Dorëhiqet guvernatorja e Madridit, falsifikoi diplomën


22:45 | 25/04/2018

Akuzat për vjedhje dhe falsifikim të diplomës kanë detyruar guvernatoren e Madridit, në Spanjë, të japë dorëheqjen. Lëvizja përbën një goditje të rëndë për partinë e kryeministrit Rahoj, e përfshirë në një sërë skandalesh.

Guvernatorja e rajonit të Madridit, në Spanjë, ka dhënë dorëheqjen pas akuzave për vjedhje dhe atyre për falsifikimin e diplomës së studimeve master. Kristina Sifuentes e cilësoi si një sulm me motive personale publikimin e videos së vitit 2011, që e tregon atë duke i treguar artikujt rojes së një supermarketi.

Thuhet se ajo kishte marrë dy kuti me krem kundër plakjes, me vlerë 40 euro. Ndërsa javën e kaluar, 53-vjeçarja hoqi dorë nga diploma e masterit pasi u zbulua se dy firma në dokument ishin falsifikuar. Një figurë shumë premtuese në Partinë Popullore, që aktualisht qeveris Spanjën, Sifuentes ishte ndodhur nën presion edhe nga kundërshtarët e saj politikë.

Në një konferencë për shtyp të mërkurën, ajo tha se kishte planifikuar të jepte dorëheqjen javën e ardhshme, por e mori më herët vendimin për shkak të akuzave. Dorëheqja e 53-vjeçares përbën një goditje të fortë për kryeministrin Mariano Rahoj, partia e të cilit është përballur me një sërë skandalesh të njëpasnjëshme.

Duke u tërhequr nga detyra, zonja Sifuentes ka shmangur mbajtjen e një mocioni mosbesimi, që mund të sillte një rotacion politik dhe rrjedhimisht kalimin e Madridit nën kontrollin e së majtës./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono