Bruce Springsteen feston 70-vjetorin me një film dhe një album të ri
Mandatory Credit: Photo by Dave Allocca/StarPix/Shutterstock (10356461ae) Bruce Springsteen The Premiere of New Line Cinemas 'Blinded By The Light' film premiere After Party, New Jersey, USA - 07 Aug 2019

13:07 | 23/09/201913:070

Këngëtari i muzikës rock nga Nju Xhersi, Bruce Springsteen, zgjedh ende të jetë në skenë. Springsteen feston 70-vjetorin e tij me një film dhe një album të ri.

“Shumë urime për Boss”. Bruce Springsteen feston 70 vjetorin e tij duke qenë sërish në qendër të skenës me muzikën e tij rock. Një gjë e pashmangshme për dikë “të lindur për të vrapuar”.

Pas përfundimit me sukses të aventurës së spektaklit në Brodway mes fjalëve dhe muzikës, këtë vit ai publikoi albumin “Western Stars”, yjet e perëndimit ndërsa në 25 Tetor në kinema do të transmetohet filmi që ka të njëjtin titull me albumin

Filmi i drejtuar së bashku me mikun dhe bashkëpunëtorin e ngushtë Tom Zimni, është një rrugë e mesme mes dokumentarit të performancave të tij për këngët e albumit dhe pamjet e intensitetit dramatik të tij.

Por këtë vit muzika e “Boss” ka qenë gjithë kohës në ekranet e mëdha falë “Blinded By The Light” (I verbuar nga drita), film i bazuar në autobiografinë e Sarfraz Manzur. Një film ku të gjitha ngjarjet e protagonistit shoqërohen nga këngët e Springsteen. Nga ana muzikore Brus u krijua në lokalet e Xhersi Shor dhe në skenën muzikore të Asburi Park në vitet 60.

Albumi që i dha popullaritetin më të madh ishte “Born in the USA”, album që e transformoi në një super yll, i cili fitoi dhe cmimin Oscar me këngën “Streets of Philadelphia”, kolona zanore e filmit “Philadelphia”.

Fansat e tij të shumtë pretendojnë se bota ndahet mes atyre që e kanë parë “Springsteen LIVE” dhe atyre që nuk e kanë parë. Koncertet e tij janë një legjendë, një ritual laik që zgjat më shumë se tre orë ku skena dhe platea shkrihen në një.

Bruce e feston këtë ritual me forcën e atij që e di mirë se skena është i vetmi vend ku ndihet vërtet i sigurtë. Dhe për atë që e dëgjon është një ushqim për shpirtin./ABC News Albania 24/7

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono