Burg për dy vëllezërit Santilno dhe Tesilvan Basho

15:28 | 19/10/201915:280

Burg për dy vëllezërit Santilno dhe Tesilvan Basho të njohur si anëtarë të grupit kriminal të Llanajve në Vlorë. Seancë për Bashot është zhvilluar e ndarë pasi për Tesin masat e sigurisë janë caktuar nga Gjykata e Vlorës. Ndërsa për Santilon nga Gjykata e Krimeve të Rënda. Tesi akuzohet për një sërë veprash penale, me e fundit për gjobvënie ndaj dajës së tij.

Të akuzuar nga daja i mamasë së tyre për  gjobvënie, lihen në qeli dy vëllezërit Santilno dhe Tesilvan Bashon njohur i Tesi, anëtar të bandës së Llanajve në Vlorë. Seanca për dy vëllezërit është zhvilluar e ndarë. Për Tesin masat e sigurisë janë caktuar në  Gjykatën e Vlorës, e cila është blinduar nga forca të shumta policie, për shkak të rezikshmërisë që ka.

I dyshuari është shoqëruar nga forcat Renea për në sallën e gjyqit. Ndërsa për Satilnon masa u caktua nga Gjykata e Krimeve të Rënda, për akuzën e shtrëngim me dhunë për dhënie pasurie. 38-vjeçari Tesi Basho është njohur me 3 masa sigurie në gjykatën e qytetit bregdetare, atë për ekstradimin drejt autoriteteve italiane ku është i dënuar me burgim të përjetshëm, për vrasjen e dy prostitutave, në 2016, vitin në të cilin ka mundur edhe të  arratiset nga burgu, gjithashtu për akuzat e kultivimit të narkotikëve, armëmbajtje pa leje, falsifikim të vulave, stampave apo formularëve  i akuzuar nga autoritete tona.

Gjykata e Vlorës i ka hapur rrugë ekstradimit të Tesi Bashos, por vendimi përfundimtarë është në dorë të Ministrisë së Drejtësisë. Në ditët në vijim, pritet ti caktohet një masë e 4 sigurie Tesi Bashos nga Gjykata e Krimeve të Rënda, për akuzën ‘shtrëngim me dhunë për dhënie pasurie’. Dy vëllezërit Basho kanë gjobitur dajën e mamasë së tyre, biznesmenin Sulejman Hoxha më 100 mijë euro.

Burime nga Gjykata e Vlorës kanë konfirmuar se gjatë gjithë seancës Tesi Basho ka qëndruar në heshtje të plotë, duke mos dhënë asnjë deklaratë rreth akuzave të ngritura ndaj tij. Ndërsa i vëllai Santilno i ka mohuar akuzat pasi sipas tij ato para i takonin për shkak të një toke të përbashkët.

33-vjeçari deklaroi para gjykatës se më dajën ka marrëdhënie të mira dhe se ka ditë që ai e ka kallëzuar në polici, sipas tij daja i ka deklaruar se nëse Santilno do të arrestohej, ai do të dëshmonte në polici se ky i fundit s’ka lidhje me këtë gjë.

Sipas 33-vjeçarit Santilno Basho ky konflikt është zgjidhur nga familjet e tyre. Pas përfundimi të seancës avokati i Santoli Bashos, Skender Demiraj është shprehur se i mbrojturi prej tij nuk ka kryer asnjë vepër penale.

Tesi Basho dyshohet  se ka marrë pjese në atentatin ku mbeti i plagosur Mikel Mehmeti në Janar të 2019 në qytetin e Vlorës, gjithashtu anëtari i bandës së “Llanajve” dyshohet të jetë autori i vrasjes së Laver Tozaj në Gusht të këtij viti./ABC News Albania


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono