CR7 “pa frena”: Duam të fitojmë gjithçka, po zbavitemi me Sarrin

14:49 | 21/10/201914:490

Juventusi është gati për fitoren e radhës. Bardhezinjtë e Sarrit presin nesër Lokomotivën e Moskës në shtëpi. Champions League është objektivi primar i kampionëve të Italisë, pavarësisht se Cristiano Ronaldo dëshiron të fitojë çdo trofe të mundshëm.

“Zonja e Vjetër” kryeson grupin D bashkë me Atletico Madrid me nga katër pikë, ndërsa rusët ndjekin me një pikë më pak. Ylli portugez flet për gjendjen dhe ecurinë e skuadrës.

Futbolli i Sarrit po fillon e aplikohet çdo ditë e më shumë dhe lojtarët po zbaviten. 34-vjeçari e pëlqen stilin e trajnerit dhe nuk i vendos limite vetes për të ardhmen e tij.

JUVENTUSI – “Skuadra po bën mirë, po luajmë një futboll ndryshe, më shumë sulmues. Roli im është i njëjtë dhe ndihem i lumtur. Kemi trajner të ri, shokë të rinj skuadre dhe po përmirësohemi. “Topi i Artë”? Kam zhvilluar një sezon fantastik, por nuk vlen aspekti individual”.

OBJEKTIVAT – “Duam të fitojmë gjithçka, si kampionatin edhe Championsin. Do ta kemi të vështirë, por Juventusi duhet të mendojë për objektiva të mëdha”.

SARRI – “Më pëlqen mënyra me të cilën dëshiron që të luajë skuadra. Me të kemi më shumë qarkullim topi dhe krijojmë më shumë raste. Kemi më shumë besim krahasuar me vitin e kaluar”.

E ARDHMJA – “Mosha është vetëm një numër për mua. Nuk është e thënë që në moshën 34-35 vjeçare ndodhesh në fund të karrierës. Ndihem shumë mirë dhe mund të vazhdoj të bëj diferencën”. /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono