Celtics fiton dhe finalen e dytë

14:36 | 16/05/2018

Boston Sëlltiks fitoi edhe ndeshjen e dytë finale të Konferencës Lindore në basketbollin amerikan. Kjo, pavarësisht se Lebron Xhejms pati një paraqitje madhështore.

Një lule nuk e sjell dot pranverën.

Kështu është fjala e urtë, dhe të paktën jo gjithnjë një superyll mund të fitojë i vetëm ndaj një skuadre.

Lebron Xhejms e ndjeu mirë këtë në Arenën e Bostonit, kur Klivlendi pësoi sërish humbje ndaj Sëlltiksave duke qenë në dizavantazh 0-2 me ndeshje në finalen e Konferencës Lindore të NBA-së.

Më i miri basketbollist në botë nuk e la aspak në baltë ekipin e tij, por shënoi plot 42 pikë, si dhe kapi 10 topa në tabela e shërbeu 12 asistë.

Një tripëll dabëll, që pati edhe një bllokim gjuajtjeje dhe peshë kosha për tri pikë.

Rrallë herë Lebroni ka qenë më mirë sesa mbrëmjen e fundit, por përsëri doli pak.

Klivlendi, nënkampion në fuqi, nuk iu përgjigj siç duhet udhëheqësit, dhe vetëm Kevin Lov pati një ndeshje pozitive, me 22 pikë e 15 topa në tabela.

Nëntë lojtarët e tjerë që ishin në parket kontribuuan gjithsej vetëm me 30 pikë, diçka që dënoi Kavaliersët.

Bostoni ndërkaq pati paraqitjen e dytë radhazi kolektive.

Formacioni rinor vendas sërish nuk u pengua aspak nga mungesa e yllit kryesor, Kajri Irvingut të dëmtuar, por secili nga lojtarët bëri detyrën.

Xhejlin Braun ishte më i miri me 23 pikë, 7 topa në tabela e 3 asistë, veçse nuk mbetën aspak prapa shokët e tij si Markus Morris, Xhejzën Tatëm, Al Horfort apo Terri Rozier.

Bostoni ia doli 107-94 duke ruajtur epërsinë e faktorit fushë dhe duke qenë një rrezik shumë i madh për Klivlendin dhe Xhejmsin.

Edhe pse basketbollistët e tanishëm kanë shumë pak përvojë, sërish efekti i një fanele kaq legjendare mund të jetë magjik, siç ka qenë gjatë gjithë këtij sezoni, sidomos tani në plej of.

Lebron e di mirë këtë, e di edhe se në moshën 33-vjeçare ai mund të mos e përballojë dot fizikisht një sezontë gjatë, më të gjatin e karrierës së tij./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono