Debate të ashpra në seancën e jashtëzakonshme në Kosovë

11:58 | 23/02/201811:580

Ka nisur me debate të ashpra seanca e jashtëzakonshme e Parlamentit të Kosovës ku pika e vetme në rend të ditës është ratifikimi i marrëveshjes për demarkacionin me Mali e Zi. Partia Demokratike e Kosovës nëpërmjet kryetarit të grupit të saj parlamentar u bëri apel deputetëve të votojnë pro demarkacionit, ndërsa Lista serbe nuk ka qenë e pranishme në sallë pasi një ditë më parë konfirmoi se do të votonte kundër.

Kryeministri i Kosovës, Ramush Haradinaj, i është drejtuar me tone të ashpra deputetëve të Lidhjes demokratike të Kosovës duke i pyetur se për cafrë arsye nuk e pranojnë raportin e Bulliqit. Më pas Haradinaj theksoi se për sa kohë do të ishte në krye të ekzekutivit raporti nuk do të hiqej nga votimi, kërkesë kjo e LDK-së.

Avdullah Hoti i është kundërpërgjigjur kryeministrit Ramush Haradinaj, duke i thënë se deputetët e partisë së tij nuk mund të quhen tradhtarë dhe se Haradinaj nuk mund të harronte që po fliste me një pari më të madhe në numër në sallën e parlamentit se sa partia që ai vetë drejton.

Shefi i grupit parlamentar të Vetëvendosjes Glauk Konjufca kërkoi votimin e menjëherëshëm të demarkacionit duke thënë se nuk do të merrte asnjëherë 80 votat që i duhen për miratim.

Kryetari i parlamentit Kadri Veseli ndërpreu seancën për disa minuta pushim dhe kërkoi takim në kryesinë e kuvendit me shefat e grupeve parlamentare. /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono