Byro Politike/”Të ndryshohet ligji nëse shoqëria civile nuk nxjerr kandidat”

21:36 | 13/12/2017

Të ftuar në “Byro Politike” nga Juli Xhokaxhi: Preç Zogaj analist, Alket Hyseni deputet i PS-së, Aldo Bumçi deputet i PD-së dhe Arjan Curi gazetar, analist.

Diskutim për ngërçin e zgjedhjes së Prokurorit të ri të përgjithshëm të përkohshëm dhe mospjesmarrjen e opozitës në këtë proces.
Sipas Zogajt, është pozitiv momenti kur Rama fton Bashën për dialog për zgjedhjen e Kryeprokurorit, por në rastin konkret nuk ka kontekst, sepse dialogu nuk bëhet për çështje të zgjidhura qartë me ligj.

“Rama po mundohet të shfaqet si njeri i dialogut. Dialogu bëhet për të shmangur paragjykimin e këtij Prokurori të përkohshëm”.

Gjithashtu u tha se është në të mirë të opozitës që të mbajë një moment dialogimi, në mënyrë që të ketë një ndikim në zgjedhjen e Prokurorit.
Sipas deputetit të PD, ata janë për një zgjidhje konsesuale për zbatimin e ligjit dhe që kandidaturat të cilat vijnë, të zgjedhin më të mirën duke respektuar Kushtetutën dhe duke ndjekur procedurat e Kushtetutës.

Bumçi thotë se procedura e Prokurorit nuk është çështje ftesash, është në Kushtetutë, e cila percakton si zgjidhet Prokurori.

“Këtë fazë tani nuk e gjen në kushtetute dhe ligj. Të respektohet ajo dhe të ketë Vetting”.

Ndërkohë, Hyseni shprehet se nuk ka ngërç, por ka 2 momente juridike: Prokurorit aktual i mbaroi mandati, momenti i dytë është se Kushtetuta parashikon një organ që duhet ngritur (KLP) por që nuk është ekzistent.

Bumçi shprehet se fryma e gjyqësorit është që të shkëputej nga politika dhe njerëzit e inkriminuar por kjo nuk po ndodh. Prokurori është pjesë e themelit të shtetit.
Debati qendron ne faktin se Prokurori i përkohshëm do të ketë kommpetencë pezullimin, vlerësimin dhe inspektimin e prokurorëve të tjerë.

Sipas të ftuarve, për shkak të kësaj situate në të cilën ndodhemi, çdo lloj prokurori i ka duart e lidhura dhe nuk e prek dot dosjen “Habilaj” për shkak të vëmendjes së madhe mediatike.
Në përfundim Zogaj sugjeron që Prokurori i përgjithshëm i përkohshëm të zgjidhet dhe gjithashtu të funksionojë Byroja Kombëtare e Hetimit.

“Që të ketë zgjidhje duhet që mazhoranca ti qëndrojë fort zgjidhjes duke marrë përgjegjësitë dhe themelore. E rëndësishme është që i përkohëshmi të mos jetë pa limit”.

Ngërçi është tek shoqëria civile, nëse nuk nxjerr kandidat tjetër duhet që të ndryshohet ligji për këtë./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono