Çështja “Tahiri”/ PD kërkon hetim parlamentar

14:13 | 12/02/2018

Pas mbledhjes së grupit parlamentar demokrat, Lulzim Basha ka njoftuar se opozita do kërkojë ngritjen e një komisioni hetimor parlamentar për kanabizimin e vendit dhe çështjen “Tahiri”. Në objektin e kërkesës parashikohet ndërhyrja e qeverisë dhe e Kuvendit në hetimet e Prokurorisë për ish-ministrin e Brendshëm.

Lulzim Basha: “Grupi paramentar i Partisë Demokratike ka marrë vendimin që të dorëzojë kërkesën për një komision hetimor për çështjen e drogës dhe çështjen e Saimir Tahirit, që është e njëjta çështje faktikisht. Kjo kërkesë ka marrë edhe mbështetjen edhe të grupeve të tjera opozitare dhe do të depozitohet ditën e sotme. I gjithë opinioni publik është i njohur me faktin se për dy vite me radhë, ndërsa Shqipëria shndërrohej në një hambar të kultivimit, mbjelljes, korrjes dhe trafikimit të drogës, Ministria e Brendshme, kryeministri dhe Policia e Shtetit dhe të gjithë hallkat e tjera ishin në disponim zyrtar të informacionit se kjo bëhej vetëm me përfshirje të drejtëpërdrejtë të kupolës më të lartë drejtuesve të Policisë së Shtetit”./abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono