Conte: S’e kuptuat mesazhin tim? Drejtuesit e kanë pranuar gabimin

16:11 | 08/11/201916:110

Inter do të tentojë fitoren nesër kundër Veronës, për të fshirë nga kujtesa humbjen kundër Dortmundit dhe për të vazhduar ndjekjen e Juventusit kryesues. Dueli i “San Siros” nuk pritet të jetë aspak i thjeshtë. Përballë ekipit të Antonio Contes do të jetë një nga dy mbrojtjet më të forta të forta të kampionatit.

Conte analizon kundërshtarin dhe rikthehet te fjalët e thëna pas humbjes në Champions. Trajneri leçez kërkoi përforcime në merkato, duke pranuar që Interi i tij ka mangësi kualiteti dhe eksperiencë në skuadër. “Verona? Duhet të kemi kujdes, ata bëjnë presing dhe vrapojnë pafund. Nuk do të jetë një ndeshje aspak e thjeshtë“.

SITUATA – “Kam besim te kontingjenti i lojtarëve. Të gjithë po japin shpirtin dhe po bëjnë gjëra të jashtëzakonshme. Më vjen keq nëse dikush i ka cilësuar si të gabuara fjalët e mia. Nuk shpërtheva, thjeshtë ishte një fjalim konstruktiv. Bëmë disa gabime përballë Dortmundit, por nuk doja të shigjetoja asnjë lojtar.

Nuk e di nëse klubi e kuptuar, unë jam për të ndryshuar atë që ka ndodhur gjatë nëntë viteve të fundit tek Interi. Gjithçka është në funksion të përmirësimit, jemi Interi dhe mund të përmirësohemi. Drejtuesit e pranojnë privatisht se mund të ishte bërë diçka më e mirë në merkaton e verës“, thekson Antonio Conte. /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono