Diplomati Hale në Serbi: Palët të kthehen në tryezën e bisedimeve

14:39 | 08/03/2019

I dërguari i Uashingtonit, David Heil, ndodhet në Serbi për të porositur për ndalimin e provokimeve dhe kthimin në dialogun mes palëve. Beogradi e cilësoi si një platformë lufte, platformën e përbashkët për dialog që u miratua të enjten në parlamentin e Kosovës.

David Heil, nënsekretari amerikanë për punë politike, ka arritur në Serbi për të cuar mesazhin për ndalimin e provokimeve nga të dyja palët dhe kthimin në dialog. Këtë porosi e ka sjellë edhe në Beograd, optimist se brenda këtij viti mund të arrihet marrëveshja. Kaq është bërë e ditur në njoftimet për shtyp.

Por, politikani amerikan ka arritur në mes ngjarjes që përcojnë tension.

Serbia reagoj në platformën e Kosovës duke e quajtur një platformë për luftë që të vetëm gjë kërkon është njohja e pavarësisë. Reagimet kanë nisur një ditë më parë.

Marko Gjuriç, Shef i Zyrës për Kosovën: “Platforma nuk përmend asnjë moment të drejtat e serbëve, kishat apo pronat, por kërkohet njëfarë dëmshpërblimi i luftës, mbase për qindra mijëra serb të dëbuar, për djegien e çdo prone dhe vrasjen e mijëra bashkëkombasve tanë?”

Pas largimit të Heil nga Presidenca vazhdoi puna dhe gjithçka u sqarua në rrejtet sociale. Drejt Presidencës nxitimthi u mblodhën njerëzit e rëndësishëm për sigurinë pasi Presidenti, Aleksandër Vuçiç, ka mbajtur mbledhje të Këshillit për Siguri Kombëtare për ta diskutuar platofrmën për një përgjigje të fortë të Serbisë.

Kryeministrja e Serbisë, Ana Brnabiç, ka thënë se Serbia tani do të ketë reagim të qetë, por kjo është goditje ndaj dialogut.

Ana Brnabiç, Kryeministre e Serbisë: “Presidenti, Aleksandër Vuçiç, ministri i jashtëm dhe unë të dielen do të takohemi edhe me Patriarkun e Kishës Ortodokse për të diskutuar pasi kjo paraqet fundin e dialogut”.

Diplomacia amerikane ka sjellë insistimin për një zgjidhje për Kosovën dhe ulje tensionesh, pavarësisht se kjo duket e vështirë në një ditë të tillë. /abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono