Burg për 3 nga 5 të arrestuarit e laboratorit të drogës në Has

15:37 | 08/11/2018

Gjykata e Krimeve të Rënda la sot të pandryshuara masat e sigurisë për 5 personat e vënë në pranga pas zbulimit të laboratorit të përpunimit të heroinës dhe lëndëve të forta narkotike në Has. Tre nga të arrestuarit për laboratorin e drogës në Brenoge të Hasit do të qëndrojnë në burg, kurse më i moshuari Mustaf Shuti, 76 vjeç, u la në arrest shtëpie nga Gjykata e Krimeve të Rënda, në të njëjtën masë sigurie që e kishte lënë ajo e Kukësit. Për Anila Shutin u vendos masa e sigurisë, detyrim paraqitje.
Xhavit Shuti, Flamur Bisho Çelo dhe Vehbi Barushi u vendosën në masën e sigurisë arrest me burg, sikurse kishte kërkuar më herët akuza.

Të pesë të arrestuarit u akuzuan për Prodhim dhe Shitje të narkotike, Trafikim dhe fabrikim i lëndëve narkotike në bashkëpunim në formën e posaçme të grupit të strukturuar kriminal dhe organizatë kriminale. Në shtëpine e Shutëve, policia zbuloi një laborator në të cilin u sekuestruan 182.5 kg morfinë e ndarë në 175 pako, 22 litra të lëngshme për prodhimin e heroinës./abcnews.al




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono