Dasma mbretërore: Princi Charles do të shoqërojë Meghan në altar

14:53 | 18/05/2018

Princi Çarls, njëkohësisht bashkëshorti I mbretëreshës Elizabet e Dytë, do të shoqërojë Megan Markëll në altar në martesën me princin Herri. Ndërkohë, kjo dasëm ka ngjallur mjaft polemika në Mbretërinë e Bashkuar për shkak të shpenzimeve marramendëse.

Janë orët e fundit të përgatitjeve dhe provave të përgjithshme dhe më pas më në fund Megan Markëll do t’i thotë “po” princit Herri të Anglisë, në atë që është njoftuar si martesa e shekullit. Do të jetë princi Çarls, ai që do ta shoqërojë ish aktoren në altar në kishën e kështjellës Uindsor. Në dasëm do të marrë pjesë edhe princi Filip, 96 vjeç, bashkëshorti i Mbretëreshës Elizabeta e Dytë. Pallati Kensington saktëson se ishte çifti që do të martohet që i kërkoi princit Çarls të shoqërojë Megan në altar, dhe ky i fundit pranoi me kënaqësi. Në këtë mënyrë Princi zë vendin e babait, Thomas Markëll, i cili në momentet e fundit njoftoi se nuk do të marrë pjesë në dasëm për shkak të problemeve me shëndetin.

Ndërsa mamaja e Meghan, Doria Ragland, 61 vjeç është prezantuar me të gjithë anëtarët e familjes mbretërore. Ajo ka kaluar një pasdite shumë të këndshme. Takimi më i rëndësishëm është ai me mbretëreshën Elizabeta e Dytë. Ish-aktorja dhe mamaja e saj, bashkë me një grup shoqesh më të ngushta dhe stilistin e parukjerin, do të kalojnë orët përpara dasmës në një hotel. Kurse Herri, siç e do tradita, do të përshndetet me bashkëshorten e ardhshme dhe do të shkojë me princin Uilliam në një shtëpi fshati, jo shumë larg Kështjellës Undsor.

Ndërkohë, dasma e shekullit nuk ka kaluar pa polemika. Analistë të ndryshëm në Britani, por edhe qytetarë kanë ngritur shqetësimin lidhur me shpenzimet marramendëse. Vetëm fustani i bardhë i Meghan do të kushtojë 100 mijë paund, thënë ndryshe rreth 120 mijë euro. Por polemikat kryesore janë për shpenzimet rreth sigurisë. Plotë 32 milionë euro kushton shërbimi i “Unazës së Hekurt”, një ekip i përbërë prej shumë agjentësh specialë, snajperistë dhe civilë, të cilët janë urdhëruar që të bëjnë çdo gjë që është e nevojshme në mënyrë që dasma e shekullit të zhvillohet e qetë dhe sipas planit. Por kush paguan për këtë dasëm. Përgjigja është shumë e thjeshtë, taksapaguesit e Mbretërisë së Bashkuar. Prandaj dhe tejkalimet në shpenzime si p.sh 60 mijë euro për tortën, 120 mijë euro për lulet dhe 300 mijë euro për ushqimin, ka zemëruar qytetarët britanikë./abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono