Detaje të reja nga atentati, dalin pistat hetimore të ngjarjes në Peqin

09:00 | 14/12/201909:000

Një atentat me armë zjarri u regjistrua mbrëmjen e së premtes në anë të rrugës nacionale Elbasan-Peqin në fshatin Përparim.

Si pasojë e këtij atentati, mbeti i vdekur Andi Zylyfi, 26-vjeç me banim në këtë fshat dhe u plagos rëndë shoku i tij Ardit Uruçi, 23-vjeç, banues në të njëjtin fshat.

Megjithëse i është dhënë ndihma e parë 26-vjeçari ka mbërritur pa jetë në spital, ndërsa shoku i tij ka marrë plumba në kokë dhe në këmbë, dhe ndodhet në gjendje kritike për jetën .

Sipas të dhënave nga vendi i ngjarjes, persona ende të paidentifikuar nga policia, kanë qëlluar me breshëri armësh, në momentin kur ata ndodheshin në një automjet. Më pas ata janë larguar me shpejtësi.

Në vendin e ngjarjes kanë mbërritur forca të shumta policie, dhe forca të FNSH, të cilat kanë rrethuar zonën përreth, dhe kanë ngritur postblloqe në akset kryesore, veçanërisht në akset Peqin-Elbasan dhe Peqin-Durrës.

Ende nuk bëhen të ditura motivet e kësaj ngjarje. Por mësohet se viktima viktima Andi Zylyfi ka lidhje familjare me Endrit Alibej e Arben Dylgjern, të cilët mbetën të vrarë në një atentat më 29 dhjetor të vitit të kaluar, në Bradashesh të Elbasanit bashkë me shtetasin turk Erdal Duranay.

Pista kryesore e hetimit mbetet ajo e hakmarrjes. Por një pistë tjetër ku grupi hetimor po punon, ka të bëjë me detyrën e babait të viktimës, si punonjës i burgut të Peqinit. /abcnews.al


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono