Bruno Shllaku: Unë delja e zezë në Shkodër, se jam socialist

21:15 | 18/06/201921:150

Aktori Bruno Shllaku i ftuar në studion e Provokacijas ka folur për shfaqjen e tij më të fundit “Të korrat e gjelbërta”, e cila i dedikohet të gjithë intelektualëve të persekutuar.

Kjo shfaqje është vënë në skenën e Teatrit Metropol në Tiranë, por aktori dhe regjisori shkodran akuzon se në Shkodër nuk ëhstë vënë në skenë për shkak se nuk i kanë lënë teatrin. Sipas tij kjo vjen ngaqë është socialist dhe mik i Ramës.

“Në Shkodër nuk e kemi dhënë, se nuk e kemi dhënë teatrin se unë jam socialist dhe akuzohem se jam mik i Ramës dhe jam delja e zezë. Kam fakte që është kështu. Më kanë ndërpre dhe rolet duke thënë që është mik i Ramës. Dhe unë kam marr tekstin dhe kam thënë mirupafshim”.

Për Shkodrën shprehet: “Shkodra për mua është një oaz i mrekullueshëm kur bie dielli në të dhe pastaj kur dielli fshihet dhe t’i lirojë vendin zanave nuk ka më zana ka zana të këqij”.

Shllaku thekson se për këtë shfaqje është frymëzuar nga vepra e At Zef Pllumi “ Rrnoj për me tregue”, si një simbol  i të gjithë njerëzve që akoma rrojnë e tregojnë dhe gjithçka bie në vesh  të shurdhët.

“Ishte një shfaqje që e kisha obligim për qytetin tim, për ato njerëz që ranë në mënyrë unike si heronj, kur dragonjtë luftonin me kuçedrën, ranë me emrin e Atdheut. Fjala është për martirët shqiptarë të besimit katolik dhe muhamedanë që ishin kthyer nga katedralet e Evropës duke sjellë me vete qirinj për të iluminuar jetën e përditshme. Viktimat e komunizmit që nga viti ‘46, pushkatimet ndaj klerit shqiptar.

Drama është e ndërtuar në një rrymë sinkretike, që përzien nga pak të gjitha shkencat. E kam shkruar duke u inspiruar nga rrëfimet e disa njerëzve nga ferri i Spaçit, kam gërshetuar poezinë, dramën dhe muzikën.

Me një ritëm të heshtur sipas epikës iliro-greke ku predominon monologu i heshtur. “Rrnoj për me tregue” simbolizoj të gjithë ato njerëz që akoma rrojnë e tregojnë dhe gjithçka bie në vesh të shurdhët”. /abcnews.al


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono