Dhunë në futbollin anglez edhe për 21-vjeçarët

15:21 | 05/12/2018

Sërish dhunë tifozësh në futbollin anglez. U shkaktuan dëme të mëdha materiale, dhe u bënë arrestime, ndonëse bëhej fjalë thjesht për një ndeshje mes 21-vjeçarëve.

Në fund të fundit ishte thjesht një ndeshje 21-vjeçarësh. Kush e priste që nga një përballje kaq e pafajshme, aspak e nivelit të lartë, të shkaktohej një problem kaq i madh.

Luhej Port Vejl-Stouk Siti në kampionatin e Shpresave në Angli, por ishte një derbi, dhe u duk se ferri zbriti mbi tokë. Plot 4 000 tifozë miq kishin ardhur në stadium, dhe një pjesë e tyre shkaktuan dhunë e dëme të mëdha materiale e njerëzore.

Përleshjet ishin jashtë stadiumit para dhe pas ndeshjes, ndërsa brenda në stadium u hodhën flakadanë, fishekzjarre, shishe apo monedha, sidomos në pjesën e parë.

Në pushim të takimit, u shkatërruan edhe tualetet, bashkë me dritaret e tyre, si dhe u shkulën ulëset nëpër tribuna. Plot 180 forca policore ndodheshin në stadium, por ata thjesht shmangën më të keqen, ndërsa edhe u sulmuan nga tifozët e zemëruar, ashtu siç u sulmuan edhe rojet private të sigurisë.

U arrestuan 11 tifozë, dhe një roje sigurie mori trajtim mjekësor pasi u godit me shishe në kokë. Policia deklaroi se ky ishte operacioni më i madh policor i saj në qytet në 10 vitet e fundit.

Sfida ishte derbi i parë mes dy ekipeve pas 16 vitesh, u ndoq nga gati 8 000 tifozë, dhe përfundoi me rezultatin 4-0 për Port Vejlin. /abcnews.al





Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono