Durrës, Rama: Mundësi për vende pune me pagë deri në 80 mijë lekë


13:44 | 14/06/2018

Kryeministri  Edi Rama deklaroi në Durrës se panairet e punës janë një mundësi për të gjetur punë me pagë mujore nga 25 mijë lekë deri në 80 mijë lekë. Në këtë panair në qytetin bregdetar ofrohen 1047 vende pune.

E përsërit sa herë i jepet mundësia se vende të lira pune ka. Konfirmimin e ka marrë edhe nga sipërmarrësit durrsakë.

“Të mos thonë që nuk ka vende pune. Ne jemi me konfeksione, punësojmë 250 persona. Edhe nëse nuk janë të trajnuar, ne i trajnojmë. Kemi kolektivin prestar, rrobaqepës, mekanikë, elektrikë, kemi mundësi plot për t’i punësuar”, shprehet një sipërmarrës.

Në panairin e punës në Durrës që u hap për të dytën herë, ofrohen 1047 vende të lira pune të të gjitha kategorive e profileve. 480 vende vakante pune janë negociuar vetëm nga zyrat e punës, ndërsa pjesa tjetër drejtpërdrejtë nga bizneset. Kërkesat janë edhe për zanate të tilla si saldatorë.

Edi Rama: “Ka mungesë për saldatorë. Saldatorët janë problem, sepse në të gjithë këto kompanitë e reja që janë hapur, që punojnë si ju, edhe në ndërtime si stadiumi kombëtar, TAP-i e ndërtime që kanë struktura metalike ka mungesë dhe prandaj duhet të fuqizojmë shumë arsimin profesional”.

Kryeministri Rama u shpreh se ky panair jo vetëm dëshmon edhe njëherë ritmin e zhvillimit ekonomik, që sjell nevojën gjithnjë në rritje për punonjës të kualifikuar por edhe pagat, që variojnë deri në 800 mijë lekë të vjetër.

Edi Rama: “Aspekti tjetër është te pagat, nga 250 mijë, 300 mijë lekë, në 600, 700 mijë, apo 800 mijë lekë. Është e gjithë gama, janë të gjitha profesionet, por vazhdon vakumi i madh që është krijuar në shumë vite dhe që po mbushet pak nga pak, por jo aq sa duhet, sepse është e pamundur të mbushet në kaq kohë të shkurtër sa ka filluar të vihet në shina arsimi profesional. Këtu është e gjithë sfida jonë, që njerëzve t’iu ofrojmë mundësi për punë”.

Për kreun e qeverisë këto panaire janë të domosdoshëm që të bindin njerëzit se mundësitë për punë nuk mungojnë. Mjafton t’i kërkosh.

Edi Rama: “S’kemi asnjë rrugë tjetër, të vazhdojmë të këmbëngulim, të këmbëngulim sepse është një mentalitet i tërë që duhet thyer”./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono