Conte: Romën e refuzova për një arsye, Nainggolan të pyesë veten pse s’është tek Interi

13:59 | 05/12/201913:590

Interi dhe Roma përballen nesër mes tyre dhe trajneri Antonio Conte ka dalë para mediave dhe ka folur për ndeshjen dhe shumë çështje të tjera. Tekniku italian vlerëson kundërshtarin e tyre, që po kalon një moment pozitiv, ndërkohë që komenton edhe në lidhje me Lautaro Martinez. Conte tregohet i sinqertë kur pyetet në lidhje me ofertën që ka marrë nga Roma në të shkuarën. Në fund ai është ngacmuar edhe për Raidja Nainggolan, i cili po paraqitet mjaft mirë me skuadrën e Cagliari.

MOMENTI I MIRË DHE ELOZHET – “Ne dhe Roma po kalojmë një periudhë të mirë kohët e fundit. Fitorja e tyre në Verona e konfirmon këtë. Për këtë arsye ne po e përgatitim ndeshjen me detaje. E dimë se do të ketë momente të vështirë, por duhet të jemi në gjendje t’i përballojmë dhe të godasim kur të jetë e mundur. Klubi i Romës duhet të komplimentohet për mënyrën se si e ka zgjedhur grupin, me lojtarë të fortë dhe me një të ardhme të ndritur përpara”.

MARTINEZ DHE POROSITË – “Është një lojtar i ri, i cili ka mundësi plot të përmirësohet edhe më shumë. E ka vënë veten në shërbimin tonë dhe po rritet dita ditës. Por unë nuk dua të ndalem tek emrat e përveçëm, preferoj të flas për grupin. Të gjithë japin maksimumin, por duhet të përmirësohemi në mbajtjen e topit. Për të arritur objektiva të mëdha, duhet të vazhdojmë ta mbajmë gazin shtypur”.

DËMTIMET – “Duam ta mbyllin pjesën e parë të sezonit në mënyrën më të mirë të mundshme, më pas të rikthehemi e të rikuperojmë të dëmtuarit. Duhet të shtrëngojmë dhëmbët dhe të lutemi që gjithçka të shkojë mbarë. Dëmtimet? Nuk ka kohë për justifikime”.

OFERTA E TOTTIT – “E njohim njëri-tjetrin prej shumë kohësh dhe kemi një miqësi që ka zgjatur vite të tëra. Ai më shpjegoi projektin dhe e vlerësova qetësisht, duke menduar se nuk ishte koha e duhur për të marrë drejtimin e Romës. Interi nuk kishte kontaktuar akoma me mua atëherë. E refuzova propozimin në mënyrë të sjellshme. Nuk ishte momenti i duhur”.

NAINGGOLAN – “Jam shumë i afeksionuar pas tij. Kur isha te Chelsea doja ta merrja në Londër. Kalimi te Cagliari ishte vendimi i duhur, nuk kisha asnjë dyshim se do të paraqitej mirë. Por është gjithashtu e drejtë që Naingolan ta pyesë veten pse nuk është tek Interi dhe është në Cagliari”. /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono