Britani, një tjetër ministër dorëhiqet për shkak të Brexit

19:53 | 01/12/2018

Një tjetër anëtar i qeverisë britanike ka dhënë dorëheqjen për shkak të marrëveshjes së Breksit të negociuar nga kryeministrja Thereza Mej. Duke njoftuar vendimin e tij, ish-ministri i Arsimit dhe Shkencës ka deklaruar se akordi i Mej do të dëmtojë interesat kombëtare të Mbretërisë së Bashkuar.

Një tjetër ministër ka braktisur kabinetin e Thereza Mej për shkak të marrëveshjes së Breksit. Bëhet fjalë për ministrin e Arsimit dhe Shkencës, Sem Gimah, i cili e ka marrë vendimin e tij për shkak të daljes së Mbretërisë së Bashkuar nga sistemi satelitor i qarkullimit, Galileo. Britania e Madhe kishte deklaruar se do të vazhdonte të qëndronte në sistemin në fjalë pavarësisht daljes nga BE-ja, por Unioni insistoi se pas largimit nuk do të kishte më akses. Për ministrin Gimah, dalja nga sistemi Galileo ishte pasojë e parë e “negociatave brutale” për marrëveshjen e Breksit dhe sipas tij të tjera do të vijnë. Gimah është ministri i dhjetë që dorëhiqet për shkak të marrëveshjes, e cila sipas tij vetëm emrin ka të tillë, por nuk është një akord i mirëfilltë. Ai tha se do të votojë kundër paktit të negociuar nga kryeministrja Mej me Brukselin dhe bëri thirrje për një referendum të dytë. “Interesat e Mbretërisë së Bashkuar do të dëmtohen sistematikisht nga Bashkimi Europian për shumë vite në vazhdim”, komentoi Gimah në një postim në Facebook. Galileo është versioni europian i sistemit amerikan GPS (XHI PI ES), që përdoret nga miliona njerëz në mbarë botën dhe do të përdoret së shpejti edhe nga qeveritë, ushtritë dhe bizneset e Bashkimit Europian. Brukseli ka deklaruar se si pasojë e Breksit, Mbretërisë së Bashkuar nuk do t’i ofrohet akses imediat kur sistemi të hyjë online në vitin 2020. Por për qeverinë e Londrës, që ka investuar 1.4 miliard euro për projektin, aksesi është jetik për operacionet ushtarake dhe sigurinë kombëtare. /abcnews.al

 


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono