falenderuar Seulin për mirëpritjen e regjimit komunist në lojërat që zhvillohen në Pejongçan.

Ofensiva sharmante e dukshme e Koresë së Veriut është drejtuar nga motra e diktatorit, Kim Yo-jong. Presidenti i Koresë së Jugut, Moon Jae-in tha se SHBA është e hapur për bisedime me Penianin. Ai nuk dha sqarime të mëtejshme për këtë dhe për mediat ndërkombëtare i është referuar deklaratës së zëvendëspresidentit Mike Pence gjatë rikthimit në Uashington. “Nëse dëshirojnë të bisedojmë, do të bisedojmë”, ka thënë numri dy i Shtëpisë së Bardhë për Uashington Post.

Ndërsa pjesëmarrja e Koresë Komuniste në Lojërat Olimpike Dimërore është parë si shënim I përmirësimit të mardhënieve, ka pasur edhe shqetësime se kjo gjë ka lejuar atë të marrë një fitore në propagandë. Pas kthimit të delegacionit të lartë nga Jugu, Kim Jong-un falenderoi Seulin për prioritetin që I ka dhënë pjesëmarrjes së Penianit në lojëra. Sipas agjencisë koreanoveriore të lajmeve KCNA, ai dha instruksione të rëndësishme se sit ë zgjatet klima e ngrohtë e pajtimit dhe dialogut.

Në një imazh të pazakontë të publikuar nga agjencia, shikohet Kim Jong-un me motrën e tij dhe kreun ceremonial të shtetit Kim Yong-nam, të cilët qëndrojnë krah për krah. Kim Yo-jong, e cila mori pjesë në ceremoninë hapëse të lojërave dimërore, i dorëzoi një letër presidentit të Koresë së Jugut, në të cilën lideri I regjimit komunist i kërkonte që të vizitonte sa më parë Veriun. Kësaj ftesë Moon Jae-in iu përgjigj në mënyrë positive, duke thënë se do kërkojë krijimin e kushteve për mundësimin e vizitës.

Ndërkohë, ky afrimitet mes Koreve është parë me skepticizëm nga Japonia. “Unë jam i vetëdijshëm se disa njerëz argumentojnë se për shkak se Koreja e Veriut po angazhohet në dialog, ne duhet t’i shpërblejmë ata. Sinqerisht mendoj se kjo pikëpamje është shumë naïve. Besoj që KOreja e Veriut dëshiron të blejë kohë për të vazhduar me programin e saj bërthamor dhe raketor”, theksoi ministri i jashtëm i Japonisë, Taro Kono./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono