“Do zgjedh unë i pari jo ti”, Kurti tregon debatet me Isa Mustafën për formimin e qeverisë

21:45 | 12/12/201921:450

Kreu i Lëvizjes Vetëvendosje njëherësh dhe kandidati për kryeministër Albin Kurti në Kosovë, ka treguar së fundmi detaje nga bisedimet për marrëveshjen e koalicionit me Isa Mustafën.

Kurti tregon se si ngecën bisedimet, kur të dy filluan të flasin për pozitat qeveritare. Kreu i VV është shprehur se Mustafa i ka thënë se duhet të zgjedhë ai i pari një ministri.

Në fillin e bisedimeve Mustafa ka thënë se duhet që ai të zgjedhë i pari. Unë i thash që të parët duhet të zgjedhim ne. Ai tha se duhet të zgjedhë i pari, i thash jo unë duhet të zgjedh i pari. Pyeta se a keni ndonjë ide se si të dalim nga kjo, tha jo nuk kam ndonjë ide. Nuk e di, tha unë duhet me zgjedh i pari”, është shprehur Kurti në RTK.

Më tej, Kurti është shprehur  se i ka propozuar kreut të LDK-së që të veprojnë sipas lojës në tenis, ku i pari do të bënte vetëm një zgjedhje, pastaj i dyti do të bënte dy. Mirëpo, edhe pas këtij propozimi, kreu i VV thotë se Mustafa donte të zgjidhtë i pari.

“Pa më dëgjuar deri në fund, tha unë po zgjedhi i pari”, është shprehur ai.

Ndërkaq, Kurti ka thënë se nuk mund t’i japë LDK-së në tavolinë më shumë se i jep populli. “Unë nuk mund të të jap në tavolinë më shumë se atë që të jep populli”, shtoi Kurti./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono