Dëbora mbulon Ballkanin, Serbia më e prekura

23:40 | 10/01/2019

Reshjet e dëborës në Ballkan kanë shkaktuar probleme të shumta në trafikun rrugor. Në Serbi një person humbi jetën si pasojë e një aksidenti, ndërsa rreth 5 mijë banorë në jug-lindje të vendit kanë mbetur të izoluar.

Dëbora ka bllokuar gjithcka në shumë zona të Ballkanit. Disa qytete në Serbi janë në gjendje të jashtëzakonshme pasi të reshurat nuk kanë ndaluar për më shumë se 24 orë dhe trashësia e saj ka arritur deri në dy metra në qytetin Lluqani.

Një aksident ka ndodhur në qytetin e Krushevcit, ku shoferi i autobusit ka vdekur pas përplasjes me një makinë, kurse një grua shtatzënë i është nënshtruar lindjes me prerje cesariane pas aksidentit dhe gjendet në rrezik për jetën. Kurse në jug-lindje të Serbisë rreth 5.000 persona nuk kanë komunikim me pjesët tjera për shkak të të reshurave që kanë zgjatur prej një jave në qytezën Nova Varosh.

Disa persona kanë vdekur si pasojë e ngrirjes javët e fundit vetëm në Serbi dhe numri i aksidenteve është shtuar dukshëm pasi dëbora e re bllokon rrugët në vazhdimësi. Shumë pjesë malore në tërë Ballkanin kanë ngelur pa energji elektrike dhe autoritet bëjnë thirrje për lëvizje të kujdesshme. Në pjesët malore gjendja është më alarmante pasi dëbora është dendur sic duket edhe në Bosnje gjatë shpëtimit të deleve të mbuluara nga dëbora./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono