Derbi i Mançesterit, United surprizon kampionët në “Etihad”

20:36 | 07/12/201920:360

Është mbyllur takimi derbi mes Manchester City dhe Manchester United, me fitoren 1-2 të “Djajve të Kuq”. Të besuarit e Ole Gunnar Solskjaer zgjidhën gjithçka në pjesën e parë, më saktësisht, brenda gjashtë minutave, pasi Rashford dhe Martial gjetën rrjetën.

Sulmuesi anglez shënoi me anë të një penalltie në minutën e 23-të, ndërsa Martial në minutën e 29-të çoi shifrat në 2-0. Manchester City do të gjente një gol shpresë në minutën e 86-të me anë të mbrojtësit Otamendi, por nuk arritën të gjenin më pas një gol barazimi.

Zhgënjimi i Raheem Sterling

Mahrez kishte rastin më të mirë, por gjuajtja e ylli algjerian u ndal nga një pritje e shkëlqyer e David De Geas. Me këtë humbje në shtëpinë e tyre, Manchester City e sheh me dylbi Liverpoolin kryesues dhe kanë plot 14 pikë më pak se të kuqtë e Jurgen Klopp.

Ndërsa Manchester United, vazhdon ngjitjen në tabelë pas dy fitoreve radhazi (Tottenham, Man. City), duke u renditur në vend të pestë me 24 pikë./abcnews.al

Festa e Martial pas golit të dytë (29′)

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono