CIA: Vrasja e gazetarit është urdhëruar nga Princi

11:06 | 17/11/2018

Agjencia Amerikane e Inteligjencës, CIA, është e bindur që vrasja e gazetarit Khashoggi është urdhëruar nga princi trashëgimtar i Kurorës së Arabisë Saudite. Por qeveria e Rijadit nuk pranon një gjë të tillë duke thënë se fajtorët do të dënohen me vdekje.

CIA është e bindur se princi trashëgimtar i kurorës saudite, Mohammed bin Salman, urdhëroi vrasjen e gazetarit disident Jamal Khashoggi. Kjo është zbuluar nga mediat amerikane në bazë të “burimeve të brendshme” të agjencisë. Sipas shërbimeve amerikane, edhe nëse nuk ka “ndonjë të dhënë konkrete” që provon fajin e princit, një veprim i tillë nuk do të kishte qenë i mundur pa miratimin e tij.

Dy ditë më parë, Rijadi tha se kishte identifikuar fajtorin dhe Prokurori i Përgjithshëm njoftoi se do të kërkonte dënimin me vdekje për 5 nga 11 të pandehurit. Midis tyre është numri dy i Inteligjencës Saudite, gjenerali Ahmed al-Assiri, një bashkëpunëtor i ngushtë i Princit. Por Arabia Saudite mohoi ndonjë përfshirje të Mohammed Bin Salman, i cili “nuk ishte në dijeni” për atë që po ndodhte në konsullatën në Stamboll më 2 Tetor.

Sipas Riajdit, komandoja me 15 agjentë e dërguar në Turqi, kishte për detyrë të bindte gazetarin për t’u kthyer në shtëpi, por pas një “përleshje,”Khashoggi-t iu bë një injeksion për ta vënë në gjumë. Por ky injeksion rezultoi fatal për bashkëpunëtorin e Uashington Post. Megjithatë, versioni saudit nuk i bind hetuesit turq që e konsiderojnë vrasjen “si të paramenduar”. Presidenti Recep Tayayip Erdogan tha se urdhëri kishte ardhur “nga majat më të larta të qeverisë saudite”, domethënë nga Princi i Kurorës./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono