Dekanët mbështesin ministren Besa Shahinin

17:24 | 15/04/2019

Katër dekanë të fakulteteve të Universitetit të Tiranës si dhe një përfaqësues i studentëve në Senat kanë mbështetur vendimin e ministres së Arsimit, Besa Shahini, për pezullimin nga detyra të Rektorit Mynyr Koni. Madje dekanët e Fakultetit të Ekonomisë Dhori Kule, Fakultetit të Drejtësisë Artan Hoxha, Shkencave Sociale Edmon Rapti dhe ai i Gjuhëve të Huaja Artur Sula e konsideruan këtë një veprim të vonuar dhe në përputhje me Ligjin e Arsimit të Lartë.

Kule: “U bë kontrolli i ministrisë, janë bërë kontrolle të ndryshme dhe pas një viti e gjysmë ligji më së fundi gjeti dritë jeshile. Deri më sot vlerësimi është se këtë e ka mbajtur peng politika”.   

Hoxha: “Ne e vlerësojmë në përputhje të plotë me Kushtetutën, në përputhje të plotë me ligjin e Arsimit të Lartë dhe statutin e Universiteti të Tiranës”.  

Dekanët bënë të ditura në një komunikim me gazetarët shkeljet që sipas tyre ka kryer Rektori i Universitetit të Tiranës, Mynyr Koni.

Dekanët e katër fakulteteve në Universitetin e Tiranës deklaruan se pezullimi i Rektorit Mynyr Koni do të sjellë zgjidhje të ngërçit të krijuar në institucionin e arsimit të lartë më të madh në vend dhe një sërë problemesh do të marrin zgjidhje./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono